Выбрать язык
Книги Ветхого Завета
Книги Нового Завета
без русского текстаСВЯТОЙ АПОСТОЛ ПАВЕЛЫН ТИМОФЕЙЛАН КОЛТЫМО КОКЫМШО СЕРЫШЫЖЕ | ВТОРОЕ ПОСЛАНИЕ К ТИМОФЕЮ |
1 Глава | Глава 1 |
| 1 Иисус Христос дене ушнымаште сӧрымӧ илышым увертараш колтымо, Юмын кумылжо почеш Иисус Христосын Апостолжо лийше Павел деч | 1Павел, волею Божиею Апостол Иисуса Христа, по обетованию жизни во Христе Иисусе, |
| 2 шкенжын йӧратыме Тимофей эргыжлан. Ача Юмо да Господьна Христос Иисус деч тыланет порылык, чаманымаш да тыныслык лийже. | 2Тимофею, возлюбленному сыну: благодать, милость, мир от Бога Отца и Христа Иисуса, Господа нашего. |
| 3 Мый Юмылан таум ыштем – Тудлан ача-кочам семынак яндар совесть дене служитлем – да йӱдшӧ-кечыже кумалмаштем тыйым эре шарнем. | 3Благодарю Бога, Которому служу от прародителей с чистою совестью, что непрестанно вспоминаю о тебе в молитвах моих днем и ночью, |
| 4 Мый шинчавӱдетым шарналтем, тыйым ужмем шуэш, ужмекем, куан дене темам ыле. | 4и желаю видеть тебя, вспоминая о слезах твоих, дабы мне исполниться радости, |
| 5 Тыйын чон гыч лекше ӱшанымашетым мый шарнем. Ондак тыйын Лоида коват ден Евника аватын шӱмыштыштат тыгаяк ӱшанымаш лийын, да мый инанем: тудо тыйынат кӧргыштет ила. | 5приводя на память нелицемерную веру твою, которая прежде обитала в бабке твоей Лоиде и матери твоей Евнике; уверен, что она и в тебе. |
| 6 Сандене тыланет ушештарем: ӱмбакет кидем пыштымем годым Юмо деч налме моштымашетым угычын вияҥден шого. | 6По сей причине напоминаю тебе возгревать дар Божий, который в тебе через мое рукоположение; |
| 7 Юмо мыланна лӱдмашын шӱлышыжым огыл, а вийын, йӧратымашын да яндар уш-акыл дене илымын шӱлышыжым пуэн. | 7ибо дал нам Бог духа не боязни, но силы и любви и целомудрия. |
| 8 Тугеже мемнан Господьна [Иисус Христос] нерген таныклыме дечат, мый дечемат – Тудын верч петырымаште шинчыше деч – ит вожыл, а Поро Увер верч нелылыкым чытымашке мый денем пырля ушно, тидлан Юмо вийым пуа. | 8Итак, не стыдись свидетельства Господа нашего Иисуса Христа, ни меня, узника Его; но страдай с благовестием Христовым силою Бога, |
| 9 Тудо мемнам утарен да святой илышышке ӱжын. Тидым мемнан пашаланна кӧра огыл, а ончылгоч шонен пыштымыжлан кӧра да жап тӱҥалме деч ончычак мыланна Христос Иисус гоч ончыктымо порылыкшылан кӧра ыштен. | 9спасшего нас и призвавшего званием святым, не по делам нашим, но по Своему изволению и благодати, данной нам во Христе Иисусе прежде вековых времен, |
| 10 Тидыже ынде мемнам Утарыше Иисус Христосын толмыж гоч почылтын. Тудо колымашын вийжым пытарен, Поро Увер гоч илышым да колыдымашым почын ончыктен. | 10открывшейся же ныне явлением Спасителя нашего Иисуса Христа, разрушившего смерть и явившего жизнь и нетление через благовестие, |
| 11 Тиде Поро Уверын увертарышыжлан да Апостолжылан мыйым шогалтыме. Мый вес калык-влаклан тудым туныктышаш улам. | 11для которого я поставлен проповедником и Апостолом и учителем язычников. |
| 12 Тидлан кӧра мый тыге орланем. Туге гынат ом вожыл: Кӧлан мый ӱшанем, Тудым палем, да саде кече марте мыланем ӱшанен пуымым*а аралаш Тудын куатше уло манын инанем. | 12По сей причине я и страдаю так; но не стыжусь. Ибо я знаю, в Кого уверовал, и уверен, что Он силен сохранить залог мой на оный день. |
| 13 Мый дечем тый яндар туныктымашым колынат. Тек тудо тылат корным ончыкта, Христос Иисус дене ушнымаште шочшо ӱшанымашым да йӧратымашым арале. | 13Держись образца здравого учения, которое ты слышал от меня, с верою и любовью во Христе Иисусе. |
| 14 Тыланет ӱшанен пуымо порылыкым мемнан шӱм-чонышто илыше Святой Шӱлышын полшымыж дене арале. | 14Храни добрый залог Духом Святым, живущим в нас. |
| 15 Тый палет: Асийысе-влак чыланат мый дечем кораҥыныт, нунын коклаште Фигелл ден Ермогенат улыт. | 15Ты знаешь, что все Асийские оставили меня; в числе их Фигелл и Ермоген. |
| 16 Тек Онисифорлан да тудын мӧҥгысыж-влаклан Господь порылыкым ышта, вет тудо мыйым шуко гана кумылаҥден да, мыйым шинчырленыт гынат, мый дечем вожылын огыл. | 16Да даст Господь милость дому Онисифора за то, что он многократно покоил меня и не стыдился уз моих, |
| 17 А кунам тудо Римыш толын, мыйым чот тыршен кычалын да муын. | 17но, быв в Риме, с великим тщанием искал меня и нашел. |
| 18 Тек Господь шке кечынже тудлан порылыкшым ончыкта. А кунар тудо мылам Ефесыште полшен, тый эн сай палет. | 18Да даст ему Господь обрести милость у Господа в оный день; а сколько он служил мне в Ефесе, ты лучше знаешь. |
*а 1:12 «Мыланем ӱшанен пуымым»: грекла возымым тыгат кусараш лиеш: «Мыйын ӱшанен пуымым».
Глава 1