Выбрать язык
Выбрать рассказ Ветхого Завета
Выбрать рассказ Нового Завета
Иисус Христосын мланде ӱмбалне илымыж годым Израиль мландыште римлян-влак озаланеныт. Рим казналан йозакым погышо-влак коклаште Израиль калык еҥ-влакат лийыныт. Чӱчкыдынак нуно шке калыкше деч оксам тӱргоч кӱрыныт. Садлан кӧрак нуным йӧратен огытыл.
Икана Иисус Иерихоныш пурен. «Иисус ола гоч эртен. Туштак Закхей лӱман еҥ лийын, тудо йозак погышо-влакым вуйлатен, поян лийын. Иисусым, кӧ Тудо манын, пешак ужнеже улмаш, но изи капан улмыжлан калык шеҥгеч ужын кертын огыл. Тунам тудо ончык куржын, Иисусым ужаш манын, Тудын эртышаш корно воктенсе смоква пушеҥгыш кӱзен. Тиде верыш миен шумеке, Иисус кӱшкӧ ончалын, тудым ужын да каласен: ”Закхей, писынрак воло! Мый таче тыйын мӧҥгыштет лийшаш улам”.
Тудыжо писын волен да Иисусым, куанен, унам ыштен. Тидым ужын, чылан ӧпкелен ойлаш тӱҥалыныт: ”Языкан еҥ деке пурен!”
Закхей ончыко лектын да Иисуслан каласен: ”Пел погем йорло-влаклан пуэм, а кӧ деч ондален налынам гын, ныл пачаш шукырак пӧртылтем!” Иисус тудлан каласен: ”Таче тиде пӧртыш утаралтмаш толын, вет тиде еҥат Авраамын эргыже. А Мый йомшым кычал муаш да утараш толынам”.»
102 