Выбрать язык
Книги Ветхого Завета
Книги Нового Завета
с русским текстом1Кузё-Инмар Моисейлы тазьы вераз, тазьы шуиз:2«Израиль пиослы косон сёт, тазьы шу соослы: Ханаан музъеме пыриды ке, тодэ: та тӥледлы люкетлы сётӥськись музъем, Ханаан музъемлэн гожез-межаез вань:3улоно музъемдылэн лымшорпал дурыз Сӥн луоё кыр дуннеын, Едом вӧзын луоз, лымшорысь музъемдылэн гожез-межаез Сылало зарезьлэн пумысеныз, шундыӝужан паласен, кутскоз,4отысен гож-межа лымшор пала, Акравим вырйыл пала кыстӥськоз, Сӥн пыр ортчыса, лымшоре, Кадес-Варни пала, лэзиськоз, отысен гож-межа Гацар-Аддар пала мыноз, Ацмон пыр ортчоз;5Ацмон дорысен гож-межа Египет ӧр пала кожоз, солэн пумыз зарезь дуре вуоз;6нош шундыпуксён палась гожды-межады быдӟым зарезь кузя ортчоз: та луоз тӥляд шундыпуксён палась гожды-межады;7нош уйпалтӥ гожды-межады тазьы ортчоз: быдӟым зарезь дурысен сое Ор гурезь доры кыске,8Ор гурезь дорысен Емаф пала кыске, гож-межалэн тужгес но кыдёкысь интыосыз Цедад палан луозы;9отысен гож-межады Цифрон пала мыноз, Гацар-Енан дорысен со йылпумъяськоз: та луоз тӥляд уйпал гожды-межады;10нош шундыӝужанпал гождэс-межадэс Гацар-Енан дорысен Шефам пала нуэ,11Шефам дорысен гож-межа Аинлэн шундыӝужан палтӥз Рибла пала мыноз, отысен гож-межа азьлане мыноз но Киннереф*а зарезь борды шундыӝужан палтӥз пыкиськоз;12отысен гож-межа Иордан дуре мыноз но Сылало зарезь борды пыкиськоз. Та луоз тӥляд музъемдылэн котыр ласянь кыстӥськись гожез-межаез».
13Моисей израиль пиослы косон сётыса шуиз: «Тани та пус чӧлтыса люкетлы люкылоно музъемды, кызьы сое Кузё-Инмар укмыс выжылы но ӝыны [Манассия] выжылы сётъяны косӥз;14уго Рувим пиослэн выжызы семьяосынызы, Гад пиослэн выжызы семьяосынызы, Манассия выжылэн ӝыны люкетыз асьсэлы люкет басьтӥзы ни.15Та кык выжыос, эшшо одӥг ӝыны выжы Иорданлэн шундыӝужан палаз, Иерихонлы ваче беринэ, асьсэлы люкет музъем басьтӥзы».
16Кузё-Инмар Моисейлы тазьы вераз, тазьы шуиз:17«Тани тӥледлы музъем люкылӥсь воргоронъёслэн нимъёссы: Елеазар священник но Навинлэн Иисус пиез;18музъем люкыны котькуд выжылэсь быдэн одӥг кивалтӥсьсэ басьтэ.19Тани та воргоронъёслэн нимъёссы: Иуда выжыысь – Иефоннийлэн Халев пиез;20Симеон пиослэн выжыысьтызы – Аммиудлэн Самуил пиез;21Вениамин выжыысь – Кислонлэн Елидад пиез;22Дан пиослэн выжыысьтызы – Иоглийлэн Буккий пиез, кивалтӥсь;23Иосиф пиослэн, Манассия пиослэн выжыысьтызы – Ефодлэн Ханниил пиез, кивалтӥсь;24Ефрем пиослэн выжыысьтызы – Шифтанлэн Кемуил пиез, кивалтӥсь;25Завулон пиослэн выжыысьтызы – Фарнаклэн пиез Елицафан, кивалтӥсь;26Иссахар пиослэн выжыысьтызы – Аззанлэн Фалтиил пиез, кивалтӥсь;27Асир пиослэн выжыысьтызы – Шеломийлэн Ахиуд пиез, кивалтӥсь;28Неффалим пиослэн выжыысьтызы – Аммиудлэн Педаил пиез, кивалтӥсь».
29Тани таос луо Кузё-Инмарлэн израиль пиослы Ханаан музъемез люкетлы сётъян-люкылон ужез быдэстыны косэм муртъёсыз.
*а 34:11 Киннереф – вераськон мынэ Геннисарет, мукет нимыз – Галилей яке Тивериада зарезь сярысь
Глава 34