Выбрать язык
Книги Ветхого Завета
Книги Нового Завета
без русского текстаСВЯТОЙ ИОАНН БОГОСЛОВЛАН ПОЧМАШ | ОТКРОВЕНИЕ ИОАННА |
21 Глава | Глава 21 |
| 1 Вара мый у кава ден у мландым ужынам. Ончычсо кава ден ончычсо мланде пытеныт, теҥызат ынде уке. | 1И увидел я новое небо и новую землю, ибо прежнее небо и прежняя земля миновали, и моря уже нет. |
| 2 Мый, Иоанн, святой олам, у Иерусалимым, ужынам. Тудо качылан сӧрастарыме марлан лекшаш ӱдыр семын ямдылыме улмаш да пылпомыш гыч Юмо деч волен. | 2И я, Иоанн, увидел святый город Иерусалим, новый, сходящий от Бога с неба, приготовленный как невеста, украшенная для мужа своего. |
| 3 Пылпомыш гыч виян йӱкым колынам, тудо ойлен: «Теве, Юмын илемже ынде айдеме коклаште. Тудо нунын пелен илаш тӱҥалеш, нуно Тудын калыкше лийыт, да Юмо, нунын Юмышт, Шкежак нунын коклаште лиеш. | 3И услышал я громкий голос с неба, говорящий: се, скиния Бога с человеками, и Он будет обитать с ними; они будут Его народом, и Сам Бог с ними будет Богом их. |
| 4 Юмо нунын чыла шинчавӱдыштым ӱштылеш. Ынде колымаш ок лий, ойгат, мӱгырен шортмашат, черат ок лий, вет ончычсо эртен». | 4И отрет Бог всякую слезу с очей их, и смерти не будет уже; ни плача, ни вопля, ни болезни уже не будет, ибо прежнее прошло. |
| 5 Престолышто Шинчыше каласен: «Теве, Мый чылажымат уым ыштем». Вара ойлен: «Возен нал, вет нине шомак чын да ӱшанле улыт». | 5И сказал Сидящий на престоле: се, творю все новое. И говорит мне: напиши; ибо слова сии истинны и верны. |
| 6 Адак мылам ойлен: «Шукталтын. Мый Альфа да Омега, Тӱҥалтыш да Мучаш улам. Мый йӱмӧ шушылан илыш вӱд памаш гыч вӱдым яра пуэм. | 6И сказал мне: совершилось! Я есмь Альфа и Омега, начало и конец; жаждущему дам даром от источника воды живой. |
| 7 Сеҥыше чыла тидын наследникше лиеш, а Мый тудын Юмыжо лиям, тудо Мыйын эргым лиеш. | 7Побеждающий наследует все, и буду ему Богом, и он будет Мне сыном. |
| 8 Но лӱдшӧ, ӱшанымаш деч кораҥше, шакше, еҥым пуштшо, яжарланыше ден юзо-влакын, шояк юмылан кумалше-влакын да чыла шоячын ужашышт – чӱкчыгиш дене йӱлышӧ тулан ер. Тиде – кокымшо колымаш». | 8Боязливых же и неверных, и скверных и убийц, и любодеев и чародеев, и идолослужителей и всех лжецов участь в озере, горящем огнем и серою. Это смерть вторая. |
| 9 Пытартыш шым эҥгекым темыман шым чашым кучышо шым Суксо кокла гыч иктыже толын да мыланем каласен: «Тол, мый тыланет Пачан налшаш ӱдыржым, вате лийшашыжым, ончыктем». | 9И пришел ко мне один из семи Ангелов, у которых было семь чаш, наполненных семью последними язвами, и сказал мне: пойди, я покажу тебе жену, невесту Агнца. |
| 10 Тудо мыйым шӱлыш дене кугу да кӱкшӧ курыкыш наҥгаен, да пылпомыш гыч Юмо деч волышо кугу олам, святой Иерусалимым, мылам ончыктен. | 10И вознес меня в духе на великую и высокую гору, и показал мне великий город, святый Иерусалим, который нисходил с неба от Бога. |
| 11 Юмын чапше тудын уло, олаже шергакан кӱ семын, хрусталь гай яндар яспис кӱ семын йолген. | 11Он имеет славу Божию. Светило его подобно драгоценнейшему камню, как бы камню яспису кристалловидному. |
| 12 Ола йыр кугу да кӱкшӧ пырдыж лийын, тушто – латкок капка, капкаште латкок Суксо. Капка ӱмбалне лӱм-влакым возымо, тиде – Израиль эрге-влакын латкок тукымын лӱмышт. | 12Он имеет большую и высокую стену, имеет двенадцать ворот и на них двенадцать Ангелов; на воротах написаны имена двенадцати колен сынов Израилевых: |
| 13 Эрвел могырым кум капка, йӱдвел могырым кум капка, кечывалвел могырым кум капка да касвел могырым кум капка. | 13с востока трое ворот, с севера трое ворот, с юга трое ворот, с запада трое ворот. |
| 14 Олан пырдыжшын латкок негызше лийын, да тушто – Пачан латкок Апостолжын лӱмышт. | 14Стена города имеет двенадцать оснований, и на них имена двенадцати Апостолов Агнца. |
| 15 Мый денем мутланыше Суксын олам да тудын капка ден пырдыжшым висаш шӧртньӧ тояже лийын. | 15Говоривший со мною имел золотую трость для измерения города и ворот его и стены его. |
| 16 Ола ныл лукан лийын, тудын кутышыжо – лопкытшо гаяк. Суксо тояж дене олам висен, висымыже латкок тӱжем стадий лийын: тудын кутышыжо, лопкытшо да кӱкшытшӧ икгай. | 16Город расположен четвероугольником, и длина его такая же, как и широта. И измерил он город тростью на двенадцать тысяч стадий; длина и широта и высота его равны. |
| 17 Вара пырдыжым висен, айдемын висаж дене келшышын, тудо шӱдӧ нылле ныл кынергут лийын, Суксынат висаже тыгаяк. | 17И стену его измерил во сто сорок четыре локтя, мерою человеческою, какова мера и Ангела. |
| 18 Пырдыжшым яспис дене ыштыме, а олаже ару янда гай яндар шӧртньӧ лийын. | 18Стена его построена из ясписа, а город был чистое золото, подобен чистому стеклу. |
| 19 Олан пырдыж негызшым тӱрлӧ шергакан кӱ дене сӧрастарыме: икымше негызым – яспис дене, кокымшым – сапфир дене, кумшым – халкидон дене, нылымшым – смарагд дене, | 19Основания стены города украшены всякими драгоценными камнями: основание первое яспис, второе сапфир, третье халкидон, четвертое смарагд, |
| 20 визымшым – сардоникс дене, кудымшым – сердолик дене, шымшым – хризолит дене, кандашымшым – вирилл дене, индешымшым – топаз дене, луымшым – хризопрас*а дене, латикымшым – гиацинт дене, латкокымшым – аметист дене. | 20пятое сардоникс, шестое сердолик, седьмое хризолит, восьмое вирилл, девятое топаз, десятое хризопрас, одиннадцатое гиацинт, двенадцатое аметист. |
| 21 А латкок капка латкок ракывотшер пырче лийын: кажне капкаже ик ракывотшер пырче гыч шоген. А олан уремже – вошт койшо янда гай яндар шӧртньӧ. | 21А двенадцать ворот--двенадцать жемчужин: каждые ворота были из одной жемчужины. Улица города--чистое золото, как прозрачное стекло. |
| 22 Мый олаште храмым ужын омыл, вет тудын храмже – Чылакучышо Господь Юмо да Пача. | 22Храма же я не видел в нем, ибо Господь Бог Вседержитель--храм его, и Агнец. |
| 23 Олам волгалтараш кечат, тылзат ок кӱл: Юмын чапше тудым волгалтара; тудын волгалтарышыже – Пача. | 23И город не имеет нужды ни в солнце, ни в луне для освещения своего, ибо слава Божия осветила его, и светильник его--Агнец. |
| 24 Тиде олан волгыдыштыжо утарыме калык-влак кошташ тӱҥалыт. Мландымбалысе кугыжа-влак тушко мо дене чапланымыштым кондат. | 24Спасенные народы будут ходить во свете его, и цари земные принесут в него славу и честь свою. |
| 25 Капка-влакшым кечывалым петыраш огыт тӱҥал, а йӱд тушто ок лий. | 25Ворота его не будут запираться днем; а ночи там не будет. |
| 26 Тушко калык-влакын мо дене чапланымыштым да поянлыкыштым кондат. | 26И принесут в него славу и честь народов. |
| 27 Тушко нимо амыргыше, йырныкым да шоям ыштыше нигӧ ок пуро. Пачан илыш книгашкыже возымо-влак веле тушко пурат. | 27И не войдет в него ничто нечистое и никто преданный мерзости и лжи, а только те, которые написаны у Агнца в книге жизни. |
*а 21:19-20 Таче нине кӱ гыч южыштым вес семын лӱмдат: яспис – яшме, халкидон – халцедон, смарагд – изумруд, вирилл – берилл, хризопрас – хризопраз.
Глава 21