Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеРуфьПсалтирьПритчиЕкклесиастПесня ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

Екклесиастонь эли Тонавтыцянь книгась

Лепштямодонть ды важодемадонть

1Тагояк мон ванынь ды неинь чипаенть ало тейневиця эрьва кодат лепштямотнень-нарьгамотнень.
   Вай, лепштявицятнень сельведест! –
   А вана ладсицяст-оймавтыцяст арасть.
   Виесь лепштицяст ёно –
   а вана лепштявицятнень оймавтыцяст арасть.

2Сестэ мон ловинь эрицятнеде уцяскавокс кулозтнень.3Седеяк уцяскавт сеть, кить эзть чачокшнояк, кить эзть нее чипаенть ало теевиця зыянов тевтнень.

4Неия сеньгак, кода эрьва важодемась ды тевсэ колчись раштыть ломантнень ютксо вейкест-вейкест лангс сельмень сявадома. Теяк – смусттеме, варма мельга пансема!

5Кода кортави: чаволась ашти кедень кундазь
   ды сэви-ёмавты прянзо-рунгонзо.
6Сэтьмечи марто коморось седе паро
   стака важодема марто берёмадонть, –
   те теке варма мельга пансема!

7Мон таго ушодынь ванкшномо ды неинь чипаенть ало
   оштё вейке смусттеме тев:
8вана, ломанесь тунь ськамонзо,
   вакссонзо кияк лия арась –
   а цёразо, а ялаксозо.
   Ялатеке ломаненть стака важодемазо певтеме,
   ансяк вана сонзэ сельмензэ а кенярдыть сюпавчизэнзэ.
   «Эно кинь туртов мон истя важодян
   ды кадан оймем кеняркстомо?» – арси сон.
   Теяк – смусттеме ды стака майсема!

9Ськамот улеманть коряс кавтотненень седе вадря –
   эдь сыненст карми паро пандома важодемаст кисэ.
10Вейкесь прындеряй,
   омбоцесь кепедьсы ялганзо.
   А вана ськамонзо ломанентень кажо:
   прындеряй, кепедицязо а ули.
11Истя лиясояк: мадезь кавтонест – сыненст лембе.
   Ськамонзо кода эжемс?
12Вейкенть куш кие шождасто изнясы,
   а вана кавтотне цидярдыть каршонзо.
   Колмонькирдань суреськак а курок сезеви.

Покш превейчинть питнейчизэ

13Кажов, ансяк превей од цёрась седе паро
   сыре, ансяк аволь превей инязородонть,
   конань арась мелезэ кунсоломс превс путомат.
14Те од цёрась лиссь пекстамо кудосто ды кармась инязорокс,
   куш чачсь масторсонзо кажовокс.
15Мон неия, кода весе се шкане эрицятне, конат якить чипаенть ало,
   сыргасть од цёранть, инязоронть полавтыцянзо, мельга.
16Певтемельть кисэнзэ аштиця ломантне.
   Ансяк сетнень туртов, кие чачсь мейле, те од инязорось мелезэст эзь тукшно.
   Теяк – смусттеме, варма мельга пансема!

Пазонть икелев – ванькс седей марто

17Пазонь кудос молемстэ
   вант прянь ветямот мельга.
   Седе паро тов самс ды улемс анококс кунсоломо,
   аволь чаволатнень ладсо кандтнемс апак арсевте анокст.
   Сынь мик а чарькодить тень – беряньстэ теить.

 Глава 4