Выбрать язык
Книги Ветхого Завета
Книги Нового Завета
без русского текстаКОРИНФ ОШОНЬ КЕМИКУРОНТЕНЬ ПАВОЛОНЬ ВАСЕНЦЕ СЁРМАЗО | ПЕРВОЕ ПОСЛАНИЕ К КОРИНФЯНАМ |
Глава 11 | Глава 11 |
| 1Тееде монь ладсо, кода монгак теян Христос ладсо. | 1Будьте подражателями мне, как я Христу. |
| 2Мон тынк шнан, кемиця ялгат, секс, мекс тынь свал мельсэнк кирдтядо весе монь тевень-валон ды видестэ топавттадо весе се тонавтоматнень, конатнень мон максынь тенк. | 2Хвалю вас, братия, что вы все мое помните и держите предания так, как я передал вам. |
| 3Монь мелем ней ёвтамс тенк: эрьва цёра ломанентень прявтось – Христос, нинтень прявтось – мирде, Христоснэнь прявтось – Пазось. | 3Хочу также, чтобы вы знали, что всякому мужу глава Христос, жене глава--муж, а Христу глава--Бог. |
| 4Эрьва цёра ломанесь, кона озны эли пазмарицякс корты прянь вельтязь, теньсэ вети визьксчамас эсь прявтонзо. | 4Всякий муж, молящийся или пророчествующий с покрытою головою, постыжает свою голову. |
| 5Ды эрьва аваськак, кона озны эли пазмарицякс корты прянь апак вельтя, вети визьксчамас эсь прявтонзо. Сон мейсэяк а явови бреязь пря аванть эйстэ. | 5И всякая жена, молящаяся или пророчествующая с открытою головою, постыжает свою голову, ибо [это] то же, как если бы она была обритая. |
| 6Истямо ладсо, бути авась а кандтни прянь вельтямо паця, сестэ кадык черензэяк нарасынзе. Ды бути авантень амазы улемс наразекс эли бреязекс, сестэ кадык вельтясы прянзо. | 6Ибо если жена не хочет покрываться, то пусть и стрижется; а если жене стыдно быть остриженной или обритой, пусть покрывается. |
| 7Цёрантень а эряви вельтямс прянзо, секс мекс сон невти Пазонь чачонть ды Сонзэ инексчинть, авась жо невти цёранть инексчинзэ. | 7Итак муж не должен покрывать голову, потому что он есть образ и слава Божия; а жена есть слава мужа. |
| 8Эдь аволь цёрась теезь аванть эйстэ, мекевланк, авась цёранть эйстэ. | 8Ибо не муж от жены, но жена от мужа; |
| 9Ды аволь цёрась ульнесь теезь аванть туртов, мекевланк, авась – цёранть туртов. | 9и не муж создан для жены, но жена для мужа. |
| 10Секскак авантень эряви вельтямс прянзо вана мекс: те ули мирдень азорксчи ало аштемань тешкс, ды ангелтнэнень тешкс. | 10Посему жена и должна иметь на голове своей [знак] власти [над] [нею], для Ангелов. |
| 11Азоронть икеле, ялатеке, аваськак мезекскак а ашти цёравтомо ды цёраськак – ававтомо. | 11Впрочем ни муж без жены, ни жена без мужа, в Господе. |
| 12Куш авась теезель цёранть эйстэ, истя жо эрьва цёраськак чачи аванть эйстэ. Ды сынь кавонест, кода весемесь, лисить Пазонть эйстэ. | 12Ибо как жена от мужа, так и муж через жену; все же--от Бога. |
| 13Арседеяк тынсь, мазы-амазы авантень озномс Пазонтень прянь апак вельтя? | 13Рассудите сами, прилично ли жене молиться Богу с непокрытою [головою]? |
| 14Эдь сонсь Пазонь теевть лувоськак тынк тонавты: цёрантень кувака чертне – визьксчи, | 14Не сама ли природа учит вас, что если муж растит волосы, то это бесчестье для него, |
| 15авантень жо кувака чертне – ине мазычи. Сынь сонензэ максозь, кода вельтямо паця. | 15но если жена растит волосы, для нее это честь, так как волосы даны ей вместо покрывала? |
| 16Бути киньгак ули мелезэ мартон теде пелькстамс, сенень мерян: те кевкстеманть коряс лия койть-кирдат арасть минеккак ды Пазонь весе кемикуротнесэяк. | 16А если бы кто захотел спорить, то мы не имеем такого обычая, ни церкви Божии. |
| 17Максан тенк лия превспутоматкак. Ансяк ней а шнатадызь тынк промксонк ютавтомаст кисэ: сынь тыненк лезэнть таркас кандыть седе ламо зыян. | 17Но, предлагая сие, не хвалю [вас], что вы собираетесь не на лучшее, а на худшее. |
| 18Васняяк, мон маринь: тынк кемикуронь промкстнэсэ эрсить явновомат, ды аламодо кемангак тенень. | 18Ибо, во-первых, слышу, что, когда вы собираетесь в церковь, между вами бывают разделения, чему отчасти и верю. |
| 19Нама, авейкеть мельтненень тынк ютксо эрявияк улемс. Истя тыненк седе неяви, кить ютксонк кемевикст. | 19Ибо надлежит быть и разномыслиям между вами, дабы открылись между вами искусные. |
| 20Зярдо тынь пурнавтадо весе кемикуронек, те, нама, аволь Азоронть лемс ярсамо. | 20Далее, вы собираетесь, [так, что это] не значит вкушать вечерю Господню; |
| 21Эдь эрьвась эйстэнк ярсамсто уварды*а эсь ярсамодонзо, вейкенк-вейкенк апак учо. Секс вейкесь кадови вачодо, омбоцесь туи иредьстэ. | 21ибо всякий поспешает прежде [других] есть свою пищу, [так] [что] иной бывает голоден, а иной упивается. |
| 22Арази тынк арась эсь кудонк, косо ярсавлиде ды симевлиде? Мекс тынь безардтядо Пазонь кемикуродонть ды покордатадо арасьчисэтнень? Мезе тень лангс ёвтамс тенк? Шнамс? Арась, тень кисэ мон тынк а шнатадызь! | 22Разве у вас нет домов на то, чтобы есть и пить? Или пренебрегаете церковь Божию и унижаете неимущих? Что сказать вам? похвалить ли вас за это? Не похвалю. |
| 23Монень максозь Сонсензэ Азоронть пельде се, мезес мон ней тынккак тонавтан: Иисус Азорось се вестэнть, зярдо миезель, сайсь кши, | 23Ибо я от [Самого] Господа принял то, что и вам передал, что Господь Иисус в ту ночь, в которую предан был, взял хлеб |
| 24ёвтась Пазонтень сюкпря, синтризе ды мерсь: «Саинк ды ярсадо, те Монь рунгом, кона тынк кисэ синтреви. Истя тейнеде мелезэнк Монь ледстнемга». | 24и, возблагодарив, преломил и сказал: приимите, ядите, сие есть Тело Мое, за вас ломимое; сие творите в Мое воспоминание. |
| 25Ярсамодо мейле Сон истя жо саизе кеченть ды мерсь: «Те кечесь – Пазонть марто од вейсэньлув, кона кемекстави Монь верьсэ. Эрьваксть, зярдо карматадо эйстэнзэ симеме, тееде тень мелезэнк Монь ледстнемга». | 25Также и чашу после вечери, и сказал: сия чаша есть новый завет в Моей Крови; сие творите, когда только будете пить, в Мое воспоминание. |
| 26Истя, эрьваксть, зярдо тынь ярстадо те кшиденть ды симтядо те кечестэнть, тынь пачтятадо куля Азоронть куломадо – семс, зярс Сон таго а сы. | 26Ибо всякий раз, когда вы едите хлеб сей и пьете чашу сию, смерть Господню возвещаете, доколе Он придет. |
| 27Истя, эрьвась, кие ярсы Азоронть кшиде ды сими Сонзэ кечестэнть эсь прянь ветязь а истя, кода эряви, се теи чумо Азоронть рунгонзо ды верензэ каршо. | 27Посему, кто будет есть хлеб сей или пить чашу Господню недостойно, виновен будет против Тела и Крови Господней. |
| 28Секскак кадык эрьва ломанесь сонсь васня эсь прянзо варчавтнесы, ды ансяк мейле ярсы те кшиденть ды сими те кечестэнть. | 28Да испытывает же себя человек, и таким образом пусть ест от хлеба сего и пьет из чаши сей. |
| 29Эдь кие ярсы ды сими Азоронть рунгонзо апак лово-чарькоде, се тень эйсэ тарги эсь прянзо лангс чумондома. | 29Ибо, кто ест и пьет недостойно, тот ест и пьет осуждение себе, не рассуждая о Теле Господнем. |
| 30Вана мекс тынк ютксо ламо лавшот ды сэредицят, ды кулостькак уш аволь аламо. | 30Оттого многие из вас немощны и больны и немало умирает. |
| 31Бути минь минсь, васняяк, варчавтневлинек-онкстневлинек эсь прянок, сестэ Азорось минек аволимизь чумондо. | 31Ибо если бы мы судили сами себя, то не были бы судимы. |
| 32Бути Азорось минек ялатеке чумонды, теньсэ Сон путы минек виде ки лангс. Теньсэ Сон вансты минек меельце судонть эйстэ весе масторлангонть марто. | 32Будучи же судимы, наказываемся от Господа, чтобы не быть осужденными с миром. |
| 33Истя, кемиця ялган, зярдо вейсэ пурнавтадо Азоронть лемс ярсамос, учодо вейкенк-вейкенк. | 33Посему, братия мои, собираясь на вечерю, друг друга ждите. |
| 34Бути кие вачо, кадык икелевгак ярсы кудосо. А эряви теемс тынк промкстнэнь эстенк чумондомакс. Весе лия тевтнеде максан превспутомат сестэ, зярдо мон сан тыненк. | 34А если кто голоден, пусть ест дома, чтобы собираться вам не на осуждение. Прочее устрою, когда приду. |
*а 11:21 увардомс – жаднойстэ ярсамс; обжираться
Глава 11