Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИОНАФАН
Mзярда Давид кандозе няфтемс Саулонди шавф Голиафонь прянц, ся кизефтезе: «Киннят цёрась?» Давид каршезонза: «Мон – Бетлеемса эряй Ессеень цёрацан». Корхтамстост маласостоль Ионафан, Саул оцязорть цёрац. Сон ульсь эзрай и отькорь. Ионафан седиге кармась кельгомонза Давидонь, и синь арасть мала ялгакс. Ялгаксшинкса сон казезе Давидонди эсь щамонц, карксонц, торонц и налксонц. Давидондивок кельговсь Ионафан.
Аньцек Саулонь аф мялезонзоль ялгаксшисна. Мзярда Давид шавозе Голиафонь, ломаттне гайфтезь шназь лемонц, юватькшнесть: «Саул сяськсь тёжянь, Давид – кемотть тёжянь!» Ня моротнень кулемста Саул сюнерьгодсь, сон ёрась сембе шнаматне кайгольхть лемозонза. Эстоньбере кармась Давидонь лангс сельмонь каяма, мялецоль шавомс сонь.
Весть Саулонь потмонц тага шорязе кяжи ваймопожфсь, и Давид карзиса седясь тейнза. Апак учт Саул ёрдась лангозонза сялгом, цёрась нотфтась пря шири, и аньцек тя идезе сонь.
Ионафан аф весть Давидонь кяшендезе алянц кяжда и апрякакшнезе Саулонь кяжи арьсефонц инкса, корхтась: «Катк оцязорозе аф тии кальдяв Давид уренцты; сон мезьсовок аф мувору инголет, меколанкт, тевонзовок пяк лездыхть тондейть. Сон ашезе ужяльде эряфонц филистияннеть каршес лисемста, и Азорсь макссь сяськома марнек Израильти. Тонцьке няить тянь и кеняртькшнеть. Мезенди ина тяни ёрат сувамс пежетьс и пяярдемс аф мувору верть, туфталфтома кулофтомс Давидонь?» Васенда Саул кулхцондозе цёранц и макссесь вал аф шавомс Давидонь.
ОЦЯЗОРХТ 1-ЦЕСЬ 17:57-58; 18:1-11; 19:1-6
162 
