Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС ПИЛАТ ВОДЗЫН
Асывводзнас чукöртчисны став аркирейыс пöрысьяскöд, сёрнитчöмöн найö воисны öти кывйö: вины Исусöс. Сiйöс кöрталöмöн нуöдiсны римса юралысь Понтий Пилат дiнö. Пилат петiс вайöдысьяс дiнö да шуис: «Мыйысь тi мыжаланныд тайö Мортсö?» Найö вочавидзисны: «Эз кö вöв Сiйö лёк вöчысь, ми эськö эгö вайöдöй Сiйöс тэ дiнö. Ми аддзылiм: тайö Мортыс шызьöдö миянлысь войтырöс, öлöдö кесарлы вот мынтöмысь, асьсö ыдждöдлö öксыöн да Кристосöн».
Пилат бöр пырис керкаас, корис ас дiнас Исусöс да юалiс: «Тэ-ö юдейяслöн Öксыыс?» Исус вочавидзис: «Менам Юралöмöй абу тайö муюгыдсьыс. Вöлi кö тадзи, Менам кесъялысьясöй эськö тышкасисны Ме вöсна, медым эг шед веськöдлысьяслöн киö». Пилат шуис Сылы: «Сiдзкö, Тэ Öксы?» Исус вочавидзис: «Тэ ачыд шуан, мый Ме Öксы. Ме чужи да локтi муюгыдас, медым висьтавны збыль йывсьыс. Кодi збыльыслöн, сiйö кывзö Менсьым кывъясöс».
Пилат тöдмалiс, мый Исус Ирöд веськöдлан муысь. Ирöд сэки вöлi Ерусалимын, и Пилат мöдöдiс Исусöс сы дiнö. Ирöд ёна юасис Исусöс, но Сiйö воча кыв эз шу. Сэнi сулалысь аркирейяс да Индöдö велöдысьяс öтарö мыжалiсны Исусöс. Ирöд аслас шыпуртаяскöд сералiс-лёкöдiс Исусöс, пасьтöдiс Сiйöс озыр паськöмö да бöр мöдöдiс Пилат дiнö. Водзынсö Ирöд да Пилат лöгалiсны öта-мöд вылас, но тайö лунсяньыс найö кутiсны ёртасьны.
Пилат чукöртiс аркирейясöс, юралысьясöс да войтырсö, сэсся шуис налы: «Тi вайöдiнныд тайö Мортсö ме водзö да мыжаланныд Сiйöс йöзсö шызьöдöмысь. Ме тiян дырйи юаси Сiйöс да эг аддзы Сылысь мыжсö». Быд во Ыджыд лунö йöз корöм серти Пилат лэдзлiс дзескыдiнысь öти мортöс. Став йöзыс горöдiсны: «Вины Исусöс! Лэдз миянлы Варавваöс!» Варавва пукалiс дзескыдiнын карас зык лэптöмысь да мортöс виöмысь. Пилат бара шыасис йöз дiнö, öд кöсйис мездыны Исусöс. Но найö горöдiсны: «Тувъяв! Тувъяв Сiйöс!» Йöзыслöн да аркирейяслöн горзöмыс венiс.
Матвей 27:1-2, Лука 23:2, 7-23, Иоан 18:28-37
420 
