Выбрать язык
Книги Ветхого Завета
Книги Нового Завета
с русским текстом1Тӥ – Инмардылэн Кузё-Инмарлэн пиосыз; кулэм муртлы сӥзьыса, мугор вылдэс эн вандылэ, кымес вылысьтыды йырсидэс эн ӵышке;2уго тон Инмаредлэн Кузё-Инмарлэн святой калыкез, музъем вылысь вань калыкъёс пӧлысь Аслыз калык карон понна Кузё-Инмар тонэ бырйиз.
3Нокыӵе но юрӟым макеосты эн сиы.4Тани тӥледлы сиыны ярано пудоос: ошъёс, ыжъёс, кечъёс,5пужей, кыркеч, вуош (буйвол), лань, зубр, антилопа, гурезь така.6Пудолэн гижыосыз вайяськемын ке, гижыосаз мур кыретэз вань ке, таӵезэ ваньзэ сыскиськись пудоез сиыны яра;7сыскиськись, мур кырето, вайяськем гижыё пудоос пӧлысь эн сиы верблюдэз, лудкечез, тушканчикез, соос но сыскисько ке но, но соослэн гижыоссы вайяськымтэ: таос тӥ понна кырсь пудоос;8парсез эн сиы, малы ке шуоно гижыосыз вайяськемын ке но, со уг сыскиськы: со тӥ понна кырсь пудо; соослэсь сӥльзэс эн сие, шӧй бордазы эн йӧтӥське.
9Вуын улӥсь вань улэп макеос пӧлысь сие сыӵеоссэ, кудъёсызлэн бурдъёссы, сьӧмзы вань;10нош кудъёсызлэн бурдъёссы, сьӧмзы ӧвӧл, сыӵеоссэ эн сие: тӥ понна соос кырсесь.
11Вань чылкыт тылобурдоосты сие;12нош таоссэ тылобурдоосты тӥледлы сиыны уг яра: ӧрӟиез, грифез, зарезь ӧрӟиез,13пиякушез, пӧйшурась ӧрӟиез, кречетэз – соослэсь выжыоссэс,14пӧртэм пумо куакаосты,15страусэз, кучыранэз, чарланэз, душесэз – соослэсь выжыоссэс,16пелёкучыранэз, ибисэз, юсез,17пеликанэз, ванемез, бакланэз,18каксяез (цапляез), туриез – соослэсь выжыоссэс, варышез, урткыӵез эн сие.19Нюж кыстӥськыса ветлӥсь бурдо кибыосты эн сие, соос тӥ понна юрӟым мед потозы.20Ваньзэ чылкыт тылобурдоосты сие.
21Нокыӵе но кулэм пудоез эн сие; мурт музъемысь вуэм, тӥляд улон интыосады учырам муртлы сое сёт, мед сиёз, яке солы вуза, уго тон Инмаредлэн Кузё-Инмарлэн святой калыкез. Кечпиез анаезлэн йӧлыз пӧлын эн пӧзьты.
22Арлы быдэ бусыысьтыд бичам вань ю кидысэд пӧлысь дасэтӥ люкетсэ нимаз висъя,23Аслаз нимызлы улон понна Инмаредлэн Кузё-Инмарлэн быръем интыяз Солэн азяз си; нянедлэсь, винаедлэсь, вӧедлэсь дасэтӥ люкетсэ, сюро таза пудоедлэсь, сюро векчи пудоедлэсь нырысь вордскем пиоссэс татчы [вай], вань улон нуналъёсыд ӵоже Инмаредлэсь Кузё-Инмарлэсь кышкаса улыны мед дышод шуыса.24Тыныд сюрес кузь ке потӥз, тае тон нуыны ик ӧд ни ке вормы, малы ке шуоно Инмаредлэн Кузё-Инмарлэн Аслэсьтыз нимзэ буре вайытыса возьыны быръем интыез кыдёкын, Инмаред Кузё-Инмар тонэ бакель кариз ке,25ваёно люкеттэ тон азвесен вошты, кияд азвесь кут но Инмаредлэн Кузё-Инмарлэн быръем интыяз лыкты;26мае лулыд-сюлмыд кулэ каре, ошъёсты, ыжъёсты, вина, сӥкера – ваньзэ таосты азвесь тырыса басьты; отын Инмаред Кузё-Инмар азьын сие, ачид но, семьяосыд но – ваньды шулдыръяське.27Вӧзады улӥсь левитэз но, пӧлады ӧтьытэк, эн кельтэ, уго солэн люкет музъемез но, тонэн ӵош басьтӥськись люкетэз но ӧвӧл.
28Куинь ар ортчем бере та аре будэтэм емышъёсыдлэсь дасэтӥ люкетсэ висъя улон интыосад тырыны;29левит мед лыктоз, уго солэн тонэн валче люкетэз ӧвӧл, люкет музъемез но солэн ӧвӧл, пӧлады улӥсь сьӧрлось вуэм мурт, анайтэм-атайтэм нылпи но, палкышно но мед лыктозы, мед сиёзы, кӧтсэс мед тырозы, вань ужъёстэ киыныд быдэсъякуд, Инмаред Кузё-Инмар со понна тонэ бакель мед кароз.
Глава 14