Выбрать язык
Книги Ветхого Завета
Книги Нового Завета
с русским текстом1Joonalla, Amafein pojalla, tuli tämä Hospotin šana:2«Nouše ta mäne Ninevih, tuoh šuureh kaupunkih, ta levitä šielä viestie, jotta miula, Jumalalla, on tullun tieto šen pahoista ruatoloista».3Ta nousi Joona, jotta puata Hospotin šilmistä Tarsisin kaupunkih. Hiän mäni Jafoh rannikolla, löysi laivan, mi oli lähöššä Tarsisih, makšo laivamatan, nousi šiih, jotta piäššä Tarsisih pois Hospotin šilmistä.
4Vain Hospoti nošti merellä ankaran tuulen. Nousi niin hirvie myršky, jotta laiva oli hajuomaisillah.5Merimiehet kokonah hätäyvyttih ta jokahini heistä kučču apuh omua jumaluah. Laivua keventyäs’s’ä hyö luotih mereh kaikki laivašša olijat tavarah. Joona laškeutu laivan pohjaošah ta uinosi šumpah uneh.6Laivan kapteeni mäni Joonan luokši ta šano hänellä: «Mitä šie makuat? Noušehan ta kuču avukši Jumaluaš, jošpa šiun Jumala muistau meitä ta myö emmä uppuo».
7Merimiehet šanottih toisillah: «Läkkä luoka arpa, jotta šaisima tietä, kenen takie tämä onnettomuš on šattun meilä!» Arpa šattuki Joonua kohti.8Šilloin hyö šanottih Joonalla: «Kerro meilä, kenen takie tämä onnettomuš on šattun meilä! Mitä miehie šie olet? Millä aseilla šie liikut ta mistä tulet? Mistä muašta ta mitä kanšua šie olet?»9Joona vaštasi heilä: «Mie olen jevrei ta kunnivoitan Hospotie, taivahan Jumalua, kumpani on luonun meren tai muan».
10Šilloin miehet äijälti pöläššyttih ta hyö šanottih Joonalla: «Mitä šie olet ruatan?» Hiän iče oli kerton heilä, jotta on Hospotin šilmistä pavošša.11Nyt miehet kyšyttih Joonalta: «Mitä meijän ois ruattava šiula, jotta meri tyyntyis?» Myršky vain ylty yltymistäh.12Joona vaštasi: «Luokua milma mereh, niin meri tyyntyy. Olen varma, jotta mie olen šyyllini täh hirvieh myrškyh».
13Merimiehet vielä yritettih šoutua laivua jälelläh rantah vain ei jakšettu, a myršky vain kiihty.14Šilloin hyö karjuttih Hospotie apuhuš ta šanottih: «Molimma šilma Hospoti, elä anna meijän kuolla tämän miehen henken takie! Elä šuata meitä vaštuuh vijattomašta vereštä. Šie, Hospoti, olet ruatan niin, kuin iče tahoit!»15Šilloin hyö otettih ta lykättih Joona mereh, ta meri laiveni.16A miehet äijälti varattih Hospotie, uhrattih Hospotilla lahjakši šiivatta ta jiäkšiyvyttih.
Глава 1