Выбрать язык
Выбрать рассказ Ветхого Завета
Выбрать рассказ Нового Завета
«Юмо каласен: ”Кече ден йӱдым икте-весе деч ойыраш тек каваште тӱням волгалтарыше-влак лийыт. Тек нуно пале семын жапым, кечым да идалык-влакым ончыктат, кава гыч мланде ӱмбаке волгыдым колтат”. Каласыме семынак лийын. Юмо кок кугу волгалтарышым ыштен: кугуракшым кечывалым виктараш, изиракшым – йӱдым. Тудо тыгак шӱдыр-влакым ыштен. Юмо ужын: чыла тиде сай. Лийын кас, лийын эр: тыге нылымше кече эртен.
Юмо каласен: ”Тек вӱдыштӧ чонан-влак шолыт да тек кайык-влак мланде ӱмбалне, кавапомышышто чоҥештылыт”. Тыге Юмо теҥызыште илыше кугу янлык-влакым, вӱдыштӧ илыше чонан-влакым да чоҥештылше кайык-влакым урлыкын-урлыкын ыштен. Юмо ужын: чыла тиде сай. Юмо нуным суапландарен*а каласен: ”Тӱлышан лийза, шукемза, теҥыз вӱдым темыза, да тек кайык-влак мланде ӱмбалне шукемыт”. Лийын кас, лийын эр: тыге визымше кече эртен.
Юмо каласен: ”Тек мланде урлыкын-урлыкын тӱрлӧ чонаным шочыкта: вольыкым, изи да кугу янлык-влакым”. Тыгак лийын. Юмо вольыкым, изи да кугу тӱрлӧ янлыкым, кажныжым урлыкын-урлыкын ыштен. Юмо ужын: чыла тидесай.»
Юмын шомакше дене ыштыме, шыма кечыйол дене волгалтарен ырыктыме мландӱмбал моткоч сӧрал лийын. Но тӱням ыштымаш тидын дене пытен огыл. Тиде сӧрал тӱняште илыже да тӱням Ыштыше дене тичмаш кылым кучен шогыжо манын, Юмо айдемым ышташ шонен пыштен.»
*а Суапландараш – благословлять.
6 