Выбрать язык
Книги Ветхого Завета
Книги Нового Завета
с русским текстом1 Кузе мый Христос семын ыштем, тугак теат мыйын семын ыштыза.
2 Иза-шольо-влак, мыйын чыла туныктымем шарнымылан, мыйын ойлен кодымым шуктен шогымылан мый тендам моктем.3 Но те палыза, шонем: кажне пӧръеҥлан вуй – Христос, а ӱдырамашлан вуй – пӧръеҥ, а Христослан вуй – Юмо.4 Кумалмыж але пророклен ойлымыж годым пӧръеҥ вуйым петыра гын, вуйжым намысыш пурта,5 а кумалше але пророклен ойлышо ӱдырамаш вуйжым ок петыре гын, тудат вуйжым намысыш пурта, тидыже тӱредын нӱжымӧ вуян лийме дене иктак.6 Ӱдырамаш вуйжым ок левед гын, тек ӱпшымат тӱредыкта. А ӱдырамашлан ӱпым тӱредыкташ але нӱжыкташ вожылмаш гын, тек вуйжым леведеш.7 Пӧръеҥ вуйжым леведшаш огыл, вет тудо – Юмын тӱсшӧ да чапше. А ӱдырамаш – пӧръеҥын чапше.8 Вет пӧръеҥым ӱдырамаш деч ыштыме огыл, а ӱдырамашым пӧръеҥ деч ыштыме,9 да пӧръеҥым ӱдырамашлан огыл, а ӱдырамашым пӧръеҥлан ыштыме.10 Сандене Суксо-влаклан кӧра ӱдырамашын вуйыштыжо пӧръеҥын кучемвийже йымалне улмым ончыктышо пале лийшаш.11 Туге гынат Господь ончылно пӧръеҥат ӱдырамаш деч посна, ӱдырамашат пӧръеҥ деч посна уке:12 кузе ӱдырамашым пӧръеҥ деч ыштыме, тугак пӧръеҥат ӱдырамаш деч шочеш, но чылажат – Юмо деч.13 Шке шоналтыза: вуйым леведде, Юмылан кумалаш ӱдырамашлан йӧра мо?14-15 Пӧръеҥ кужу ӱпан гын, тудлан тиде намыс, а ӱдырамаш кужу ӱпан гын, тудлан тиде чап манын, пӱртӱс тендам шке ок туныкто мо? Ӱдырамашлан кужу ӱпым леведышлан пуымо.16 А иктаж-кӧ тидын нерген ӱчашаш шона гын – мемнан нимогай вес йӱлана уке, Юмын черкыж-влакынат уке.
17 Нине каҥашым пуымем годым иктылан мый тендам ом мокто: тендан погынымашда деч эҥгекше пайда деч шукырак.18 Эн ондак каласынем: кунам те черке погынымашым эртареда, икте-весе ваштареш шогышо тӱшкалан шелалтыда манын, мый колынам. Тыште мыняр-гынат чын улмылан мый ӱшанем.19 Вет тендан коклаште тӱрлӧ ой лийшаш, тыге тергымашым чытен кертше-влак тендан коклаште почылтыт.20 Тыгеже, кунам те пырля погынеда, тидым Господьын кас кочкышыжым эртарымаш манаш ок лий.21 Вет те кажныже шке кочкышдам кочкаш вашкеда, тыге иктыже шужышо кодеш, весыже утымеш йӱэш.22 Але те мӧҥгыштыда кочкын-йӱын огыда керт? Ала Юмын черкыжым огыда шотло да укеан-влакым вожылмашке пуртынеда? Тыланда мом каласаш? Тендам мокташ мо? Тидлан ом мокто!
23 Господь деч пален налмем дене мый тендам палдаренам: Господь Иисусым ужалыме йӱдым Иисус кидышкыже киндым налын,24 Юмылан тауштен, тодылын да каласен: «Налза, кочса: тиде тендан верч тодыл пуымо Мыйын Капем. Мыйым шарнен, тыге ыштыза».25 Кас кочкыш деч вара чашым тугак налын да каласен: «Тиде чаше – Мыйын Вӱрем дене ыштыме у ойпидыш. Кунам тушеч йӱыда, Мыйым шарнен, эре тыге ыштыза».26 Кунам гына тиде киндым кочкыда да тиде чаше гыч йӱыда, Господьын толмешкыже, те Тудын колымыжым увертареда.
27 Тыгеракын, кӧ йӧрдымын тиде киндым кочкеш да Господьын чашыж гыч йӱэш, тудо Господьын Капше да Вӱржӧ ваштареш титакыш пура.28 Тиде киндым кочмо деч ончыч да тиде чаше гыч йӱмӧ деч ончыч айдеме шкенжым тергышаш.29 Вет кӧ, Господьын Капше да чыла моло коклаште ойыртемым ужде, йӧрдымын кочкеш да йӱэш, тудо кочмыж-йӱмыж дене шкаланже судитлымашым конда.30 Сандене тендан коклаште вийдыме ден черле ятыр уло да шагал огыл колен.31 Ме шкенам шке тергена гын, судитлыме огына лий ыле.32 А мыланна тӱня дене пырля титаканыш лукталташ огыл манын, Господь мемнам судитла да тӧрлата.33 Сандене, иза-шольым-влак, кас кочкышым ышташ погынымыда годым икте-весыдам вучыза.34 Погынымыда тыланда титаканыш лекмым ынже кондо манын, кӧ шужен гын, тек мӧҥгыштыжӧ кочкеш. Моло паша шотышто тендан деке мийымекем кӱштен каласем.
Глава 11