Bible Stories
Выбрать язык
Choose Old Testament Story
Choose New Testament Story
САМСОН БАТЫР
Инмарлэн юрттэмез, гажан-жалямез, паймымон ужъёс возьматэмез шоры учкытэк, израиль калык Кузё-Инмар дорысь ялан палэнскылӥз, Солы ярантэм ужъёс лэсьтылӥз. Со понна соос нош ик зӥбет улэ сюризы – филистим калыклэн ки улаз ньыльдон ар ӵоже улӥзы. Мурт калык ки улын улыкузы, Кузё-Инмар соослы Самсон нимо муртэ судья карыса пуктӥз. Солэн мертантэм бадӟым кужымез вал, кужымез йырсияз улӥз. Вордскемезлэсь азьло ик Инмар солэн анай-атайёсызлы вераз пизылэсь йырсизэ медаз ӵышке шуыса, малы ке шуоно, со Инмарлэн назореез*а шуыса нимаськоз, Израилез филистим калыклэсь утёз.
Самсонлэн кужымез таӵе бадӟым вал: одӥг пол со пумитаз сюрем левез кечпиез сямен кесяса куштӥз. Мукетаз учыре со ишаклэн анлыэныз одӥг нунал куспын сюрс филистим муртэз вииз. Юн пунэм гозыосты, жильыосты капчиен чигтылӥз.
Одӥг пол Самсон Газа каре вуыса, отчы кӧлыны кылиз. Сое виыны малпаса, ворсам кар капка дорын филистим пиос быдэс уй возьмаськыса пукизы. Уйшоре Самсон сайказ но малпаз городысь кошкыны. Юбоосыныз, тунгонъёсыныз валче со кар капкаосты ишкалтӥз но, пельпумаз поныса, гурезе нуиз.
Судьяослэн книгазы 13:1-5; 14:5, 6; 15:14, 15; 16:3
*а Назорей – еврей кылын (назир) ’люкемын, висъямын’ яке ’сӥземын’ шуэм луэ.
140 
