Выбрать язык
Выбрать рассказ Ветхого Завета
Выбрать рассказ Нового Завета
«Юмо каласен: ”Айдемым шке тӱсна почеш, Шкенангайым ыштена. Тек тудо вольыклан, теҥызысе коллан,кавасе кайыклан, изи ден кугу тӱрлӧ чонанлан да чыламландыланат оза лиеш”.
Тыге Юмо айдемым Шкенжын тӱсшӧ почеш, Шкенжын гайым ыштен. Айдемыже пӧръеҥ ден ӱдырамаш лийыныт. Юмо нуным суапландарен каласен: ”Тӱлышан лийза, шукемза, мландым темыза, озаланыза. Теҥызысе коллан, кавасе кайыклан, изи ден кугу чыла чонанлан оза лийза”. Вара манын: ”Мый тыланда мландӱмбалсе чыла нӧшман кушкылым, кичкан саскам пуышо чыла пушеҥгым пуэм. Тиде тыланда кочкыш лиеш. А чыла янлыклан, кавасе кайыклан да мланде мучко коштшо чыла чонанлан кочкашышт ужар кушкыл-влакым пуэм”. Каласыме семынак лийын.
Мо ыштымыжым ончалмеке, Юмо ужын: чыла тиде моткоч сай. Лийын кас, лийын эр: тыге кудымшо кече эртен.
Тыге кава ден мланде да тушто мо улшо чылажат ыштыме лийыныт. Шымше кече марте Юмо чыла шке пашажым ыштен шуктен. Шымше кечын чыла шке пашаж деч Тудо канен.»
Пӧръеҥын лӱмжӧ Адам лийын, а ӱдырамашыжын – Ева. Нуно Ыштышыштым моткоч йӧратеныт, а Ыштышышт нуным йӧратен.
«Юмо эрвел мландеш, Едемеш, садым шынден да ыштыме айдемыжым тушко илаш пуртен. Юмо мланде ӱмбалне тӱрлӧ пушеҥгым, йытыра сынан да чапле саскам пуышо пушеҥгым куштен. Рай покшелне илыш пушеҥгым, тыгак поро да осалым палдарыше пушеҥгым куштен».
Тӱҥалтыш (Бытие) 1:26-31; 2:1-2, 8-9
8 