Выбрать язык
Книги Ветхого Завета
Книги Нового Завета
без русского текстаМОИСЕЙЛЭН КЫКЕТӤ КНИГАЕЗ. ПОТОН | ВТОРАЯ КНИГА МОИСЕЕВА. ИСХОД |
38-тӥ ЛЮКЕТ | Глава 38 |
| 1Сӥттимпулэсь тылын сутӥськись курбон сётон ӝӧк лэсьтӥз, кузьдалаез вить гырпум кузьда, пасьталаез вить гырпум кузьда, ньыль сэрего, ӝуждалаез куинь гырпум кузьда. | 1И сделал жертвенник всесожжения из дерева ситтим длиною в пять локтей и шириною в пять локтей, четыреугольный, вышиною в три локтя; |
| 2Ньыляз ик сэрегаз сюръёс лэсьтӥз, озьы: солэн пушкысьтыз сюръёс мычиськыса улӥзы, сое ыргонэн шобыртӥз. | 2и сделал роги на четырех углах его, так что из него выходили роги, и обложил его медью. |
| 3Курбон сётон ӝӧк котырын кутӥськись арбериосты лэсьтӥз: горшокъёс, лопаткаос, чашаос, вилкаос, эгыр тыронъёс; вань та арбериосты со ыргонлэсь лэсьтӥз. | 3И сделал все принадлежности жертвенника: горшки, лопатки, чаши, вилки и угольницы; все принадлежности его сделал из меди. |
| 4Курбон сётон ӝӧклы ыргонлэсь сеткалы укшась решётка лэсьтӥз, курбон сётон ӝӧклэн дуртӥз, улысен шорозяз сое юнматыса понӥз; | 4И сделал для жертвенника решетку, род сетки, из меди, по окраине его внизу до половины его; |
| 5ыргон решёткалэн ньыль сэрегаз ньыль кульчо юнматӥз отчы сюрыосты донгон понна. | 5и сделал четыре кольца на четырех углах медной решетки для вкладывания шестов. |
| 6Сюрыосты сӥттимпулэсь лэсьтӥз но ыргонэн шобыртӥз, | 6И сделал шесты из дерева ситтим, и обложил их медью, |
| 7курбон сётон ӝӧклэн урдэсаз юнматэм кульчоос пушкы сюрыос понӥз курбон ӝӧкез ӝутыса нуллон понна; та ӝӧк пулъёслэсь лэсьтэмын, пушкыз буш вал. | 7и вложил шесты в кольца на боках жертвенника, чтобы носить его посредством их; пустой внутри из досок сделал его. |
| 8Ыргонлэсь мисьтӥськон лэсьтӥз, пыдул пуктэтэз но ыргонлэсь лэсьтӥз, синмаськымон чеберъянъёс бордаз лэсьтэмын, вӧсяськон скинияе пырон дорез чебер карыса уло. | 8И сделал умывальник из меди и подножие его из меди с изящными изображениями, украшающими вход скинии собрания. |
| 9Азбар лэсьтӥз: лымшор палтӥз ошыны етӥн шортлэсь ын куиз – кузьдалаез сю гырпум кузьда. | 9И сделал двор: с полуденной стороны, к югу, завесы из крученого виссона, длиною во сто локтей; |
| 10Сое кутыса возьыны кызь юбо, юболы быдэ ыргонлэсь пыдул кутэтъёс лэсьтӥз; юбоослэн шедьытъянъёссы но, герӟетъёссы но азвесьлэсь лэсьтэмын. | 10столбов для них двадцать и подножий к ним двадцать медных; крючки у столбов и связи их из серебра. |
| 11Азбарлэн уйпалтӥз но ын ошемын – сю гырпум кузьдалаез; сое кутыса возьыны кызь юбо пуктэмын, юболы быдэ ыргонлэсь лэсьтэм пыдул кутэтъёс лэсьтэмын; юбоослэн шедьытъянъёссы но, герӟетъёссы но азвесьлэсь лэсьтэмын. | 11И по северной стороне--завесы во сто локтей; столбов для них двадцать и подножий к ним двадцать медных; крючки у столбов и связи их из серебра. |
| 12Шундыпуксён палтӥз но витьтон гырпум кузьдаем ын ошемын, сое кутыса возьыны дас юбо, юболы быдэ пыдул кутэтъёс лэсьтэмын; юбоослэн шедьытъянъёссы но, герӟетъёссы но азвесьлэсь лэсьтэмын. | 12И с западной стороны--завесы в пятьдесят локтей, столбов для них десять и подножий к ним десять; крючки у столбов и связи их из серебра. |
| 13Азьпалтӥз, шундыӝужан палтӥз но ын ошемын, солэн кузьдалаез витьтон гырпум кузьда. | 13И с передней стороны к востоку--завесы в пятьдесят локтей. |
| 14Азбаре пырон ӟезьылэн огпалтӥз ынъёс ошемын – дас вить гырпум кузьдалазы, соосты кутыса возьыны куинь юбо пуктэмын, юболы быдэ пыдул кутэт лэсьтэмын; | 14Для одной стороны ворот двора --завесы в пятнадцать локтей, столбов для них три и подножий к ним три; |
| 15азбаре пырон ӟезьылэн мукет палтӥз но ынъёс ошемын – дас вить гырпум кузьдалазы, соосты кутыса возьыны куинь юбо пуктэмын, юболы быдэ пыдул кутэт лэсьтэмын. | 15и для другой стороны--завесы в пятнадцать локтей, столбов для них три и подножий к ним три. |
| 16Азбарлэн котыртӥз ошоно ынъёс ваньмыз етӥн шортлэсь куэмын вал, | 16Все завесы во все стороны двора из крученого виссона, |
| 17нош юбоослэн пыдул кутэтъёссы ыргонлэсь лэсьтэмын; юбоослэн шедьытъянъёссы но, герӟетъёссы но азвесьлэсь лэсьтэмын; вылӥзы азвесен шобыртэмын, азбарысь вань юбоос ог-огенызы азвесь герӟетъёсын герӟамын. | 17а подножия у столбов из меди, крючки у столбов и связи их из серебра; верхи же у них обложены серебром, и все столбы двора соединены связями серебряными. |
| 18Азбар ӟезьы азе ошыны пужъятыса чагыр, нап-горд, пеймыт-горд ыжгон шортъёслэсь, етӥн шортлэсь куэмын катанчи, солэн кузьдалаез кызь гырпум, ӝуждалаез вить гырпум, азбарысь ынъёс музэн ик быдэс кузьдалаяз соос возъямын вал. | 18Завеса же для ворот двора узорчатой работы из голубой, пурпуровой и червленой шерсти и из крученого виссона, длиною в двадцать локтей, вышиною в пять локтей, по всему протяжению, подобно завесам двора; |
| 19Сое кутыса возьыны ньыль юбо пуктэмын, ыргонлэсь лэсьтэм пыдул кутэтэз но ньыль; юбоослэн шедьытъянъёссы азвесьлэсь лэсьтэмын, вылӥзы азвесен шобыртэмын, герӟетъёссы но азвесьлэсь лэсьтэмын. | 19и столбов для нее четыре, и подножий к ним четыре медных; крючки у них серебряные, а верхи их обложены серебром, и связи их серебряные. |
| 20Скиниялэн котырысьтыз но, азбарысь но майыгъёс ыргонлэсь лэсьтэмын. | 20Все колья вокруг скинии и двора медные. |
| 21Тани сӥзён-косонэн скинияез пуктонэ мар но мар кутэмын, та лыдъян-ӵотанэз Моисейлэн косэмезъя левитъёс Ааронлэн Ифамар пиезлэн, священниклэн, учкем-чаклам улсаз лэсьтӥзы. | 21Вот исчисление того, что употреблено для скинии откровения, сделанное по повелению Моисея, посредством левитов под надзором Ифамара, сына Ааронова, священника. |
| 22Ваньзэ тае Кузё-Инмарлэн Моисей пыр косэмезъя лэсьтӥз Иуда выжыысь Орлэн Урий пиезлэн Веселеил пиез, | 22Делал же все, что повелел Господь Моисею, Веселеил, сын Урии, сына Ора, из колена Иудина, |
| 23соин ӵош Дан выжыысь Ахисамахлэн Аголиав пиез, лэсьтӥськыны-вӧлӥськыны, куиськыны, чагыр, нап-горд, пеймыт-горд ыжгон шортлэсь, етӥн сӥньысъёслэсь куэм басма вылэ пужыос пуктылыны кибашлы мурт ужаз. | 23и с ним Аголиав, сын Ахисамахов, из колена Данова, резчик и искусный ткач и вышиватель по голубой, пурпуровой, червленой и виссоновой ткани. |
| 24Вӧсяськон интыез пуктонэ, отысь арбериосты лэсьтонэ кутэмын вал калыклэн салам-кузьым карыса ваем кызь укмыс талантэз но, вӧсяськон скинияысь сӥкльлэн секталаеныз мертаса, сизьым сю куамын сӥкль зарниез. | 24Всего золота, употребленного в дело на все принадлежности святилища, золота, принесенного в дар, было двадцать девять талантов и семьсот тридцать сиклей, сиклей священных; |
| 25Нош азвесез бичазы лыдъям-ӵотам калыклэсь – сю талант но, вӧсяськон скинияысь сӥкльлэн секталаеныз мертаса, сюрс сизьым сю сизьымдон вить сӥкль; | 25серебра же от исчисленных лиц общества сто талантов и тысяча семьсот семьдесят пять сиклей, сиклей священных; |
| 26куать сю куинь сюрс вить сю витьтон лыдъян-ӵотан пыр потэм муртъёслэсь, кызь но солэсь тросгес арлыдоослэсь, котькудӥзлэсь ӝыны сӥкль бичазы, вӧсяськон скинияысь сӥкльлэн секталаеныз мертаса. | 26с шестисот трех тысяч пятисот пятидесяти человек, с каждого поступившего в исчисление, от двадцати лет и выше, по полсиклю с человека, считая на сикль священный. |
| 27Вӧсяськон интыысь юбоослэсь но катанчиез кутӥсь юбоослэсь пыдул кутэтъёссэс ӵыжатонэ сю талант азвесь уже кутэмын; сю юболы сю талант – котькуд пыдул кутэтлы одӥг талант. | 27Сто талантов серебра употреблено на вылитие подножий святилища и подножий у завесы; сто подножий из ста талантов, по таланту на подножие; |
| 28Сюрс сизьым сю сизьымдон вить азвесь сӥкль мынӥз юбоослы шедьытъянъёс лэсьтыны, юбо йылъёсты шобыртонэ, каптырнаос лэсьтонэ. | 28а из тысячи семисот семидесяти пяти сиклей сделал он крючки у столбов и покрыл верхи их и сделал связи для них. |
| 29Сизьымдон талант но кык сюрс ньыль сю сӥкль ыргон саламлы-кузьымлы вайизы; | 29Меди же, принесенной в дар, было семьдесят талантов и две тысячи четыреста сиклей; |
| 30солэсь со вӧсяськон скинияе пырон дорысь юбоослы пыдул кутэтъёс лэсьтӥз, курбон сётон ӝӧклэсь решётказэ, татысь вань сосудъёсты но ыргонлэсь лэсьтӥз, | 30из нее сделал он подножия для столбов у входа в скинию свидетельства, и жертвенник медный, и решетку медную для него, и все сосуды жертвенника, |
| 31быдэс азбарысь вань юбоослы пыдул кутэтъёс, азбаре пырон ӟезьылэн юбоосызлы пыдул кутэтъёсты, скиниялэсь, азбар котырысь вань майыгъёсты ыргонлэсь лэсьтӥз. | 31и подножия для столбов всего двора, и подножия для столбов ворот двора, и все колья скинии и все колья вокруг двора. |
Глава 38