Выбрать язык
Книги Ветхого Завета
Книги Нового Завета
с русским текстом1 Ирод кугыжаланыме годым Иудейысе Вифлеемеш Иисус шочмеке, эрвел гыч Иерусалимыш ушан еҥ-влак толыныт да йодыныт:2 «Иудей-влакын кызыт гына шочшо Кугыжашт кушто? Ме эрвелне Тудын шӱдыржым*а ужынна да Тудлан вуйым саваш толынна».3 Тидым колмеке, Ирод кугыжа да уло Иерусалим тургыжланаш тӱҥалыныт.4 Израиль калыкыште чыла архиерей ден закон туныктышо-влакым поген, Ирод нунын деч йодыштын: «Христос кушан шочшаш?»5 Нуно вашештеныт: «Иудейысе Вифлеемыште. Пророк гоч тыге возымо:
6 ”Тый Вифлеем, Иуда мландысе ола,
Иудан моло кугу олаж-влак деч пырчат изи отыл:
тый дечет Мыйын Израиль калыкемым
вӱден кайыше Вуйлатыше лектеш”».*в
7 Тунам Ирод эрвел ушан-влакым шкеж деке шолып ӱжын да нунын деч шӱдыр кунам шочмо жапым раш пален налын.8 Нуным Вифлеемыш колтымо годым каласен: «Кайыза да Икшыве нерген чылажымат пален налза. Тудым кычал мумеке, мыламат уверым пуыза, тунам мыят Тудын деке вуем саваш миен кертам».9 Кугыжам колыштмеке, нуно корныш лектыныт. Эрвелне улмо годым ужмо шӱдырышт нунын ончылно каен, а вара, Икшыве тураш шумеке, чарнен шогалын.10 Шӱдырым ужын, ушан еҥ-влак моткоч чот куаненыт.11 Нуно пӧртыш пуреныт, Икшыве ден Мария Аважым ужыныт, кумык возыныт да Йочалан вуйым савеныт. Вара нуно кондымо поянлыкыштым луктыныт, Икшывылан шӧртньӧ, ладын да смирна ӱй пӧлекыштым пуэныт.12 Ирод деке пӧртылаш огыл манын, нуно омо гоч шижтарыме лийыныт, сандене шке элышкышт вес корно дене каеныт.
13 Ушан еҥ-влак кайымеке, Иосифын омешыже Господьын Суксыжо кончен да ойлен: «Кынел, Икшыве ден Тудын Аважым пырля нал да Египетыш курж, пӧртылаш кӱштымешкем, туштак лий. Ирод, пушташ шонен, йочам кычалаш тӱҥалеш».14 Иосиф кынелын, йӱдым Икшывым да Тудын Аважым пырля налын да Египетыш каен.15 Иродын колымешкыже, туштак лийын. Тыге Господьын пророк гоч ойлымыжо шукталтын. Пророк ойлен: «Мый Шкемын Эргым Египет гыч ӱжынам».*г
16 Ушан еҥ-влакын ондалымыштым ужмеке, Ирод моткоч чот шыдешкен, Вифлеемыште да тудын воктенысе илемлаште кок ияш да тылеч изирак чыла эрге азам пушташ шке еҥже-влакым колтен. Ийготым тудо ушан еҥ-влак деч пален улмаш.17 Тыге Иеремий пророк гоч каласыме шукталтын. Тудо ойлен:
18 «Рамаште йӱк-йӱан, мӱгырен шортмо,
йӧсын кычкырыме йӱк шокта.
Рахиль шке йочаж-влак верч шортеш,
нунышт уке улыт, сандене ынеже лыплане».*д
19 Ирод колымеке, Египетыште Иосифын омешыже Господьын Суксыжо кончен20 да ойлен: «Кынел, Икшыве ден Тудын Аважым нал да Израиль мландыш кае. Икшывын чонжым налаш шонышо-влак коленыт».21 Иосиф кынелын, Икшыве ден Тудын Аважым пырля налын да Израиль мландыш пӧртылын.22 Иудейыште Ирод олмеш Архелай эргыже кугыжаланыме нерген колмеке, тушко мияш лӱдын, а омыж дене каҥашым налмеке, Галилей кундемыш каен.23 Миен шумеке, Назарет лӱман олаште илаш тӱҥалын. Тыге пророк-влак гоч ойлымо «Назорей*е маналташ тӱҥалеш» манме шомак шукталтын.
*а 2 Ушан еҥ-влак – волхва-влак, мудреч-влак.
*а 2:2 «Ме эрвелне Тудын шӱдыржым» – грек мут-влакым «Тудын шӱдыр нӧлталтмыжым» манынат кусараш лиеш.
*д 2:18 Иер 31:15.
*е 2:23 Назорей манмым «Назарет гыч улшо» манын умылыман.
Глава 2