Выбрать язык
Выбрать рассказ Ветхого Завета
Выбрать рассказ Нового Завета
Йоча-влак ӱмбаке кидым пыштыже да нунын верч кумалже манын, Иисус деке икана икшыве-влакым конденыт. Тунемшыж-влак нуным чареныт. Но Иисус каласен: «Йоча-влакым пуртыза, Мый декем толаш нунылан ида чаре, вет Пылпомыш Кугыжаныш – нунын гай еҥ-влакын». Вара йоча-влак ӱмбаке кидым пыштен да нуным Юмын лӱм дене благословитлен.
Вес верыште Библийыште тыге возымо: «Иисус деке тунемшыж-влак лишемыныт да каласеныт: ”Пылпомыш Кугыжаныште кӧ эн кугу?” Иисус йочам ӱжын, тудым нунын коклашке шогалтен да каласен: ”Тыланда чынак ойлем: те огыда вашталт да йоча гай огыда лий гын, Пылпомыш Кугыжанышыш пурен огыда керт. Тыгеже, кӧ шкенжым тиде йоча гай изилан шотла, тудо Пылпомыш Кугыжаныште эн кугу. Но Мыланем ӱшаныше тыгай изирак-влак кокла гыч иктыжым чын корно гыч кӧ кораҥда, тудын шӱйышкыжӧ вакшкӱм сакен, теҥыз пундашке пуртен колтат гын, тудлан сайрак лиеш ыле”».
Эше тыгак возымо: «Иисус йочам ӧндалын да ойлен: ”Кӧ тидын гай ик йочам Мыйын лӱмем верч йӧратен налеш гын, Мыйым налеш. А кӧ Мыйым налеш, тудо Мыйым огыл, Мыйым Колтышым налеш”».
Матфей 18:1-4,6; 19:13-15; Марк 9:36-37
100 