Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС МУНÖ ВА ВЫВТI
Вит сюрсöс вердöм бöрын Исус тшöктiс велöдчысьясыслы пуксьыны пыжö да вуджны ты мöдлапöлö. Ачыс кольччис, мед мöдöдавны йöзсö. Йöзöс ыстöм бöрын Исус кайис керöсö кевмысьны. Сiйö кадö пыжаяс вöлiны ты шöрынöсь нин, вермасисны гыяскöд да паныд тöвкöд.
Асъядорыс Исус мöдöдчис ва вывтi велöдчысьяс дiнас. Кор найö аддзисны ва вывтi восьлалысь Исусöс, повзьöмнысла горöдiсны: «Тайö орт!» Исус шуис: «Лöньöй, тайö Ме. Энö полöй». Сэки Петыр шуис: «Господьöй, тайö кö Тэ, тшöкты меным ва вывтiыс локны Тэ дiнö». Исус шуис: «Лок». Пыжсьыс воськовтöмöн Петыр мöдiс ва вывтiыс Исус дiнö. Ыджыд тöвнырысь Петырöс полöм босьтiс. Сiйö пондiс вöйны да горзыны: «Господьöй, мезды менö!» Исус дзик пыр нюжöдiс кисö Петырлы, кутiс сiйöс да шуис: «Этша эскысьöй, мыйла падъялан?»
Пыжö сöлiганыс тöлыс лöнис. Пыжын пукалысьяс уськöдчисны Исус водзö да шуисны: «Тэ збыльысь Ен Пи».
Матвей 14:22-33
354 
