Выбрать язык
Книги Ветхого Завета
Книги Нового Завета
без русского текстаРуфень книгась | Книга Руфи |
2-тӥ ЛЮКЕТ | Глава 2 |
| 1Ноеминь ульнесь инеськезэ мирдензэ ёндо, Елимелехень раськестэ, лемезэль Вооз. Сон вельть сюпаволь ды содавиксэль. | 1У Ноемини был родственник по мужу ее, человек весьма знатный, из племени Елимелехова, имя ему Вооз. |
| 2Вейке чистэ Руфь, Моавонь тейтерьавась, мерсь Ноеминень туртов: «Паряк, монень молема паксяв ды пурнама шужпрят сень мельга, кона варшты монь лангс паро мельсэ?». Тона мерсь тензэ: «Азё, тейтерем». | 2И сказала Руфь Моавитянка Ноемини: пойду я на поле и буду подбирать колосья по следам того, у кого найду благоволение. Она сказала ей: пойди, дочь моя. |
| 3Сон тусь, пачкодсь паксяв ды кармась пурнамо шужпрят нуицятнень мельга. Ды лиссь истя: паксянь те пельксэсь ульнесь Воозонь, кона Елимелехень раськестэль. | 3Она пошла, и пришла, и подбирала в поле колосья позади жнецов. И случилось, что та часть поля принадлежала Воозу, который из племени Елимелехова. |
| 4Вана Вооз сась Вифлеемстэ ды шумбракстнесь нуицятнень марто: «Инешкипазось улезэ мартонк!». Сынь каршонзо мерсть: «Кадык чанстятанзат Инешкипазось!». | 4И вот, Вооз пришел из Вифлеема и сказал жнецам: Господь с вами! Они сказали ему: да благословит тебя Господь! |
| 5Вооз кевкстизе нуицятнень мельга ваныця важонзо: «Кие те од тейтерьавась?» | 5И сказал Вооз слуге своему, приставленному к жнецам: чья это молодая женщина? |
| 6Важось мерсь каршонзо: «Те моавонсетнень се од тейтерьавась, кона сась Ноеминь марто Моавонь масторсто. | 6Слуга, приставленный к жнецам, отвечал и сказал: эта молодая женщина--Моавитянка, пришедшая с Ноеминью с полей Моавитских; |
| 7Те тейтерьавась энялдсь: “Мереде монень кочксемс шужпрят нуицятнень мельга ды сюлмамс эйсэст пултс”. Сон сась валске марто, важоди те шкас ды зярс пек чуросто совсесь кудынес оймсеме». | 7она сказала: `буду я подбирать и собирать между снопами позади жнецов'; и пришла, и находится здесь с самого утра доселе; мало бывает она дома. |
| 8Сестэ Вооз мерсь Руфьнень: «Кунсолока, ялгинем-оинем, иля яксе кочксеме лия паксява ды иля туе тестэ, ульть монь важаватнень вакссо. | 8И сказал Вооз Руфи: послушай, дочь моя, не ходи подбирать на другом поле и не переходи отсюда, но будь здесь с моими служанками; |
| 9Кадык сельметь икеле ули се паксясь, косо нуить монь важотне, ды кочксек-пурнак сынст мельга. Мон кармавтынь важон туртов а токшемс тонь. Зярдо симемат сы, азё кедьгетненень ды симть се ведтенть, конань монь важотне кандтнизь лисьмасто». | 9пусть в глазах твоих будет то поле, где они жнут, и ходи за ними; вот, я приказал слугам моим не трогать тебя; когда захочешь пить, иди к сосудам и пей, откуда черпают слуги мои. |
| 10Руфь прась куманжа лангс, сюконясь Воознэнь модас ды мерсь тензэ: «Мезень кис тон путат монень истямо седеймарямо, яват тень истямо мель, куш мон лия масторонь ломанян?». | 10Она пала на лице свое и поклонилась до земли и сказала ему: чем снискала я в глазах твоих милость, что ты принимаешь меня, хотя я и чужеземка? |
| 11Вооз каршонзо мерсь: «Монень ёвтнизь весементь, мезе тон теить эсь ававтот туртов мирдеть куломадонзо мейле. Тон кадыть тетять-авать, тиринь масторот ды сыть раськентень, конань теде икеле а содылик. | 11Вооз отвечал и сказал ей: мне сказано все, что сделала ты для свекрови своей по смерти мужа твоего, что ты оставила твоего отца и твою мать и твою родину и пришла к народу, которого ты не знала вчера и третьего дня; |
| 12Кадык Инешкипазось паросо панды тонеть те паро теветь кисэ! Инешкипазось, Израилень Пазось, конань сёлмонзо алов тон сыть кекшема таркань вешнеме, тень кисэ казезэ теть сюпавдояк сюпав казне!». | 12да воздаст Господь за это дело твое, и да будет тебе полная награда от Господа Бога Израилева, к Которому ты пришла, чтоб успокоиться под Его крылами! |
| 13Руфь мерсь: «Тон путат монень покш седеймарямо, монь азором. Тон оймавтымик ды ёвтыть уреть туртов седейс педиця валт, куш мон тонь уреаватнень эйстэ вейкеньгак а аштян». | 13Она сказала: да буду я в милости пред очами твоими, господин мой! Ты утешил меня и говорил по сердцу рабы твоей, между тем как я не стою ни одной из рабынь твоих. |
| 14Ярсамо шкасто Вооз мерсь тензэ: «Сак тей, ярсак ды лопавть-навсек кши палот лопавксос». Сестэ Руфь озась нуицятнень ваксс. Вооз макссь тензэ пуштазь видьметь. Сон ярсась пекензэ пешкедемс, ды ярсамопелезэ натой кадовсь. | 14И сказал ей Вооз: время обеда; приди сюда и ешь хлеб и обмакивай кусок твой в уксус. И села она возле жнецов. Он подал ей хлеба; она ела, наелась, и еще осталось. |
| 15Мейле Руфь стясь ды таго кармась шужпрянь кочксеме. Вооз кармавтсь эсь важонзо туртов: «Кадык сон пурны пулттнэнь ютковаяк, ды тынь сонзэ илядо мурне. | 15И встала, чтобы подбирать. Вооз дал приказ слугам своим, сказав: пусть подбирает она и между снопами, и не обижайте ее; |
| 16Пулттнэнь эйстэяк сюропрятнень ноцковтнеде ды каднодо тензэ, кадык сон кочкси [ды ярсы], ды илядо покорда эйсэнзэ». | 16да и от снопов откидывайте ей и оставляйте, пусть она подбирает, и не браните ее. |
| 17Истя Руфь кочксесь паксясонть чокшнес. Пурназенть пивсэмадо мейле лиссь малав ефа*а шуж. | 17Так подбирала она на поле до вечера и вымолотила собранное, и вышло около ефы ячменя. |
| 18Сон саизе канстонзо ды тусь ошов ававтонстэнь невтеме, зяро сон пурнась. Мейле [понгостонзо*б] таргизе ярсамопеленть, конась кадовсь пекензэ пешкедемадо мейле, ды максызе тензэ. | 18Взяв это, она пошла в город, и свекровь ее увидела, что она набрала. И вынула Руфь из пазухи своей и дала ей то, что оставила, наевшись сама. |
| 19Ававтозо кевкстизе Руфень: «Косо течи пурныть ды кинь паксясо важодить? Улезэ чанстязь се, кие тонь истя парсте вастынзить!». Руфь ёвтнизе ававтонзо туртов, косо сон важодсь, ды поладсь: «Те ломаненть, конань паксясо мон течи важодинь, лемезэ Вооз». | 19И сказала ей свекровь ее: где ты собирала сегодня и где работала? да будет благословен принявший тебя! Руфь! объявила свекрови своей, у кого она работала, и сказала: человеку тому, у которого я сегодня работала, имя Вооз. |
| 20Сестэ Ноеминь мерсь урьванстэнь: «Улезэ сон чанстязь Инешкипазонть пельде сень кисэ, мекс эзинзе стувто ловомс эрицятненьгак, кулозтненьгак!». Ды поладсь: «Те ломанесь минек малавикс инеськетнестэ, сетнень эйстэ вейкесь, конанень улема минек кисэ аштицякс*в». | 20И сказала Ноеминь снохе своей: благословен он от Господа за то, что не лишил милости своей ни живых, ни мертвых! И сказала ей Ноеминь: человек этот близок к нам; он из наших родственников. |
| 21Руфь, Моавонь тейтерьавась, каршонзо мерсь: «Сон мик мерсь монень кирдевемс важонзо вакссо, зярс сынь а прядсызь нуеманть». | 21Руфь Моавитянка сказала: он даже сказал мне: будь с моими служанками, доколе не докончат они жатвы моей. |
| 22Ноеминь мерсь урьванстэнь: «Паро, тейтерем, карминдерят якамо сонзэ важаватнень марто, сестэ а кармить покордамот лия паксясо». | 22И сказала Ноеминь снохе своей Руфи: хорошо, дочь моя, что ты будешь ходить со служанками его, и не будут оскорблять тебя на другом поле. |
| 23Истя Руфь кирдевсь Воозонь важаватнень марто ды пурнась сюропрят семс, зярс эзь прядово аволь ансяк шужонть, товсюронть нуемаськак. Теде мейлеяк сон яла эрясь ававтонзо марто. | 23Так была она со служанками Воозовыми и подбирала колосья, доколе не кончилась жатва ячменя и жатва пшеницы, и жила у свекрови своей. |
*а 2.17 Ефа – пондодо ламо сталмо.
*б 2.18 понго – пазуха.
*в 2.20 Истямо малавикс инеськекс ульнесь ломань, конань лангс коень коряс пры мелявксось раськень-буень доватнеде-урозтнеде. Сон сынст идицяст-ванстыцяст, кисэст аштицяст.
Глава 2