Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ДАВИД АЩИ УДЫ САУЛОНЬ ВАКССА
Шиста шис кассь Саулонь седиса кяжсь Давидонь лангс. Меколи сась тяка мяльти – шавомс Давидонь. Ионафан содазе тянь и пачфтезе кельгома ялганцты. Давид ворьгодсь Саулонь эзда, сяльде сонцень ломанензон мархта кяшсь панттнень ёткс. Саул эсь ушмовиенц мархта ушедсь панцема мельганза, аньцек Давидонь мархтоль Шкайсь, и Саулонди сон ашезь кундав. А Давидонди аф весть ульсь кода шавомс Саулонь, но сон ашезь ёра тиемс Саулонди кодамовок кальдяв, сяс мес ся ульсь Шкаень ватьф оцязор.
Весть Саул кочкась израилень инь таза алятнень ёткста колма тёжятть и тусь пандова Давидонь вешендема. Давид содазе, коза лоткась Саул вень ётафтома. Эста Давид сявозе Авесса ялганц и веть валгсь Саулонь лоткама вастозонза, тоса сембе удость. Синь маладсть уды Саулонди, няйсть пряпесонза модас пезфтаф сялгом. Ялгац корхтай Давидонди: «Мярьк сявомс сялгомть и шавомс Саулонь». Давид ашезь мярьге шавомс Шкаень ватьф оцязорть, кле, сай ся шись, мзярда Шкайсь сонць сатсы пенц. Синь сявозь Саулонь сялгомонц, ведь сяканянц и тусть.
Валдашкодомста Давид стясь панда пряв, кона ащесь Саулонь лоткама вастонц каршеса, кайгиста серьгядезе Саулонь и няфтезень тейнза паршиензон. Саул няезе, Давид ашезь панда тейнза кяж, мярьгсь: «Пежетьс сувань; мрдак, Давид цёрай! Оду аф карман тиендема тейть кальдяв, сяс мес ваймозень ванфтыть. Ёньфтомокс тиендень и пяк лама пежетьтон». Саул макссь вал Давидонди оду аф панцемс мельганза. Аньцек педа-пес кяжец ашезь сола. Тя сяс, мес ашезь эняльде Шкайти нолдамс пежетензон и виде кис ладямс седиенц.
ОЦЯЗОРХТ 1-ЦЕСЬ 20:1-43; 26:2-21
164 
