Выбрать язык
Выбрать рассказ Ветхого Завета
Выбрать рассказ Нового Завета
«Шуматкече деч вара, арнян икымше кечын волгалташ тӱҥалме годым, Мария Магдалина ден вес Мария шӱгарым ончаш толыныт. Теве мланде виян чытырналтын: Юмын Суксыжо пылпомыш гыч волен, шӱгар деке миен да аҥысе кӱм кораҥден, ӱмбакыже шинчын. Суксын тӱсшӧ волгенче гай улмаш, вургемже лум гай ошо. Туддеч лӱдын, оролышо-влак чытыраш тӱҥалыныт да колышо гай лийыныт.
А Суксо мутшым ӱдырамаш велке савырен ойлен: ”Те ида лӱд. Палем, те пудален сакыме Иисусым кычалыда. Тудо тыште уке, ойлымыжо семынак ылыжын, лишкырак толза да кийыме вержым ончалза. Вара писынрак кайыза да Тудын тунемшыж-влаклан каласыза: Тудо колымаш гыч ылыжын да тендам Галилейыште вашлиеш. Тушто Тудым ужыда. Мый кызыт тыланда ойлышашем каласенам”. Ӱдырамаш-влак шӱгар деч писын кораҥыныт, лӱдын да чот куанен, Иисусын тунемшыж-влаклан увертараш куржыныт.
Теве тунемшыж-влаклан увертараш кайымышт годым Иисус нуным вашлийын да каласен: ”Куаныза!” Нуно лишемыныт, ончыланже сукен, вуйым савен, йолжым ӧндалыныт. Иисус ойлен: ”Ида лӱд, мийыза да лишыл йолташем-влаклан Галилейыш каяш каласыза. Нуно Мыйым тушто ужыт”.
Ӱдырамаш-влак кайымеке, орол кокла гыч южышт олашке пуреныт, архиерей-влаклан мо лиймым чыла увертареныт. А нунышт калык кугурак-влак дене погыненыт, каҥашен налмеке, сарзе-влаклан шуко оксам пуэныт да ойленыт: ”Тудын тунемшыж-влак йӱдым толыныт да малымына годым капшым шолышт наҥгаеныт манын каласыза. Вуйлатыше деке тидын нерген увер миен шуэш гын, ме тудым ӱшандарена, да тыланда нимо шотыштат азапланыме ок кӱл”. Сарзе-влак, оксам налын, каласыме семынак ыштеныт. Нунын ойлымыштым иудей-влак коклаште тачысе кече мартеат шаркалат.»
116 