Выбрать язык
Выбрать рассказ Ветхого Завета
Выбрать рассказ Нового Завета
«Алатик тунемшыже Галилейыш Иисусын кӱштымӧ курык ӱмбаке каен. Иисусым ужмеке, ончыланже кумык возыныт, а южышт кокытеланеныт. Иисус нунын деке лишемын да каласен: ”Мылам пылпомышто да мландӱмбалне пӱтынь власть пуалтын. Сандене кайыза да чыла калык-влакым туныктыза. Ача, Эрге да Святой Шӱлыш лӱмеш нуным тынеш пуртыза, тыланда чыла кӱштымем шуктен шогаш туныктыза. Тӱня пытымешке, Мый кече еда тендан дене пырля лиям”.»
«Орланен колымыж деч вара Иисус илыше улмыжым ойырен налме Апостолжо-влаклан тӱрлын ӱшандарен оныктен, нылле кече нунылан кончен да Юмын Кугыжаныш нерген каласкален. Кунам Иисус Апостол-влак дене пырля погынен, кӱштен ойлен: ”Иерусалим гыч ида кай, Ачан сӧрымыжын шукталтмым вучыза. Тиде сӧрымӧ нерген те Мый дечем колында. Иоанн вӱд дене тынеш пуртен, а тылеч вара икмыняр кече гыч те Юмын Святой Шӱлыш дене тынеш пуртымо лийыда. Кунам ӱмбакыда Святой Шӱлыш вола, те вийым налыда – Иерусалимыштат, уло Иудей ден Самарий мучкат, мланде тӱр мартеат Мыйын таныклышем лийыда”.
Тыге манмеке, Апостол-влакын шинча ончылныштак Иисус пылпомышко кӱзен каен, да пыл Тудым нунын шинча ужмышт гыч наҥгаен. Тудын торлымыж годым нуно пылпомышко тӱткын онченыт. Тунам воктенышт ош вургеман кок пӧръеҥ шогымым ужыныт, нунышт каласеныт: ”Галилейын еҥже-влак, мом тыге пылпомышко ончен шогеда? Тиде Иисусын тендан деч пылпомышко нӧлталтмыжым ужында. Кузе Тудо каен, тугак мӧҥгеш пӧртылеш”.»
Матфей 28:16-20; Апостол-влакын пашашт 1:2-5,8-11
118