Выбрать язык
Книги Ветхого Завета
Книги Нового Завета
с русским текстом1Иосиф пиослэн выжыысьтызы Манассиялэн Махир пиезлэн Галаад пиезлэн пиосызлэн выжыысьтызы семьяослэн кузёоссы лыктӥзы но Моисей азьын, [Елеазар священник азьын,] кивалтӥсьёс, израиль пиослэн выжыоссылэн кивалтӥсь йыръёссы, азьын2тазьы шуизы: «Кузё-Инмар милям кузёмылы израиль пиослы, пус чӧлтыса, люкетлы музъем сётылыны косӥз, милям кузёмылы Кузё-Инмар дорысь Салпаад братмылэсь люкет музъемзэ солэн нылъёсызлы сётыны косэмын.3Та нылъёс израиль пиослэн мукет выжыысьтызы пиослы бызизы ке, соку соослэн люкет музъемзы милям атайёсмылэн люкет музъемзы бордысь басьтӥськоз но бызем выжызылэн люкет музъемез борды ватсаськоз, озьы со пус чӧлтыса милемлы люкетлы сюрем музъем бордысь басьтӥськоз;4израиль пиослэн юбилейзылэн араз соослэн люкет музъемзы бызем выжызылэн люкет музъемез борды ватсаськоз, атайёсмылэн выжызылэн люкет музъемез бордысь соослэн люкет музъемзы басьтӥськоз».
5Кузё-Инмарлэн верамезъя, Моисей израиль пиослы косон сётыса шуиз: «Иосиф пиослэн выжызы зэм вера.6Тани Салпаадлэн нылъёсыз пумысен Кузё-Инмар кыӵе косон сётэ: ”Кин соослэн сюлэмзыя луиз, соослы соос бызьыны быгато, но со мурт атайзылэн выжыысьтыз луыны кулэ,7израиль пиослэн люкет музъемзы выжыысь выжые выжылоно медаз луы шуыса; израиль пиос пӧлысь котькудӥз аслаз атайёсызлэн выжызылэн люкет музъемез борды лякиськемын луыны кулэ.8Котькудӥз но нылмурт, израиль пиослэн выжыоссы пӧлысь аслыз люкет музъем басьтӥсь, израиль пиос пӧлысь котькудӥз аслаз атаезлэсь люкет музъемзэ басьтыны мед быгатоз шуыса, атаезлэн выжыысьтыз пимуртлэн кышноез луыны кулэ,9люкетлы басьтэм музъем одӥг выжылэн киулысьтыз мукет выжылэн киулаз выжылоно медаз луы шуыса; израиль пиослэн выжыоссы пӧлысь котькудӥз аслаз люкет музъем бордаз лякиськемын мед луоз”».
10Кызьы Кузё-Инмар Моисейлы косон сётӥз, Салпаадлэн нылъёсыз озьы ик лэсьтӥзы.11Салпаадлэн нылъёсыз Махла, Фирца, Хогла, Милка, Ноа атайзылэн агай-вынъёсызлэн пиоссылы бызизы;12Иосифлэн Манассия пиезлэн пиосызлэн выжыязы соос кышно-кен луизы но, соослэн люкет музъемзы атайзылэн выжыезлэн улы-бечеосыз пӧлы кылиз.
13Таос Кузё-Инмарлэн Иордан дурысен, Иерихонлы ваче беринэ интыяськем Моав нёжалысен, израиль пиослы Моисей пыр сётэм курон-косонъёсыз, пуктон-косонъёсыз луо.
Глава 36