Выбрать язык
Книги Ветхого Завета
Книги Нового Завета
без русского текстаМОИСЕЙЛЭН КЫКЕТӤ КНИГАЕЗ. ПОТОН | ВТОРАЯ КНИГА МОИСЕЕВА. ИСХОД |
37-тӥ ЛЮКЕТ | Глава 37 |
| 1Веселеил сӥттимпулэсь ковчег лэсьтӥз: солэн кузьдалаез кык но ӝыны гырпум кузьда, пасьталаез – одӥг но ӝыны гырпум кузьда, ӝуждалаез но одӥг но ӝыны гырпум кузьда; | 1И сделал Веселеил ковчег из дерева ситтим; длина его два локтя с половиною, ширина его полтора локтя и высота его полтора локтя; |
| 2пушласянь но, кырласянь но сое чылкыт зарниен шобыртӥз, котыртӥз зарни тугоко лэсьтӥз; | 2и обложил его чистым золотом внутри и снаружи и сделал вокруг него золотой венец; |
| 3солы ньыль зарни кульчо ӵыжатӥз, ньылезлэн ик сэреглэн улӥяз соосты шедьытъяз: одӥг палаз кык кульчо, мукет палаз кык кульчо. | 3и вылил для него четыре кольца золотых, на четырех нижних углах его: два кольца на одной стороне его и два кольца на другой стороне его. |
| 4Сӥттимпулэсь сюрыос лэсьтӥз но соосты зарниен шобыртӥз; | 4И сделал шесты из дерева ситтим и обложил их золотом; |
| 5киын ӝутыса нуллон вылысь ковчеглэн мыд-мыд палтӥз кульчоосы сюры понӥз. | 5и вложил шесты в кольца, по сторонам ковчега, чтобы носить ковчег. |
| 6Чылкыт зарнилэсь солы шобрет лэсьтӥз: солэн кузьдалаез кык но ӝыны гырпум кузьда, нош пасьталаез одӥг но ӝыны гырпум кузьда. | 6И сделал крышку из чистого золота: длина ее два локтя с половиною, а ширина полтора локтя. |
| 7Зарнилэсь кык херувимъёс лэсьтӥз: шобретлэн кык пал пумаз ик херувимъёслэсь тусбуйзэс дурыса лэсьтӥз. | 7И сделал двух херувимов из золота: чеканной работы сделал их на обоих концах крышки, |
| 8Одӥгзэ херувимез одӥг пал пумаз, мукетсэ херувимез мукет пал пумаз лэсьтӥз – шобретлэн мыд-мыд пал пумысьтыз херувимъёс мычиськыса улӥзы; | 8одного херувима с одного конца, а другого херувима с другого конца: выдавшимися из крышки сделал херувимов с обоих концов ее; |
| 9херувимъёс бурдъёссэс вылӥе вӧлъяса сылӥзы, бурдъёсынызы ковчег шобретэз шобыртыса улӥзы, нош ымнырынызы ваче учкыса сылӥзы, ковчег шобрет шоры ымнырынызы учкыса сылӥзы. | 9и были херувимы с распростертыми вверх крыльями и покрывали крыльями своими крышку, а лицами своими были обращены друг к другу; к крышке были лица херувимов. |
| 10Сӥттимпулэсь ӝӧк лэсьтӥз, кузьдалаез кык гырпум кузьда, пасьталаез – одӥг гырпум, ӝуждалаез одӥг но ӝыны гырпум кузьда. | 10И сделал стол из дерева ситтим длиною в два локтя, шириною в локоть и вышиною в полтора локтя, |
| 11Сое чылкыт зарниен шобыртӥз, солэн котыртӥз зарни тугоко лэсьтӥз; | 11и обложил его золотом чистым, и сделал вокруг него золотой венец; |
| 12солэн котыртӥз кикур пасьта борддор лэсьтӥз, со борддорлэн котыртӥз зарни тугоко лэсьтӥз; | 12и сделал вокруг него стенки в ладонь и сделал золотой венец у стенок его; |
| 13ньыль зарни кульчоос ӵыжатӥз, со кульчоосты ӝӧклэн ньыль сэрегаз сылӥсь кукъёсыз борды юнматӥз: | 13и вылил для него четыре кольца золотых и утвердил кольца на четырех углах, у четырех ножек его; |
| 14борддор бордаз кульчоос юнматэмын, соос пушкы сюрыос поныса ӝӧкез нуллон вылысь; | 14при стенках были кольца, чтобы влагать шесты для ношения стола; |
| 15сӥттимпулэсь сюрыос лэсьтӥз но соосты зарниен шобыртӥз, соос вылын ӝӧкез ӝутыса нуллозы. | 15и сделал шесты из дерева ситтим и обложил их золотом для ношения стола. |
| 16Саламъёс-курбонъёс кисьтылон понна ӝӧк вылын возьыны кулэ луись сосудъёсты – тэркыосты, фимиам ӵындытон сосудъёсты, чашаосты, кружкаосты – чылкыт зарнилэсь лэсьтӥз. | 16Потом сделал сосуды, принадлежавшие к столу: блюда, кадильницы, кружки и чаши, чтобы возливать ими, из чистого золота. |
| 17Чылкыт зарнилэсь югдытон арбери лэсьтӥз, сое дурыса лэсьтӥз; вылаз пужъятэм будослэн мугорыз, улвайёсыз, чашаосыз, улмоосыз, сяськаосыз солэн пушкысьтыз потыса кадь уло. | 17И сделал светильник из золота чистого, чеканный сделал светильник; стебель его, ветви его, чашечки его, яблоки его и цветы его выходили из него; |
| 18Куать вайёсыз солэн урдэскысьтыз пото: югдытон арберилэн куинь вайёсыз одӥг палысьтыз пото, куинь вайёсыз мукет палысьтыз пото; | 18шесть ветвей выходило из боков его: три ветви светильника из одного бока его и три ветви светильника из другого бока его; |
| 19одӥгаз вайын куинь чашаосыз миндальпулэн сяськаосызлы укшало вал, улмоосынызы но сяськаосынызы, мукетаз вайын но миндальпулэн сяськаезлы укшась куинь чашаосыз, улмоосынызы но сяськаосынызы: югдытон арберилэн пушкысьтыз потӥсь ваньмаз куатяз ик вайёсаз тазьы вал; | 19три чашечки были наподобие миндального цветка, яблоко и цветы на одной ветви, и три чашечки наподобие миндального цветка, яблоко и цветы на другой ветви: так на всех шести ветвях, выходящих из светильника; |
| 20нош югдытон арберилэн мугораз миндальпулэн сяськаезлы укшась ньыль чашаосыз вал, улмоосын, сяськаосын огазьын; | 20а на стебле светильника было четыре чашечки наподобие миндального цветка с яблоками и цветами; |
| 21солэн пушкысьтыз потӥсь куать вайёслэн улазы – нырысь кык вайёс бордын улмоез, мукет кык вайёс бордын улмоез, куинетӥосызлэн кык вайёслэн бордазы улмоез; | 21у шести ветвей, выходящих из него, яблоко под первыми двумя ветвями, и яблоко под вторыми двумя ветвями, и яблоко под третьими двумя ветвями; |
| 22улмоосыз но, вайёсыз но со бордысь потылӥзы; со быдэсак дурыса суредамын, итэтъёстэк вал, чылкыт зарнилэсь лэсьтэмын. | 22яблоки и ветви их выходили из него; весь он был чеканный, цельный, из чистого золота. |
| 23Со вылэ пуктылыны сизьым лампадаос лэсьтӥз, бордаз пичиесь кискачъёс но сускичъёс лэсьтӥз, ваньмыз чылкыт зарнилэсь; | 23И сделал к нему семь лампад, и щипцы к нему и лотки к нему, из чистого золота; |
| 24югдытон арбериез но со борды юнматъям вань кулэ макеосты лэсьтыны одӥг талант чылкыт зарни мынӥз. | 24из таланта чистого золота сделал его со всеми принадлежностями его. |
| 25Сӥттимпулэсь со ӵындытон ортчытъяны курбон сётон ӝӧк лэсьтӥз: солэн кузьдалаез одӥг гырпум кузьда, пасьталаез одӥг гырпум кузьда, ньыль сэрего, ӝуждалаез кык гырпум кузьда; курбон сётон ӝӧк бордысь сюръёс мычиськыса уло; | 25И сделал жертвенник курения из дерева ситтим: длина его локоть и ширина его локоть, четыреугольный, вышина его два локтя; из него выходили роги его; |
| 26курбон сётон ӝӧкез – солэсь вылзэ, урдэсъёссэ, сюръёссэ – чылкыт зарниен шобыртӥз, котыртӥз зарни тугоко лэсьтӥз; | 26и обложил его чистым золотом, верх его и стороны его кругом, и роги его, и сделал к нему золотой венец вокруг; |
| 27со тугоко улэ кыказ сэреге кык зарни кульчо шедьытӥз, мыд-мыд палаз соосты шедьытӥз, соос пушкы сюры поныса курбон сётон ӝӧкез нуллон понна; | 27под венцом его на двух углах его сделал два кольца золотых; с двух сторон его сделал их, чтобы вкладывать в них шесты для ношения его; |
| 28сюрыосты сӥттимпулэсь лэсьтӥз но зарниен шобыртӥз. | 28шесты сделал из дерева ситтим и обложил их золотом. |
| 29Святой вӧйын зырӟон ортчытонлы миро, ческыт зын поттӥсь, чылкыт ладан дасяз – быгатыса дасяз. | 29И сделал миро для священного помазания и курение благовонное, чистое, искусством составляющего масти. |
Глава 37