Выбрать язык
Выбрать рассказ Ветхого Завета
Выбрать рассказ Нового Завета
Тыгеракын, моло тӱрлӧ пушеҥге коклаште поро да осалым палдарыше пушеҥге шоген. Адам ден Евалан Юмо тиде пушеҥгысе саска деч молым чыла кочкаш лиеш манын каласен. А ончыктымо пушеҥгын саскажым кочкыда гын, коледа манын. Но сатана, айдеме ден Юмын тушманже, Адам ден Евам пытараш шонен пыштен. Тудо, кишке сыным налын, Ева деке лишемын да каласен: «Юмо тыланда райыште нимогай пушеҥгын саскажымат ида коч манын чынжымак каласен мо?» Ева вашештен: «Садысе пушеҥге-влакын саскаштым ме кочкын кертына. Лач сад покшелсе пушеҥге нерген гына, колаш огыл манын, тудын саскажым ида коч да тудын деке ида тӱкнӧ манын каласен». Тунам кишке шояклен ойлен: «Уке, огыда коло. Юмо пала, тиде саскам кочкыда гын, тендан шинчада вигак почылтеш, осал ден порым ойырен мошташ тӱҥалыда, Юмо гаяк лийыда».
Ева пушеҥгым ончалын: саскаже пеш тамлыла койын, пушеҥгыжат шинчажым сымыстарен. Пушеҥге уш-акылым пуэн кертын, тидат саскажым пурлын ончаш таратен. Ева пушеҥге гыч саскам налын кочкын. Вара тудым марийжыланат пукшен.
Юмо Адамлан каласен: «Тиде пушеҥгын саскажым ит коч манын, Мый тыланет пеҥгыдын каласенам. Ватетым колыштметлан да ты пушеҥгын саскажым кочметлан кӧра мланде каргалтеш, тыланет кочкышым мланде ситышын шочыктыжо манын, тый ӱмырет мучко неле пашам ыштышаш улат. Мӧҥгеш мландыш савырнымешкет, шке киндетым пӱжвӱдет йӧре кочкаш тӱҥалат. Тый мланде гыч налме улат, тый пурак улат да пуракышкак савырнет». Вара Юмо нуным рай сад гыч поктен колтен. Нуно тышке ынде пӧртылын кертын огытыл.
10 