Выбрать язык
Книги Ветхого Завета
Книги Нового Завета
без русского текстаМöисейлöн медводдза небöгОЛÖМ | Первая книга Моисеева. Бытие |
20 юр | Глава 20 |
| 1 Ӧвраам мӧдӧдчис лунвывлань, овмӧдчис Кадеш да Шур костӧ, а сэсся мыйтакӧ оліс Герар карын. | 1Авраам поднялся оттуда к югу и поселился между Кадесом и между Суром; и был на время в Гераре. |
| 2 Ӧвраам ассьыс Сарра гӧтырсӧ шуис чойӧн. [Ӧд сійӧ поліс шуны гӧтырнас, мед сэтчӧс карса олысьяс эз вины сы вӧсна Ӧвраамӧс.] Авимелек, Герар карса ӧксы, тшӧктіс аслас йӧзлы вайӧдны Сарраӧс ас ордас. | 2И сказал Авраам о Сарре, жене своей: она сестра моя. И послал Авимелех, царь Герарский, и взял Сарру. |
| 3 Войнас Ен петкӧдчис Авимелеклы да шыасис сы дінӧ вӧтас: «Тэ кулан ань вӧсна, кодӧс босьтін аслыд, ӧд сылӧн эм верӧс». | 3И пришел Бог к Авимелеху ночью во сне и сказал ему: вот, ты умрешь за женщину, которую ты взял, ибо она имеет мужа. |
| 4 Но Авимелек эз на инмӧдчыв Сарра дінӧ, та вӧсна шуис: «Господьӧй, бырӧдан ӧмӧй мыжтӧм войтырӧс? | 4Авимелех же не прикасался к ней и сказал: Владыка! неужели ты погубишь и невинный народ? |
| 5 Ӧд тайӧ мортыс аньсӧ шуис чойӧн, а аньыс сійӧс – вокӧн. Менам сьӧлӧмӧй да киӧй сӧстӧм». | 5Не сам ли он сказал мне: она сестра моя? И она сама сказала: он брат мой. Я сделал это в простоте сердца моего и в чистоте рук моих. |
| 6 Ен шуис сылы вӧтас: «Ме тӧда, тэнад сьӧлӧмыд сӧстӧм. Та вӧсна Ме видзи тэнӧ мыж вӧчӧмысь, эг лэдз инмӧдчывны ань дінӧ. | 6И сказал ему Бог во сне: и Я знаю, что ты сделал сие в простоте сердца твоего, и удержал тебя от греха предо Мною, потому и не допустил тебя прикоснуться к ней; |
| 7 Ӧні гӧтырсӧ бӧр сет верӧсыслы, ӧд сійӧ пророк. Сійӧ кевмысяс тэ вӧсна, и тэ ловйӧн колян. А он кӧ сет, тэ гортсаыдкӧд кулан». | 7теперь же возврати жену мужу, ибо он пророк и помолится о тебе, и ты будешь жив; а если не возвратишь, то знай, что непременно умрешь ты и все твои. |
| 8 Авимелек чеччис водз, корис кесйӧгъяссӧ да висьталіс налы ставсӧ. Найӧ ёна повзисны. | 8И встал Авимелех утром рано, и призвал всех рабов своих, и пересказал все слова сии в уши их; и люди сии весьма испугались. |
| 9 Авимелек корис Ӧвраамӧс да шуис: «Мый тэ вӧчин миянкӧд? Мыйӧн ме мыжа тэ водзын, мый татшӧм сьӧкыд мыжӧ тэ кыскин менӧ да менсьым войтырӧс? Тадзи ӧмӧй позьӧ вӧчны?» | 9И призвал Авимелех Авраама и сказал ему: что ты с нами сделал? чем согрешил я против тебя, что ты навел было на меня и на царство мое великий грех? Ты сделал со мною дела, каких не делают. |
| 10 Авимелек нӧшта юаліс: «Тадзисӧ вӧчигӧн тэ эськӧ мый кӧсйин?» | 10И сказал Авимелех Аврааму: что ты имел в виду, когда делал это дело? |
| 11 Ӧвраам шуис: «Ме чайті, мый татчӧс йӧзыс оз повны Енсьыс да гӧтыр вӧсна вермасны вины менӧ. | 11Авраам сказал: я подумал, что нет на месте сем страха Божия, и убьют меня за жену мою; |
| 12 Збыльвылас кӧ, сійӧ менам чой и эм, батьӧйлӧн ныв, сӧмын мӧд мамсянь. Ӧні сійӧ менам гӧтыр. | 12да она и подлинно сестра мне: она дочь отца моего, только не дочь матери моей; и сделалась моею женою; |
| 13 Кор Ен тшӧктіс меным петны бать керкаысь да ветлыны муясӧд, ме кори гӧтырӧс вӧчны меным буртор – шуны менӧ аслас вокӧн быдлаын, кытчӧ ми воам». | 13когда Бог повел меня странствовать из дома отца моего, то я сказал ей: сделай со мною сию милость, в какое ни придем мы место, везде говори обо мне: это брат мой. |
| 14 Авимелек козьналіс Ӧвраамлы [сюрс сикель эзысь,] ыжъясӧс, мӧсъясӧс, кесйӧг айуловӧс да аньясӧс. Бӧр сетіс сылы Сарраӧс | 14И взял Авимелех мелкого и крупного скота, и рабов и рабынь, и дал Аврааму; и возвратил ему Сарру, жену его. |
| 15 да шуис: «Менам муӧй тэ водзын. Овмӧдчы, кытчӧ кӧсъян». | 15И сказал Авимелех: вот, земля моя пред тобою; живи, где тебе угодно. |
| 16 А Сарралы шуис: «Вокыдлы ме сеті сюрс сикель эзысь. Тайӧ козиныс став тэнад матыссалы висьталӧ, мый тэ абу мыжа». | 16И Сарре сказал: вот, я дал брату твоему тысячу сиклей серебра; вот, это тебе покрывало для очей пред всеми, которые с тобою, и пред всеми ты оправдана. |
| 17 Ӧвраам кевмысис Енлы, и Ен бурдӧдіс Авимелекӧс, сылысь гӧтырсӧ да кесйӧг аньяссӧ. Найӧ бара вермисны чужтыны. | 17И помолился Авраам Богу, и исцелил Бог Авимелеха, и жену его, и рабынь его, и они стали рождать; |
| 18 Ӧд Ӧвраамлӧн Сарра гӧтыр вӧсна Господь вӧчліс сідз, мый Авимелек керкаын аньясыс эз вермыны кынӧмасьнысӧ. | 18ибо заключил Господь всякое чрево в доме Авимелеха за Сарру, жену Авраамову. |
Глава 20