Выбрать язык
Книги Ветхого Завета
Книги Нового Завета
с русским текстом1 Исавын, тудым эше Едом маныныт, тукымжо тыгай лийын.2 Исав ханаан ӱдыр-влакым марлан налын: тиде – хеттей Елонын Ада ӱдыржӧ да евей Цивеонын Ана эргыжын Оливема ӱдыржӧ.3 Тыгак Васемафам – Измаилын ӱдыржым, Наваиофын шӱжаржым – марлан налын.4 Ада Исавлан Елифазым ыштен, Васемафа Рагуилым ыштен.5 Оливема Иеусым, Иегломым да Корейым ыштен. Нуно чыланат Исавын Ханаан мландыште шочшо эргышт улыт.
6 Исав шке ватыже, эргыже, ӱдыржӧ-влакым да суртысо чыла еҥжым, кӱтӱжӧ-влакым, уло вольыкшым, Ханаан мландыште ыштен налме уло погыжым погалтен да шке Иаков шольыжо деч вес мландыш кораҥ каен.7 Вет Иаков ден Исавын погышт моткоч шуко лийын, сандене пырля илен кертын огытыл. Вольыкышт шуко улмылан кӧра кӱтымӧ верышт шагал лийын.8 Тыге Исав, вес семынже Едом, Сеир курыкеш верланен.
9 Теве Исавын, Сеир курыкысо идумей-влакын ачаштын, тукымжо.10 Исавын эргыже-влак тыгай лӱман лийыныт: Елифаз – Исавын Ада ватыжын эргыже, Рагуил – Исавын Васемафа ватыжын эргыже.11 Елифазын эргыже-влак: Феман, Омар, Цефо, Гафам да Кеназ.12 Елифазын, Исавын эргыжын, Фамна лӱман кулватыже лийын. Тудо Елифазлан Амаликым ыштен. Тиде Исавын Ада ватыж деч шочшо эргыж-влак лийыныт.13 Теве Рагуилын эргыже-влак: Нахаф ден Зерах, Шамма ден Миза. Нуно Исавын да Васемафа ватыжын уныкашт улыт.14 А нинышт: Иеус, Иеглом, Корей – тиде Оливеман Исавлан ыштыме эргыж-влак. Оливемаже – Цивеонын Ана эргыжын ӱдыржӧ, Исавын ватыже.
15 Теве Исавын тукымвожшо. Исавын Елифаз кугэргыжын тукымжо: Феман урлык, Омар урлык, Цефо урлык, Кеназ урлык,16 Корей урлык, Гафам урлык, Амалик урлык. Едом мландыште нуно Елифазын урлыкшо-влак лийыныт. Тиде – Адан тукымжо.
17 Тиде Исавын Рагуил эргыжын тукымжо: Нахаф урлык, Зерах урлык, Шамма урлык, Миза урлык. Тиде – Рагуилын Едом мландыште илыше урлыкшо-влак, Исавын Васемафа ватыжын тукымжо.
18 Теве Исавын Оливема ватыжын тукымжо: Иеус урлык, Иеглом урлык, Корей урлык. Тиде – Анан Оливема ӱдыржын, Исавын ватыжын, урлыкышт улыт.19 Теве Исавын тукымжо, теве тудын тукымжын урлыкышт. Тиде – Едом.
20 Теве нунын деч ончыч тиде мландыште илыше хоррей Сеирын эргыже-влак: Лотан, Шовал, Цивеон, Ана,21 Дишон, Эцер да Дишан. Нине – Едом мландыште хоррей калыкын, Сеир тукымын, урлыкышт.22 Лотанын эргыж-влак Хори ден Геман лийыныт. Лотанын шӱжарже – Фамна.23 Шовалын эргыже-влак: Алван, Манахаф, Эвал, Шефо да Онам.24 Айа ден Ана – Цивеонын эргыже-влак. Тиде тудо Ана, кудо ир мландыште Цивеон ачажын осёлжо-влакым кӱтымыж годым шокшо вӱдым муын.25 Анан йочаже-влак: Дишон ден Оливема ӱдыржӧ.26 Дишонын эргыже-влак: Хемдан, Эшбан, Ифран да Херан.27 Эцерын эргыже-влак: Билган, Зааван, [Укам] да Акан.28 Дишанын эргыже-влак: Уц ден Аран.
29 Тиде хоррей тукымын урлыкышт: Лотан урлык, Шовал урлык, Цивеон урлык, Ана урлык,30 Дишон урлык, Эцер урлык, Дишан урлык. Теве Сеир мландыште илыше хоррей тукымын урлыкшо-влакын лӱмышт.
31 Кунам Израиль калыкын эше кугыжаже лийын огыл, Едом мландым тыгай кугыжа-влак вуйлатеныт:32 Едомышто ондак Бела кугыжа, Веорын эргыже, лийын, тудын олажын лӱмжӧ Дингава.33 Бела колымо деч вара Иовав, Восора гыч Зерахын эргыже, кугыжа лийын.34 Иовав колымеке, кугыжалан Феман тукымын мландыж гыч Хушам шогалын.35 Хушам колымеке, кугыжалан Бедадын Гадад эргыже шогалын. Тудо Моав тӧрверыште мадиан-влакым сеҥен. Тудын олажын лӱмжӧ Авив улмаш.36 Гадад колымеке, кугыжалан Масрека гыч Самла шогалын.37 Самла уке лиймеке, кугыжалан эҥер воктенысе Реховоф гыч Саул шогалын.38 Саул колымеке, кугыжалан Баал-Ханан, Ахбор эрге, шогалын.39 Ахбор эрге Баал-Ханан колымеке, кугыжалан [Варадын эргыже] Гадар шогалын, олажын лӱмжӧ Пау улмаш. Гадарын ватыже – Мегетавеель. Тудыжо Матредан ӱдыржӧ, Мезагавын уныкаже лийын.
40 Теве Исав тукымын урлыкшо-влакын лӱмышт, тукым шот дене, илыме вер шот дене, лӱмышт дене, [калыкышт дене]: Фимна урлык, Алва урлык, Иетеф урлык,41 Оливема урлык, Эла урлык, Пинон урлык,42 Кеназ урлык, Феман урлык, Мивцар урлык,43 Магдиил урлык, Ирам урлык. Теве Едом тукымын урлыкшо-влакын да нунын мландысе илемыштын лӱмышт. Тиде – Исав, идумей тукымын ачаже.
Глава 36