Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
САВЛ ПЫШЙÖ ДАМАСКЫСЬ
Найö, кодъяс кывзiсны Савллысь висьталöмсö Исус Кристос йылысь, ёна шензисны: «Эз-ö тайö мортыс бырöдав Ерусалимын Исус нимö шыасьысьясöс? Эз-ö сiйö лок татчö, медым босьтны найöс да нуöдны аркирейяс водзö?» Савл лунысь-лун висьталiс вынаджыка да эскöдiс, мый Исус – сiйö Кристос. Тайöн весьöпöртiс Дамаскын олысь юдейясöс.
Мыйкö дыра мысти юдейяс сёрнитчисны вины Савлöс. Та вöсна найö лун и вой кыйöдчисны карса дзиръя дорын. Тайö кывсис Савллы. Сэки дамаскса эскысьяс шуисны отсавны Савллы. Войнас найö пуксьöдiсны сiйöс ыджыд чуманö да лэдзисны карса стен бердöд. Татшöм ногöн Савл пышйис Дамаскысь.
Ерусалимö воöм бöрын Савл зiлис öтувтчыны велöдчысьяскöд. Но найö ставныс полiсны сыысь, эз эскыны, мый сiйö тшöтш Кристослöн велöдчысь. Сэки Варнава нима велöдчысь отсалiс Савллы, вайöдiс сiйöс апостолъяс дiнö да висьталiс налы, мый Савл аддзылöма Господьöс, да Господь сёрнитöма сыкöд. Нöшта висьталiс, кыдзи Савл Дамаскын повтöг юöртöма Исус йылысь. Сэки апостолъяс да став вичкоыс сибöдiсны Савлöс вокöс моз. Бöрынджык сiйöс кутiсны шуны апостол Павелöн. Сiйö повтöг висьтавлiс Господь Исус йылысь Ерусалимын да быдлаын юдейяс пöвстын, бöрынджык и мукöд войтыр пöвстын.
Апостол Павел гижис эскысьяслы уна гижöд. Тайö мöдöдöм гижöдъяссö пыртöма Выль Кöсйысьöмö. Филипса эскысьяслы сiйö гижис тадзи: «Исус Кристосöс, ассьым Господьöс, тöдöм дорысь нинöм абу ыджыдджыкыс. Кристос вöсна эновтi ставсö, ставсö лыддя ёгöн, медым ме озырми Кристосöн да лои Сы пытшкын веськыдöн эг Индöд серти уджъясöй вöсна, а Кристослы эскöм вöсна. Öд веськыдлунсö Енмыс сетö мортлы сöмын Кристослы эскöм пыр».
Апостолъяслöн уджъяс 9:21-28,Филипö мöдöдöм гижöд 3:8-9
460 
