Выбрать язык
Книги Ветхого Завета
Книги Нового Завета
с русским текстом1Тӥ пӧлысь ӧрекчи пророк яке уйвӧтъёсты валэкъясь потӥз ке, паймымон тодмет яке паймымон уж возьматӥз ке,2нош со паймымон тодмет, паймымон уж быдэсмоно луиз ке, кудъёсыз сярысь со тыныд вераз, эшшо ке со тазьы шуиз ке: «Ойдо мукет инмаръёс бӧрсьы мыном, кудъёсыз сярысь тон уд тодӥськы, соослы йыбыртъяса улом», –3соку тон та пророклэсь яке уйвӧтъёсты валэкъясьлэсь верамзэс эн кылзы; уго та пыр Инмарды Кузё-Инмар тӥледыз эскере, тодыны турттэ: Инмардэс Кузё-Инмарез вань сюлмысьтыды, лулыныды-мылкыдыныды яратӥськоды-а, уд-а;4Инмарды Кузё-Инмар сьӧры мынэ но Солэсь кышкалэ, Солэсь курон-косонъёссэ быдэсъялэ, верам кылзэ санэ понэ, Солы ужалэ-тырше, Со борды думиське;5нош Египет музъемысь тонэ поттӥсь, ляльчиын улон юртысь мозмытӥсь Инмаредлэсь Кузё-Инмарлэсь палэнскыны либатэм ӧрекчи пророкез яке уйвӧтъёсты валэкъясез виыны кулэ, со малпаз уго тонэ Инмаредлэн Кузё-Инмарлэн сӥзем сюрес вылтӥ ветлонлэсь палэнэ кожытыны; озьы ас пӧлысьтыд уродэз-лекез быдты.
6Тонэ братэд, [атаедлэн пиез яке] анаедлэн пиез, яке аслад пиед, яке аслад нылыд, яке яратоно кышноед, яке эшед, кудзэ тон аслэсьтыд лулдэ кадь ик яратӥськод, лушкемен либатыса тыныд тазьы шуиз ке: «Ойдо мыном но мукет инмаръёслы йыбыртъяса уломы», кудъёссэ тон но, атайёсыд но уг тодо вал,7тынад котырад, матад яке кыдёкын, музъемлэн огпал пумысеныз мукет палозяз улӥсь калыкъёслэн инмаръёссылы йыбыртъяны либатӥз ке,8соин соглаш эн луы, солэсь верамзэ санэ эн пон; синмыд сое медаз жаля, эн дурбасьты солы, ватыса эн возьы сое,9тон сое ви; ваньмызлэсь азьло тон сое виыны кидэ ӝут, тон бӧрсьы вань мукетъёс но кизэс мед ӝутозы;10виытозяд со вылэ изъёс зӥръя, уго со Египет музъемысь, ляльчиын улон юртысь, поттӥсь Инмаредлэсь Кузё-Инмарлэсь тонэ палэнтыны ӝутскемын вал;11та сярысь быдэс Израиль кылоз но кышкатскоз, азьло-берло тон пушкын таӵе уродэсь-лекесь ужъёс уз ни лэсьтэ.
12Тон таӵе ивор кылӥд ке: Инмаредлэн Кузё-Инмарлэн тыныд улыны сётэм кудаз ке но городад13тынад пӧлысьтыд сьӧлыклэсь кышкасьтэм кыӵе ке но муртъёс вуиллям но «Ойдолэ мыноме, тӥледлы тодмотэм инмаръёслы йыбыртъяса уломе» шуыса городын улӥсьёслэсь визьзэс тугаллям, –14соку тон эскеры-чакла, ӟеч-ӟеч юалляськы; та зэмзэ но озьы ке, та юрӟым уж зэмзэ ик тон пӧлын ортчемын ке,15соку со городын улӥсьёсты лэчыт меч йылыныд виылы, карган улэ сое сёт, со бордысь вань макеосты но, солэсь пудо-животсэ но мечен виылы;16вань люкам ваньбурез кар падвожлэн шораз вай но городэз, солэсь вань ваньбурзэ, Инмаредлы Кузё-Инмарлы сӥзьыса, тылын сут, пумтэм вапумъёс ӵоже куашкаса со мед улоз, ноку но сое выльдыса ӝутыны кулэ ӧвӧл ини;17каргам макеос пӧлысь номыр но тӥляд ки бордады медаз лякиськы, Кузё-Инмар Аслэсьтыз ӝуась вожпотонзэ мед кысоз, тонэ мед жалялоз, сьӧлыкъёстэ мед куштоз но тонэ мед йылэтоз, [кызьы Со тыныд вера вал,] кызьы атайёсыдлы кыл сётыса вералля вал,18Инмаредлэсь Кузё-Инмарлэсь верам кылъёссэ санэ поныса улӥд ке, Солэсь вань курон-косонъёссэ быдэсъяд ке, кудъёссэ мон али тыныд быдэсъяса улыны сӥзисько: Инмаред Кузё-Инмар азьын [ӟечлыкоесь,] ярамонэсь ужъёс лэсьтыса мед улод.
Глава 13