Выбрать язык
Выбрать рассказ Ветхого Завета
Выбрать рассказ Нового Завета
Юмын Книгаже, Библий, тыгай шомак дене тӱҥалеш: «Тӱҥалтыште Юмо кава ден мландым ыштен. Мланде тӱсдымӧ да чара улмаш. Пундашдыме келгыт ӱмбалне пычкемыш лийын, да Юмын Шӱлыш вӱд ӱмбалне коштын. Юмо каласен: ”Тек волгыдо лиеш”. Тунамак волгыдо лийын. Юмо ужын: волгыдо сай, да тудым пычкемыш деч ойырен. Юмо волгыдым кече манын лӱмден, а пычкемышым – йӱд. Лийын кас, лийын эр: тыге икымше кече эртен.
Юмо каласен: ”Тек вӱд покшелне пеҥгыде лиеш да вӱд деч вӱдым ойыра”. Тыге Юмо пеҥгыдым ыштен да пеҥгыде йымалсе вӱдым пеҥгыде ӱмбалсе деч ойырен. Тыгак лийын. Пеҥгыдым Юмо кава манын лӱмден. Лийын кас, лийын эр: тыге кокымшо кече эртен.
Юмо каласен: ”Тек кава йымалсе вӱд ик верыш погына, кукшо вер лектеш”. Да тыгак лийын. Юмо кукшо верым мланде, а вӱд погынымо верым теҥыз манын лӱмден. Юмо ужын: тиде сай. Юмо каласен: ”Тек мланде урлыкын- урлыкын шарлыше ужар кушкылым: нӧшман шудым, саскан вондер ден пушеҥгым – шочыкта”. Каласыме семынак лийын. Мланде тӱрлӧ ужар кушкылым шочыктен: нӧшман шудым, саскан вондерым да пушеҥгым. Юмо ужын: чыла тиде сай. Лийын кас, лийын эр: кумшо кече эртен.»
Тӱҥалтыш (Бытие), 1-ше глава, 1-13 почеламут
4 