Выбрать язык
Книги Ветхого Завета
Книги Нового Завета
без русского текстаМОИСЕЙЛЭН КЫКЕТӤ КНИГАЕЗ. ПОТОН | ВТОРАЯ КНИГА МОИСЕЕВА. ИСХОД |
34-тӥ ЛЮКЕТ | Глава 34 |
| 1Кузё-Инмар Моисейлы шуиз: «Аслыд кык изпулъёс вӧл, азьвылъёсызлы укшатыса лэсьты, [собере Мон доры гурезь йылэ туб,] со изпулъёс вылэ Мон со кылъёсты ик гожто, кудъёсыз вал азьвылаз тынад пильылэм изпулъёсыд вылын; | 1И сказал Господь Моисею: вытеши себе две скрижали каменные, подобные прежним, и Я напишу на сих скрижалях слова, какие были на прежних скрижалях, которые ты разбил; |
| 2ӵукналы дась лу; ӵукна Сӥнай гурезь йылэ туб, гурезь йылысен Мынам азям султы; | 2и будь готов к утру, и взойди утром на гору Синай, и предстань предо Мною там на вершине горы; |
| 3но тонэн ӵош нокин но медаз тубы, быдэс та гурезь вылын нокин но возьматскыны кулэ ӧвӧл; бадӟымъёсыз но, пичиосыз но пудоос та гурезь вӧзтӥ медаз ветлэ». | 3но никто не должен восходить с тобою, и никто не должен показываться на всей горе; даже скот, мелкий и крупный, не должен пастись близ горы сей. |
| 4Азьвылъёсызлы укшатыса, Моисей кык изпулъёс вӧлӥз но, ӵукна вазь ик султыса, Сӥнай гурезь йылэ тубиз, кызьы солы Кузё-Инмар косон сётӥз; кияз кык изпулъёс кутӥз. | 4И вытесал Моисей две скрижали каменные, подобные прежним, и, встав рано поутру, взошел на гору Синай, как повелел ему Господь; и взял в руки свои две скрижали каменные. |
| 5Кузё-Инмар пилем пушкын васькиз но, Моисейлы матаз вуыса, отчы дугдӥз, Кузё-Инмар шуыса, Аслэсьтыз нимзэ ялӥз. | 5И сошел Господь в облаке, и остановился там близ него, и провозгласил имя Иеговы. |
| 6Кузё-Инмар солэн азьтӥз ортчыкуз, со азьын шуиз: «Кузё-Инмар, Кузё-Инмар, адямиез яратӥсь, гажась-жалясь, кема чидась, туж гажась-жалясь, зэмлыко Инмар. | 6И прошел Господь пред лицем его и возгласил: Господь, Господь, Бог человеколюбивый и милосердый, долготерпеливый и многомилостивый и истинный, |
| 7Со сюрсэтӥ выжылы но [шонерлыко луэмзэ,] гажан-жалянзэ возьматэ, Со янгышъёсты, йыружъёсты, сьӧлыкъёсты ӵуше-куштэ, но вӧсь карытэк уг кельты, атайёслэн янгышъёссы понна куинетӥ, ньылетӥ выжыозь соослэсь нылпиоссэс, нылпиоссылэсь нылпиоссэс вӧсь каре». | 7сохраняющий милость в тысячи родов, прощающий вину и преступление и грех, но не оставляющий без наказания, наказывающий вину отцов в детях и в детях детей до третьего и четвертого рода. |
| 8Моисей соку ик музъем вылэ уськытскиз, [Инмарлы] йыбырттӥз но | 8Моисей тотчас пал на землю и поклонился Богу |
| 9шуиз: «Тон азьын ӟечлык басьтыны ярамон луи ке, Кузё-Атае, соку Кузё-Атаймы ми пӧлын мед мыноз, уго та калык чурыт сюлэмо; законлы пумит улэмъёсмес, сьӧлыкъёсмес кушты-ӵуш, милемыз Аслыд люкет кар». | 9и сказал: если я приобрел благоволение в очах Твоих, Владыка, то да пойдет Владыка посреди нас; ибо народ сей жестоковыен; прости беззакония наши и грехи наши и сделай нас наследием Твоим. |
| 10[Кузё-Инмар Моисейлы] шуиз: «Тани Мон тӥледын сӥзён-косон пыр кусып кылдытӥсько: тынад вань калыкед азьын паймымон ужъёс лэсьто, сыӵеосыз музъем вылын одӥг калык пӧлын но ӧй на вал, тынад котырысьтыд вань калык Кузё-Инмарлэсь ужзэ адӟоз, уго тынад азяд лэсьтоно уже туж кышкыт луоз; | 10И сказал Господь: вот, Я заключаю завет: пред всем народом твоим соделаю чудеса, каких не было по всей земле и ни у каких народов; и увидит весь народ, среди которого ты находишься, дело Господа; ибо страшно будет то, что Я сделаю для тебя; |
| 11мае али косӥсько, ваньзэ быдэсъя: тани, Мон тынад азьысьтыд аморрейёсты, хананейёсты, хеттейёсты, ферезейёсты, евейёсты, [гергесейёсты,] иевусейёсты улляло; | 11сохрани то, что повелеваю тебе ныне: вот, Я изгоняю от лица твоего Аморреев, Хананеев, Хеттеев, Ферезеев, Евеев, и Иевусеев; |
| 12утиськы, пыроно музъемад улӥсь калыкъёсын кусып эн кылдытъя, соос пыр канжаськоно медад луэ. | 12смотри, не вступай в союз с жителями той земли, в которую ты войдешь, дабы они не сделались сетью среди вас. |
| 13Курбон сётон интыоссэс куашкатэ, йыбыртъян юбооссэс пыргытъялэ, вӧсяськон сурдъёссэс коралэ, [вӧлыса лэсьтэм сульдэръёссэс-инмаръёссэс тылын сутэ]; | 13Жертвенники их разрушьте, столбы их сокрушите, вырубите священные рощи их. |
| 14уго тон [Инмарлы] Кузё-Инмарлы сяна, мукет инмаръёслы йыбыртъяны кулэ ӧвӧл, уго Солэн нимыз «вожомись, кылэз юн юась»: Со кылэз юн юась Инмар. | 14ибо ты не должен поклоняться богу иному, кроме Господа; потому что имя Его--ревнитель; Он Бог ревнитель. |
| 15Со музъемын улӥсь калыкъёсын кусып эн кылдытъя, соос инмаръёсынызы азыса улыкузы, инмаръёссылы курбонъёс сётылыкузы, тонэ но медаз ӧте, курбон сӥльзэс сиёно медад луы; | 15Не вступай в союз с жителями той земли, чтобы, когда они будут блудодействовать вслед богов своих и приносить жертвы богам своим, не пригласили и тебя, и ты не вкусил бы жертвы их; |
| 16пиосыдлы соослэсь нылзэс кышно эн вай, [нылъёстэ но соослэн пиоссылы кузпаллы эн сёт,] – соослэн нылъёссы инмаръёсынызы азыса уло бере, тынэсьтыд пиостэ но асьсэлэн инмаръёсынызы азон сьӧлыке медаз кыске. | 16и не бери из дочерей их жен сынам своим, дабы дочери их, блудодействуя вслед богов своих, не ввели и сынов твоих в блужение вслед богов своих. |
| 17Ӵыжатыса-дурыса аслыд инмаръёс эн лэсьты. | 17Не делай себе богов литых. |
| 18Юмал Нянь Сиён праздникез чакла-уть: сизьым нунал ӵоже чырсатымтэ нянь си, кызьы Мон тыныд косӥ, тупатэм дыре – Авив толэзе, уго Авив толэзе тон Египетысь потӥд. | 18Праздник опресноков соблюдай: семь дней ешь пресный хлеб, как Я повелел тебе, в назначенное время месяца Авива, ибо в месяце Авиве вышел ты из Египта. |
| 19Нырысь вордскем пи нуныез Мыным вайыны кулэ, озьы ик тынад пудоедлэсь нырысь вордскем ошъёссэ, такаоссэ но. | 19Все, разверзающее ложесна, Мне, как и весь скот твой мужеского пола, разверзающий ложесна, из волов и овец; |
| 20Ишаклэсь нырысь вордскем чуньызэ ыжпиен вошты, нош ӧд ке вошты, дунэн басьты; нырысь вордскем вань пиосыд понна дун тыр; Мынам азям тырттэм киын медаз лыктэ. | 20первородное из ослов заменяй агнцем, а если не заменишь, то выкупи его; всех первенцев из сынов твоих выкупай; пусть не являются пред лице Мое с пустыми руками. |
| 21Куать нунал ужа, нош сизьыметӥ нуналаз шутэтскы, кизён, аран вакытъёсы но эн ужа. | 21Шесть дней работай, а в седьмой день покойся; покойся и во время посева и жатвы. |
| 22Арняослэсь праздниксэс*а, чабейлэсь нырысь кутсам юзэ басьтонлы сӥзем праздникез уть, арлэн пумаз емышъёсты бичанлы сӥзем праздникез уть; | 22И праздник седмиц совершай, праздник начатков жатвы пшеницы и праздник собирания плодов в конце года; |
| 23тынад вань пиосмуртъёсыд арлы быдэ куинь пол Кузё-Атай азе, Израильлэн Инмарез Кузё-Инмар азе, султыны кулэ, | 23три раза в году должен являться весь мужеский пол твой пред лице Владыки, Господа Бога Израилева, |
| 24тынад азьысьтыд калыкъёсты улляло, улон интыдэ паськытато, тынэсьтыд музъемдэ басьтыны нокинлэн мылкыдыз уз ӝутскы, ар куспын куинь пол Инмаред Кузё-Инмар азе султӥд ке. | 24ибо Я прогоню народы от лица твоего и распространю пределы твои, и никто не пожелает земли твоей, если ты будешь являться пред лице Господа Бога твоего три раза в году. |
| 25Мыным курбонлы ваем пудолэсь вирзэ чырсатыса пыжем нянь вылэ эн кисьты, Пасхалы ваем курбонэз но ӵукнаозьлы кельтыны уг яра. | 25Не изливай крови жертвы Моей на квасное, и жертва праздника Пасхи не должна переночевать до утра. |
| 26Музъемедлэсь будэтэм нырысь емышъёссэ Инмаредлэн Кузё-Инмарлэн корказ вай. Кечпиез анаезлэн йӧл пӧлаз эн пӧзьты». | 26Самые первые плоды земли твоей принеси в дом Господа Бога твоего. Не вари козленка в молоке матери его. |
| 27Соку Кузё-Инмар Моисейлы шуиз: «Та кылъёсты аслыд гожты, уго та кылъёсын Мон тонэн но Израилен сӥзён-косон пыр кусып кылдытӥсько». | 27И сказал Господь Моисею: напиши себе слова сии, ибо в сих словах Я заключаю завет с тобою и с Израилем. |
| 28Отын, Кузё-Инмар дорын, [Моисей] ньыльдон нунал но ньыльдон уй улӥз, нянь ӧз сиы, ву ӧз юы; изпулъёс вылэ [Моисей] сӥзён-косонлэсь кылъёссэ – дас курон-косонъёсты – гожтӥз. | 28И пробыл там Моисей у Господа сорок дней и сорок ночей, хлеба не ел и воды не пил; и написал на скрижалях слова завета, десятословие. |
| 29Сӥнай гурезьысь васькыкуз, Моисейлэн кияз сӥзён-косонэз юнматӥсь кык изпулъёс вал, гурезьысь васькыкуз, Моисей ӧз тоды, солэн ымныр бордысьтыз тылсиос пиштыса уло шуыса – Инмарен вераськем бераз озьы луиз. | 29Когда сходил Моисей с горы Синая, и две скрижали откровения были в руке у Моисея при сошествии его с горы, то Моисей не знал, что лице его стало сиять лучами оттого, что Бог говорил с ним. |
| 30Аарон но, вань израиль калык но Моисеез адӟизы: солэн ымнырыз пиштэ, нош матаз лыктыны кышказы. | 30И увидел Моисея Аарон и все сыны Израилевы, и вот, лице его сияет, и боялись подойти к нему. |
| 31Моисей соосты матаз лыктыны косӥз, соку Аарон но кенешлэн вань кивалтӥсьёсыз со доры лыктӥзы но, Моисей соосын вераськиз. | 31И призвал их Моисей, и пришли к нему Аарон и все начальники общества, и разговаривал Моисей с ними. |
| 32Та бере [солэн матаз] вань израиль пиос лыктӥзы, соку Моисей Сӥнай гурезьысен Кузё-Инмарлэсь солы верам вань курон-косонъёссэ ивортӥз. | 32После сего приблизились все сыны Израилевы, и он заповедал им все, что говорил ему Господь на горе Синае. |
| 33Соосын вераськемысь дугдэм бераз Моисей ымнырзэ шобыртӥз. | 33И когда Моисей перестал разговаривать с ними, то положил на лице свое покрывало. |
| 34Кузё-Инмар азе Соин вераськыны пырылыкуз, потытозязлы шобретсэ ымныр вылысьтыз басьтылӥз; Кузё-Инмар отысь потэм бераз со израиль пиослы ваньзэ [Кузё-Инмарлэсь] сётэм курон-косонъёссэ ивортылӥз. | 34Когда же входил Моисей пред лице Господа, чтобы говорить с Ним, тогда снимал покрывало, доколе не выходил; а выйдя пересказывал сынам Израилевым все, что заповедано было. |
| 35Израиль пиос адӟо вал, кызьы Моисейлэн ымнырыз пиштыса улэ, соку Моисей нош ик Соин вераськыны пырытозязлы ымнырзэ шобыртылӥз. | 35И видели сыны Израилевы, что сияет лице Моисеево, и Моисей опять полагал покрывало на лице свое, доколе не входил говорить с Ним. |
*а 34:22 Арняослэн праздниксы – праздник седмиц
Глава 34