Выбрать язык
Книги Ветхого Завета
Книги Нового Завета
с русским текстом1Медодз кора тіянӧс: кеймиканыт корӧ, кеймисьӧ да буркывтӧ Енсӧ быд морт понда.2Кеймӧ юраліссез да веськӧтліссез понда, медбы миянлӧ овны лӧня, отиркӧт лӧсялӧмӧн, Енлӧ юрбитӧмӧн да асьнымӧс бура видзӧмӧн.3Сідз керӧмыс бур, Мездӧтісь Еннымлӧ сьӧлӧмви.4Сылӧ колӧ, медбы быд мортыс мезмис да пондіс тӧдны быльсӧ.5Еныс эд ӧтік. Ӧтік и Ен да отир коласын Сулалісьыс ─ Морт, Кристос Исус.6Сія Асьсӧ сетіс быдӧннысӧ небӧм*а понда. Сідз Еныс мыччаліс: мездан кадыс локтіс.7Сійӧн Еныс менӧ сувтӧтіс Бур Юӧр висьтасисьӧн да апостолӧн. Быд кыв вылын баитісь отирсӧ ме велӧта быляс да вайӧта веритӧмӧдз. Этӧ ме веськыта висьтала, ог бӧбӧт.
8Меным колӧ, медбы ай отир быдлаын кеймиканыс лэбтывлісӧ киэзнысӧ сӧстӧм сьӧлӧмӧн, лӧгтӧг да етшасьтӧг.9Да и инькаэсӧ велӧт овны видзсьӧмӧн, бур мывкыдӧн, сӧстӧма, пасьтасьны бытшӧма. Сідз олӧмыс нійӧ баситӧ*б. Нылӧн баситчӧмныс ась оз ло басӧка чикись кыйӧм, зарни да жемчуггез ӧшлӧм, дона паськӧм.10Ась бурсӧ керӧмныс баситӧ нійӧ. Сідз колӧ керны Ен сьӧрті олісь инькаэзлӧ.11Инькаэз ась велӧтчӧны чӧлӧмӧн да кывзісьӧмӧн.12Инькалӧ велӧтны да юравны ай морт вылын ог лэдз. Сія ась олӧ лӧня.13Одзжык эд вӧлі аркмӧтӧм*в Адамыс, сэсся Еваыс.14Адамыс эз вӧв ылӧтӧм. Инькаыс эд ылалӧмыссянь керӧм умӧльсӧ.15Но инька мезмас кага вайӧмӧн, пондас кӧ веритны, радейтны, овны сӧстӧма, вежа оланӧн да бур мывкыдӧн.
*а 2.6 небӧм ─ искупление
*б 2.9 баситны ─ украшать
*в 2.13 аркмӧтны ─ сотворить
Глава 2