Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПЕТЫРЛÖН СОССЬÖМ
Петыр вöтчис Исус бöрся аркирей керка дорöдз. Пырис йöрас да пуксис кесйöгъяскöд орччöн – кöсйис аддзывны, мый водзö лоас.
Аркирейяс, пöрысьяс да став веськöдлан котырыс корсисны Исуслы паныд ылöгвисьталысьясöс, медым сэсся мыждыны да вины Сiйöс. Уна пöръясьысь волiс, но колана висьталысьыс эз сюр. Бöрынджык нöшта кык ылöгвисьталысь локтiсны. Найö висьталiсны: «Тайö мортыс шулiс, верма пö Енлысь крамсö жугöдны, сэсся пö куим лунöн сiйöс бöр лэптыны».
Сэки аркирей сувтiс да юалiс Исуслысь: «Мый воча шуан?» Исус чöв олiс. Аркирей шуис: «Ловъя Ен водзын висьтав миянлы, Тэ-ö Кристос, Ен Пи». Исус вочавидзис: «Тэ Ачыд шуин. Висьтала тiянлы: öнiсянь аддзанныд Морт Пиöс, Ставсöвермысь Енлöн веськыдладорас пукалысьöс да кымöръяс вылын локтысьöс». Сэки аркирей косялiс ассьыс паськöмсö да шуис: «Сiйö Енмöс омöльтö! Висьталысьяс миянлы оз нин ковны, тi асьныд кывлiнныд Сылысь омöльтöмсö. Мый шуанныд?» Вочавидзисны: «Мыжа! Вины Сiйöс!» Сэсся сьöлалiсны Исуслы чужöмас, нöйтiсны Сiйöс да чужöмас кучкалöмöн шуалiсны: «Висьтав, Кристос, кодi кучкис Тэнö?»
Петыр пукалiс йöрас. Öти кесйöг ань матыстчис сы дiнö да шуис: «Тэ тшöтш галилеяса Исускöд вöлiн». Петыр став йöз водзас соссис: «Ог гöгöрво, мый висьталан», сэсся вешйис дзиръя дорö. Петырöс казялiс мöд ань да шуис сэнi сулалысьяслы: «Тайö мортыс Назаретса Исускöд вöлi». Петыр бара соссис, чорыда шуис: «Ме ог тöд тайö Мортсö!» Бöрынджык сэнi сулалысьяс матыстчисны да шуисны Петырлы: «Тэ дзик на пиысь, сёрниыд на кодь». Петыр енмасьöмöн пондiс соссьыны: «Ог тöд тайö Мортсö». Дзик пыр кылiс петуклöн чукöстöм. Сэки Петырлы уси тöд вылас Исуслöн шуöмыс: «Петук чукöсттöдз на тэ куимысь соссян Меысь». Петыр петiс да курыда бöрддзис.
Матвей 26:58-75
418 
