Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПЕТЫРЛÖН КЫК МÖДÖДÖМ ГИЖÖД
Выль Кöсйысьöмын апостол Петырлöн кык мöдöдöм гижöд. Найöс вöлi ыстöма Ичöт Азияö (öнiя Турция) Кристос вичкояслы. Сiйö кадас эскысьясöс ёна дзескöдiсны да весиг виалiсны. Римса империяын кöсйисны бырöдны Кристослы эскöмсö. Петыр ассьыс медводдза гижöдсö мöдöдiс, медым ышöдны да ёнмöдны эскысьясöс. Петыр гижис тадзи:
«Тi öд тöданныд, мый тiянöс ньöбöма абу бырана эзысь да зарни вылö, медым мездыны тiянöс весьшöрö олöмысь, кодi вуджис тiянлы батьяссяньныд. Тiянöс ньöбöма Кристослöн дона Вир вылö. Сiйö вöлi тыр-бур да сöстöм Баля». (1:18-19)
«Мортыс – турун кодь, сылöн мичлуныс – дзоридз кодь. Турун косьмö, дзоридз усьö, а Господьлöн Кывйыс помтöг олö. Тайö Кывйыс – Бур Юöр, кодöс висьталöма тiянлы». (1:24-25)
«Лёк вöчöмысь энö мынтысьöй лёкöн да омöльтöмысь омöльтöмöн. Мöдарö, бурсиöй, öд тi тöданныд, мый та вылö корöма тiянöс. Сэки тiянлы вичмас бурсиöмыс». (3:9)
«Кристос öтчыдысь нуис сьöкыдсö миян мыжъяс вöсна, медым вайöдны миянöс Ен дiнö. Сiйö, веськыда олысь, кулiс лёк нога олысьяс вöсна. Сылысь вир-яйсö вöлi виöма, но ловсö вöлi ловзьöдöма». (3:18)
«Тiянöс кö лёкöдöны Кристос ним вöсна, тi шудаöсь. Öд Енлöн дзирдлуна Лолыс тiянкöд. Йöзыс омöльтöны Сiйöс, а тi ошканныд. Сöмын тiян пиысь некод мед оз сьöкыдав морт виöмысь либö гусясьöмысь, лёк вöчöмысь либö суклясьöмысь. Но сьöкыдалö кö кодкö Кристослы эскöмысь, мед оз яндысь. Мöдарö, мед ошкö Енсö таысь». (4:14-16)
Висьталöмъяс серти Петырöс тувъялöмаöсь крестö увлань юрöн, тадзи сiйö ачыс корöма. Петыр абу лыддьöма асьсö шогманаöн, медым сiйöс тувъялiсны Исус Кристосöс моз.
Петырлöн медводдза мöдöдöм гижöд
494 
