Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеРуфьПсалтирьПритчиЕкклесиастПесня ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

Екклесиастонь эли Тонавтыцянь книгась

Ули весемесь – а вана кеняркс арась

1Чипаенть ало неинь истямояк покш кажо, конась сеедьстэ лисни ломантнень марто ды вельть стака сынст туртов.2Эрси истя: Пазось максы ломанентень сюпавчи, ули-паро ды инексчи, сонзэ оймензэ туртов арась кодамояк асатыкс – топавтовить весе мелензэ-арсеманзо. Ансяк Пазось тензэ а максы васькамс теньсэ, ды весемесь саты-юты веёндонь ломаннень. Теяк – смусттеме ды стака майсема!

3Улевельтькак ломаненть сядо эйкакшонзо ды сон эряволь кувака эрямо, ды седеяк ламолгадовольть эрямонь чинзэ, ансяк вана оймезэ ялатеке а пештяволь эсензэ ули-пародонть ды сон мик кадоволь апак калма – мон истямодонть меревлинь: аванть потсто каязь эйкакшось сондензэ уцяскав!4Эдь каязесь сакшнось стяко ды туськак чоподас, лемезэяк кадовсь чоподасо вельтязь.5Каязесь чипаентькак эзизе нее ды эзь сода, мезе те. Ялатеке сонензэ седе сэтьме-паро се кулозь сюпавонть коряс,6эряволь тона куш кавто тёжат иеть ды ялатеке а содаволь паро. – Меельцепелев арази а весе туить вейке таркав?

7Ломаненть весе теевксэнзэ-важодевксэнзэ – эсензэ кургонть туртов, ансяк мелезэ ялатеке а топавтовкшны.8Сестэ мейсэ пек превеесь седе паро чаволадонть? Мейсэ парось кажовонтень, куш сон содасыяк ломань ютксо эрямонь лувонть?

9Кенярдомс сенень, мезеть ули(м:-неяви?), ков седе паро стяконь бажамотнеде. Теяк – смусттеме, варма мельга пансема!

Ломанентень сы шкась а содавикс

10Мезе ней ули, весементень уш максозь лем.
   Умок уш содазь, мезе те истямо – ломанесь.
   Сон а вийсэнзэ цидярдомс
   сондензэ виевенть каршо.
11Ков седе ламо валтнэде,
   тов седе аламо смустеденть.
   Ды кодамо тень эйстэ лезэ ломанентень?

12Эдь алкукс, кие соды, мезе парось ломаненть туртов эрямосонзо, смусттеме эрямонзо аламо читнестэ, конат ютыть теке сулейть? Кие ёвтасы ломанентень, мезе карми чипаенть ало сондензэ мейле?

 Глава 6