Выбрать язык
Книги Ветхого Завета
Книги Нового Завета
с русским текстом1 Мый айдеме да суксо йылме дене ойлем гынат, но йӧратымашем уке гын, тугеже йоҥгышо той семӱзгар але шергылтше кимвал веле улам.2 Лийын кертеш, мыйын пророклен ойлен моштымашем уло, чыла тайным палем да мыйын чыла шинчымашем уло, лийын кертеш, курык-влакым вашталтен шындаш ситыше ӱшанымашем уло, но йӧратымашем уке гын, тугеже мый нимо омыл.3 Мый уло погем пуэден пытарем да капем йӱлалташ пуэм гынат, но йӧратымашем уке гын, тыште мылам нимогай пайда уке.
4 Йӧратымаш кужун чытыше да поро, йӧратымаш ок кӧране, йӧратымаш ок моктане, ок кугешне,5 торжан ок ыште, шкаланже пайдам ок кычал, ок шыдешке, осалым шарнен ок иле,6 чын огыллан ок куане, а чынлан йывырта,7 чыла леведеш, чылалан*а ӱшана да ӱшанен вуча, чыла чыта.
8 Йӧратымаш нигунам ок пыте, а пророклен ойлымаш чарна, палыдыме йылме дене ойлымаш шыплана, шинчымаш пыта.9 Вет мемнан шинчымашна тичмаш огыл да пророклен ойлымашна тичмаш огыл,10 а тичмаш толмо годым тичмаш огылжо пыта.11 Кунам мый йоча лийынам, йочала ойленам, йоча семын шоненам, йоча семын ушем кучылтынам, а кунам кушкын шуынам, тунам йоча годсо деч кораҥынам.12 Кызыт ме пуйто раш огыл тӱсым воштончышышто ужына, а тунам шинчаваш ончен ужына. Кызыт мый тичмашын огыл палем, а Юмо мыйым палыме семынак тунам тичмашын палаш тӱҥалам.13 А тыгеже нине кумыт эре лийыт: ӱшанымаш, ӱшанен вучымаш, йӧратымаш, но нунын кокла гыч эн кугужо – йӧратымаш.
*а 13:7 «Чылалан»: але «эре».
Глава 13