Выбрать язык
Книги Ветхого Завета
Книги Нового Завета
с русским текстом1Авив толэзез чакла-уть, Инмаредлы Кузё-Инмарлы Пасха праздникез ортчыты, Инмаред Кузё-Инмар Авив толэзе тонэ Египетысь уйин поттӥз уго.2Кузё-Инмаредлэн Аслаз нимызлы улыны быръем интыяз Инмаредлы Кузё-Инмарлы сюро векчи но таза пудоос пӧлысь Пасхалы курбон пудо ванды.3Соин ӵош чырсатэм сиёнэз эн сиы; сизьым нунал ӵоже соин ӵош юмал нянь си, курадӟонлэсь няньзэ си, тон дыртыса Египет музъемысь потӥд уго, вань улоно нуналъёсыд ӵоже тодад мед возёд Египет музъемысь потэмдэ.4Сизьым нунал ӵоже вань улоно интыосады чырсатыса лэсьтэм сиёнды медаз луы; ӝытазе, нырысетӥ нуналэ, курбонлы вандэм пудодылэсь сӥльзэ ӵукнаозьлы кельтыны уг яра.
5Инмаредлэн Кузё-Инмарлэн тыныд улыны сётэм котькуд интыяз Пасхалы курбон пудо вандыны уг яра.6Инмаредлэн Кузё-Инмарлэн Аслаз нимызлы улыны быръем интыяз гинэ, ӝыт шунды пуксён вакытэ, Египетысь потэм дырад ик, Пасхалы курбон пудо ванды.7Сӥльдэ пыж но Инмаредлэн Кузё-Инмарлэн быръем интыяз со сиёндэ си, нош мукетаз нуналэ дорад берт, балаганъёсад мын.8Куать нунал ӵоже юмал нянь си, нош сизьыметӥ нуналаз Инмарлэсь Кузё-Инмарлэсь праздниксэ келян, со нуналэ номыр но эн ужа.
9Сюрлоен араны кутскон дырысен сизьым арня ортчиз ке,10Арняослэсь праздниксэс Инмаредлы Кузё-Инмарлы сӥзьыса ортчыты, Инмаред Кузё-Инмар мае тыныд бакель карыса сётӥз, со пӧлысь, ӟеч мылкыдын кияд кӧня тэре, сомында саламъёс-кузьымъёс вай.11Инмаред Кузё-Инмар азьын тон ачид но, пиед но, нылыд но, ляльчи пимуртэд но, ляльчи кышномуртэд но, тон пӧлын улӥсь левит но, сьӧрлось вуэм мурт но, анай-атайтэм нылпи но, палкышно но – ваньды огазьын Инмаредлэн Кузё-Инмарлэн Аслаз нимызлы улыны быръем интыяз шулдыръяське.12Тодад возь: Египетын тон ляльчи-вар вал, та пуктон-косонъёсты быдэсъяса ул.
13Итымысьтыд, вина лёган гуысьтыд ужъёстэ быдэстэм берад Тылыс Пуктон праздниктэ сизьым нунал ӵоже ортчыты.14Тон ачид но, пиед но, нылыд но, ляльчи пимуртэд но, ляльчи кышномуртэд но, тӥ пӧлын улӥсь левит но, сьӧрлось лыктэм мурт но, анай-атайтэм нылпи но, палкышно но та праздник нуналъёсы шумпотэ, шулдыръяське.15Инмаредлэн Кузё-Инмарлэн быръем интыяз, [Солэн нимызлы вазиськон интыын], сизьым нунал ӵоже Инмаредлы Кузё-Инмарлы сӥзьыса праздник ортчыты, уго Инмаред Кузё-Инмар вань ужрадъёсад, вань быдэсъяно ужъёсад тонэ бакель кароз, соку тон шулдыръяськыса гинэ улод.
16Инмаредлэн Кузё-Инмарлэн быръем интыяз, Солэн азяз, вань пимуртъёс арлы быдэ куинь пол султыны кулэ: Юмал Нянь Сиён празднике, Арняослэн праздниказы, Тылыс Пуктон празднике; одӥг адями но Кузё-Инмар азе буш киын лыктыны кулэ ӧвӧл,17котькуд адямилэн кияз саламез-кузьымез луыны кулэ, маин Инмаред Кузё-Инмар тонэ бакель кариз, мае Со тыныд сётӥз.
18Инмаредлэн Кузё-Инмарлэн тыныд сётэм вань улон интыосад, калыкез шонер судэн судить мед карозы шуыса, ас выжыысьтыд судьяосты, эскерись-чакласьёсты пукты.19Законэз мыдланьтыса эн улы, ымнырызъя адямиез эн дунъя, саламъёс-кузьымъёс эн окты, саламъёс-кузьымъёс визьлыко муртъёслэсь синъёссэс адӟисьтэм каро, шонер улӥсьёслэсь ужъёссэс судын мыдланьто уго;20зэмлыкез, зэмлыкез утча, соку тон кема улод, Инмаредлэсь Кузё-Инмарлэсь сётоно музъемзэ ас киулад басьтод.
21Инмаредлэн Кузё-Инмарлэн курбон сётон ӝӧк вӧзаз нокыӵе но писпуосты эн мерттылы, вӧсяськон сад эн лэсьты,22йыбыртъян юбо но эн пукты, соосты Инмаред Кузё-Инмар адӟемпотостэм каре.
Глава 16