Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеКнига РуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ПСАЛТИРЬ

ОЗНОМАМОРОТ

Глава 49

Пазонь вейсэньлувонь вешематне

1Азорось, пазтнэнь Пазось, кортась
   ды тердизе весе масторлангонть,
   чилисемасто чивалгомас, пурнавомс вейс.
2Сионсто, мазыйдеяк мазый таркасто,
   Сон сы сияждыця инексчисэнзэ.
3Минек Пазось сы, Сон сы аволь чатьмонезь.
   Сонзэ икеле кирвиця-пултыця тол,
   перьканзо чары виев давол.
4Сон терди менеленть ды моданть улемс неицякс-яволявтыцякс,
   зярдо Сон карми судямо Эсензэ раськенть:
5”Пурнынк Монень Монь кемевикс важотнень,
   конат тейсть мартон вейсэньлув аноксонь максома вельде”.
6Менелесь корты Сонзэ видечиденть,
   эдь судиясь Сонсь Пазось.

7”Монь раськем, кунсолок! Мон карман кортамо.
   Израиль, кунсолок! Мон карман невтнеме-яволявтнеме тонь каршо.
   Мон – Паз, тонь Пазот.
8Мон карман мурнеметь аволь аноксот кисэ,
   эдь тонь пултавкстнэ свал Монь икеле.
9Монень а эряви тонь кудосто од букаськак,
   кардазстот атяка сеятнеяк.
10Эдь вирень весе идем ракшатне Монь,
   тёжат пандотнень ланга кудоракшатнеяк Монь.
11Пандо лангсо эриця весе нармунтнень Мон содасынь,
   паксянь идем ракшатнеяк сельмень икеле.
12Бути Монь вачоволь пекем,
   сестэяк аволинь ёвта тонеть,
   эдь менельтне-мастортнэ ды весе,
   мезе сынст лангсо, – те Монь.
13Арази Mон ярсан букань сывельде
   ды симан атяка сеянь верде?
14Кандт Пазонтень аноксокс шнамо
   ды топавтыть Верепазонть икеле эсь алтамот,
   конатнень Тензэ максыть.
15Тердемак Монь стака чистэ.
   Мон идетян тонь, ды тон шнасамак”.

16Пежетевентень жо Пазось корты:
   ”Кие тон истямось, кие ёвтни Монь аравтовкстнэде*а,
   кие корты Монь вейсэньлувдонть?
17Эдь тон а вечксыть Монь превс путоматнень
   ды варма мельга нолдтнят Монь валтнэнь.
18Зярдо неят салыця, тон сеске малавгадат мартонзо,
   ды ускурицятнень-усксевицятнень*б мартояк вейсэньгалят.
19Тонь кургостот лисить зыянов валт,
   тонь келеськак поны манчема-кенгелема.
20Озадо аштят ды кортавтат эсь братот,
   кенгелят эсь авать цёранзо лангс.
21Мон чатьмонинь, зярдо тень теить.
   Тон сестэ арсить: Мон истяман жо, кодамат тон.
   Ансяк Мон таргасынь лангс тонь теветь
   ды сельметь икелев путсынь [пежететь].

22Чарькодинк тень весе, кить стувтнить Пазонть.
   Эдь бути Мон карман тынк чавномо-ёмавтнеме,
   сестэ уш а муеви идиця.
23Кие аноксокс канды шнамо, се лови Монь.
   Кие ваны эсь эрямо кинзэ мельга,
   сенень Мон невтьса Пазонь идеманть”.

*а 49:16 аравтовкс – устав, постановление

*б 49:18 ускурямс – улемс авидекс мирде эли ни икеле; прелюбодействовать

 Глава 49