Выбрать язык
Книги Ветхого Завета
Книги Нового Завета
с русским текстом1 Скинийым шогалтымеке, Моисей тиде кечынак тудым, тушто улшо ате-ӱзгарым, тыгак жертвенникым да тудын пелен кучылтмо арверым шӱрен да святитлен.2 Тунам Израильын [латкок] онышт толыныт. Нуно шке ешыштын вуйышт, шке тукымыштын вуйлатышышт лийыныт, нунак калык чотым шотлен лукмо сомылым вуйлатен шогеныт.3 Нине он-влак Господьлан пӧлекыштым конденыт – леведышан куд орвам да латкок ӱшкыжым: кажне кок он деч – ик орва, да кажне он деч – ик ӱшкыж. Чыла тидым нуно скиний ончыко конден шогалтеныт.
4 Господь Моисейлан каласен:5 «Юмо дене вашлийме омаш пелен пашам ышташ манын, чыла тиде пӧлекым нунын деч нал да левит-влаклан пу. Тек кажныже, шке пашаштыже мо кӱлеш, тудым налеш».6 Моисей орва ден ӱшкыж-влакым налын да левит-влаклан пуэден:7 кок орва ден ныл ӱшкыжым – Гирсон тукым пӧръеҥ-влаклан пашаштышт кучылташ,8 ныл орва ден кандаш ӱшкыжым – Мерари тукым пӧръеҥ-влаклан пашаштышт кучылташ. Нуным чыланыштым иерей Ааронын Ифамар эргыже вуйлатен шоген.9 А Кааф тукым пӧръеҥ-влаклан Моисей нимомат пуэн огыл, вет нунын пашашт святой арвер-влакым вачӱмбалнышт нумалаш лийын.
10 Жертвенникым шӱрен палемдыме кечын он-влак тудым святитлен почмо лӱмеш шке надырыштым конденыт да жертвенник ончылан вераҥденыт.11 Господь Моисейлан каласен: «Тек жертвенникым святитлен почмо лӱмеш он-влак кечылан икте дене шке пӧлекыштым кондат».
12 Икымше кечын шке пӧлекшым Иуда тукым гыч Наассон, Аминадавын эргыже, конден.13 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.14 Тыгак тудо лу сикль нелытан шӧртньӧ атым, тамле пушан тӱтыртыш дене темымым,15 йӱлалтен пуымо надырлан ик самырык ӱшкыжым, ик тагам, идалыкаш ик пачам,16 сулык верч надырлан ик казатагам,17 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Наассонын, Аминадав эргын, кондымо надырже.
18 Кокымшо кечын шке пӧлекшым Нафанаил, Цуарын эргыже, Иссахар тукымын онжо, конден.19 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.20 Тыгак тудо лу сикль нелытан шӧртньӧ атым, тамле пушан тӱтыртыш дене темымым,21 йӱлалтен пуымо надырлан ик самырык ӱшкыжым, ик тагам, идалыкаш ик пачам,22 сулык верч надырлан ик казатагам,23 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Нафанаилын, Цуар эргын, кондымо надырже.
24 Кумшо кечын Елиав, Хелонын эргыже, Завулон тукымын онжо, шке пӧлекшым конден.25 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.26 Тыгак тудо лу сикль нелытан шӧртньӧ атым, тамле пушан тӱтыртыш дене темымым,27 йӱлалтен пуымо надырлан ик самырык ӱшкыжым, ик тагам, идалыкаш ик пачам,28 сулык верч надырлан ик казатагам,29 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Елиавын, Хелон эргын, кондымо надырже.
30 Нылымше кечын Елицур, Шедеурын эргыже, Рувим тукымын онжо, шке пӧлекшым конден.31 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.32 Тыгак тудо лу сикль нелытан шӧртньӧ атым, тамле пушан тӱтыртыш дене темымым,33 йӱлалтен пуымо надырлан ик самырык ӱшкыжым, ик тагам, идалыкаш ик пачам,34 сулык верч надырлан ик казатагам,35 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Елицурын, Шедеур эргын, кондымо надырже.
36 Визымше кечын Шелумиил, Цуришаддайын эргыже, Симеон тукымын онжо, шке пӧлекшым конден.37 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.38 Тыгак тудо лу сикль нелытан шӧртньӧ атым, тамле пушан тӱтыртыш дене темымым,39 йӱлалтен пуымо надырлан ик самырык ӱшкыжым, ик тагам, идалыкаш ик пачам,40 сулык верч надырлан ик казатагам,41 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Шелумиилын, Цуришаддай эргын, кондымо надырже.
42 Кудымшо кечын Елиасаф, Регуилын эргыже, Гад тукымын онжо, шке пӧлекшым конден.43 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.44 Тыгак тудо лу сикль нелытан шӧртньӧ атым, тамле пушан тӱтыртыш дене темымым,45 йӱлалтен пуымо надырлан ик самырык ӱшкыжым, ик тагам, идалыкаш ик пачам,46 сулык верч надырлан ик казатагам,47 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Елиасафын, Регуил эргын, кондымо надырже.
48 Шымше кечын Елишама, Аммиудын эргыже, Ефрем тукымын онжо, шке пӧлекшым конден.49 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.50 Тыгак тудо лу сикль нелытан шӧртньӧ атым, тамле пушан тӱтыртыш дене темымым,51 йӱлалтен пуымо надырлан ик самырык ӱшкыжым, ик тагам, идалыкаш ик пачам,52 сулык верч надырлан ик казатагам,53 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Елишаман, Аммиуд эргын, кондымо надырже.
54 Кандашымше кечын Гамалиил, Педацурын эргыже, Манассий тукымын онжо, конден.55 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.56 Тыгак тудо лу сикль нелытан шӧртньӧ атым, тамле пушан тӱтыртыш дене темымым,57 йӱлалтен пуымо надырлан ик самырык ӱшкыжым, ик тагам, идалыкаш ик пачам,58 сулык верч надырлан ик казатагам,59 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Гамалиилын, Педацур эргын, кондымо надырже.
60 Индешымше кечын Авидан, Гидеонийын эргыже, Вениамин тукымын онжо, шке пӧлекшым конден.61 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.62 Тыгак тудо лу сикль нелытан шӧртньӧ атым, тамле пушан тӱтыртыш дене темымым,63 йӱлалтен пуымо надырлан ик самырык ӱшкыжым, ик тагам, идалыкаш ик пачам,64 сулык верч надырлан ик казатагам,65 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Авиданын, Гидеоний эргын, кондымо надырже.
66 Луымшо кечын Ахиезер, Аммишаддайын эргыже, Дан тукымын онжо, шке пӧлекшым конден.67 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.68 Тыгак тудо лу сикль нелытан шӧртньӧ атым, тамле пушан тӱтыртыш дене темымым,69 йӱлалтен пуымо надырлан ик самырык ӱшкыжым, ик тагам, идалыкаш ик пачам,70 сулык верч надырлан ик казатагам,71 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Ахиезерын, Аммишаддай эргын, кондымо надырже.
72 Латикымше кечын Пагиил, Охранын эргыже, Асир тукымын онжо, шке пӧлекшым конден.73 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.74 Тыгак тудо лу сикль нелытан шӧртньӧ атым, тамле пушан тӱтыртыш дене темымым,75 йӱлалтен пуымо надырлан ик самырык ӱшкыжым, ик тагам, идалыкаш ик пачам,76 сулык верч надырлан ик казатагам,77 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Пагиилын, Охран эргын, кондымо надырже.
78 Латкокымшо кечын Ахира, Енанын эргыже, Неффалим тукымын онжо, шке пӧлекшым конден.79 Тудо шӱдӧ кумло сикль нелытан ший кӱмыжым да шымле сикль нелытан ший коркам конден. Нуно святой сикль дене висыме лийыныт, тушкыжо кинде надыр шотеш олив ӱй дене йӧрымӧ эн сай ложашым теменыт.80 Тыгак тудо лу сикль нелытан шӧртньӧ атым, тамле пушан тӱтыртыш дене темымым,81 йӱлалтен пуымо надырлан ик самырык ӱшкыжым, ик тагам, идалыкаш ик пачам,82 сулык верч надырлан ик казатагам,83 татулык надырлан кок ӱшкыжым, вич тагам, вич казатагам да идалыкаш вич пачам конден. Теве Ахиран, Енан эргын, кондымо надырже.
84 Теве израиль калык он-влакын жертвенникым шӱрен палемдыме кечын тудым святитлен почмо лӱмеш кондымо пӧлекышт: латкок ший кӱмыж, латкок ший корка да латкок шӧртньӧ тӱтыртыш ате.85 Кажне ший кӱмыж шӱдӧ кумло сикль, кажне ший корка шымле сикль нелытан лийыныт. Нунын нелытышт святой сикль дене висыме почеш чылаже кок тӱжем нылшӱдӧ сикль лийын.86 Тӱтыртыш дене темыме шӧртньӧ ате чылаже латкокыт лийын. Святой сикль дене висыме почеш кажныже лу сикль нелытан, а чыла пырляже шӱдӧ коло сикль нелытан лийыныт.87 Йӱлалтен пуашлан чумыр надыр вольык тынаре лийын: латкок ӱшкыж, латкок тага, латкок идалыкаш пача, нунын пелен – могай кӱлшӧ кинде надыр. Сулык верч надырлан латкок казатагам конденыт.88 Татулык надырлан чылаже коло ныл ӱшкыжым, кудло тагам, [икияш] кудло казатагам да [экшыкдыме] икияш кудло пачам конденыт. Теве тыгай пӧлек-влакым жертвенникым шӱрен палемдыме деч вара тудым святитлен почмо лӱмеш конденыт.
89 Кунам Моисей Юмо дене вашлийме омашыш Господь дене кутыраш пурен, тудо ойпидыш шондык комдыш ӱмбалне улшо кок херувим кокла гыч тудлан ойлышо йӱкым колын. Тыге Господь Моисейлан ойлен.
Глава 7