Выбрать язык
Книги Ветхого Завета
Книги Нового Завета
с русским текстом1 Теве Нойын эргыже-влакын – Сим, Хам да Иафетын – тукымышт. Вӱд ташлымаш деч вара нунын йочашт шочыныт.2 Иафетын эргыже-влак: Гомер, Магог, Мадай, Иаван, [Елиса,] Фувал, Мешех да Фирас.3 Гомерын эргыже-влак: Аскеназ, Рифат да Фогарма.4 Иаванын эргыже-влак: Елиса, Фарсис, тыгак киттей ден роданей калык.5 Нунын деч шке тӱшка дене илыше калык-влак лектыныт.*а Нуно кажныже шке йылмыж дене, шке тукымжо дене, шке калыкше дене шке мландыштышт иленыт.
6 Хамын эргыже-влак: Хуш, Мицраим, Фут да Ханаан.7 Хушын эргыже-влак: Сева, Хавила, Савта, Раама да Савтеха. Рааман эргыже-влак: Шева да Дедан.8 Хуш деч тыгак Нимрод шочын. Тудо мландымбалне икымше патыр вуйлатыше лийын.9 Господь [Юмо] ончылно тудо тале сонарзе лийын, садланак ойлат: «Господь [Юмын] ончылно Нимрод гай тале сонарзе».10 Тӱҥалтыште тудын кугыжанышкыже Сеннаар мландысе Вавилон, Эрех, Аккад да Калне пуреныт.11 Тиде мланде гыч Нимрод Ассирийыш каен да Ниневийым, Реховоф-ирым, Калахым чоҥен.12 Тыгак Ниневий ден Калах коклаште Ресеным чоҥен, тиде пеш кугу ола.13 Мицраим деч лудей, анамей, лехавей, нафтухей,14 патрусей, каслухей – тудын деч филистим-влак – да кафторей калык-шамыч лектыныт.15 Ханаан деч Сидон кугэрге ден Хет шочыныт,16 тудын деч тыгак иевусей, аморрей, гергесей,17 евей, аркей, синей,18 арвадей, цемарей да хамафей калык-влак лектыныт. Варажым ханаан тукым-влак верын-верын шаланен шарленыт.19 Ханаан тукым-влакын мландышт Сидон деч Герар велке Газа марте, Содом, Гоморра, Адма да Цевоим велке Лаша марте шуйненыт.20 Тиде Хамын эргыже-влак лийыныт, нунын тукымышт, йылмышт, мландышт да калыкышт.
21 Симынат йочаже-влак лийыныт, тудо Иафетын изаже, Евер тукымын ачаже лийын.22 Симын эргыже-влак: Елам, Ассур, Арфаксад, Луд, Арам [да Каинан].23 Арамын эргыже-влак: Уц, Хул, Гефер да Маш.24 Арфаксад деч [Каинан, Каинан деч] Сала, Сала деч Евер шочыныт.25 Евер деч кок эрге шочын. Иктыжын лӱмжӧ Фалек*б – тудын илыме жапыште айдеме тукым мланде мучко шаланен улмаш. Весыжын лӱмжӧ Иоктан лийын.26 Иоктан деч Алмодад, Шалеф, Хацармавет, Иерах,27 Гадорам, Узал, Дикла,28 Овал, Авимаил, Шева,29 Офир, Хавила да Иовав шочыныт. Нуно чыланат Иоктанын эргыже-влак лийыныт.30 Нунын илыме верышт Меша деч тӱҥалын да эрвелысе Сефар лӱман курыкан кундем марте лийын.31 Тиде Симын эргыже-влак лийыныт, нунын тукымышт, йылмышт, мландышт да калыкышт.
32 Теве Нойын эргыже-влакын тукымышт, нунын тукымвожышт дене, шке калыкышт дене. Вӱд ташлымаш деч вара нунын деч мланде мучко калык-влак шарленыт.
*а 10:5 «Шке тӱшка дене илыше калык-влак»: тидым «отролаште илыше калык-влак» манынат кусараш лиеш.
*б 10:25 «Фалек» лӱм еврей йылмысе ’шелалташ’ мут дене ик семынрак йоҥга.
Глава 10