Выбрать язык
Выбрать рассказ Ветхого Завета
Выбрать рассказ Нового Завета
Каен-каен, Израиль калык Фаран манме ир мландышке миен шуын. Юмо Моисейлан тыге кӱштен: «Чыла тукым гычын кугуракыштым ойырен нал. Израиль калыкемлан пуымо Ханаан мландым шымлен ончаш колто».
Тыге латкок еҥ корныш каен. Тиде мландыште нуно моткоч сӧрал сад-пакчам, олык ден пасум да кугу ола-влакым ужыныт. Мӧҥгеш толшыштла ончаш колтымо еҥ-влак тӱрлӧ пакчасаскам да моткоч кугу ик виноград орлаҥгым пырля конденыт, «шӧр ден мӱй йогымо» сӧрал мланде нерген каласкаленыт. Тиде годымак тушто илыше тале калык да аралалташ чоҥымо олашт-влак нерген ойленыт. «Нуно мемнан деч виянрак улыт», – маныныт. Лач Иисус Навин ден Халев гына калыкым лӱдыктылын огытыл. Халев тыге ойлен: «Каена, тиде мландым налына! Ме нуным сеҥен кертына». Но калык нуным колышташ шонен огыл. Еҥ-влакшке коклаштышт тыге кутыреныт: «Шкаланна вуйлатышым ойырена да Египетышке пӧртылына!» Тунам Иисус Навин ден Халев Израиль калыклан ойленыт: «Ханаан мландысе калык деч ида лӱд. Нуным аралыше уке, а мемнан пелен Юмо». Но калык утларак веле сырен.
Моисей ден Ааронлан калыкын ӱшаныдымыжым да мут колыштдымыжым ужаш моткоч неле лийын. Юмо Моисейлан каласен: «Кунар эше тиде калык Мыйым шотлыдымо лиеш? Мый нуным пытарем, нунын деч кугурак да виянрак калыкым тый дечет луктам». Но Моисей Юмо деч калыкын шучко языкшым кудалташ йодын. Юмо калыкын титакшым адак кудалтен. Но сӧрымӧ Ханаан мландым нунын йочаштлан, тыгак Иисус Навин ден Халевлан веле пуаш сӧрен. Моло калык тушко логалшаш огыл улмаш.
Шотлымаш (Числа) 13:1-34; 14:1-30
48 