Выбрать язык
Книги Ветхого Завета
Книги Нового Завета
с русским текстом1Иисус ӵукна вазь ик султӥз, Сӥттимысь потыса, со но, вань израиль пиос но Иордан дуре вуизы; шур сьӧры потытэк, отчы станэн дугдӥзы.
2Куинь нунал ортчыса, стан пыр эскерись-чакласьёс ортчизы но,3калыклы косон сётыса, тазьы шуизы: «Инмардылэсь Кузё-Инмарлэсь сӥзён-косонэн ковчегзэ, сое нуись священникъёсмес но левитъёсты адӟиды ке, соку тӥ но ас интыысьтыды вырӟе, со сьӧры мынэ;4ковчеген тӥ куспын кык сюрс гырпум вис мед луоз; солэн матаз эн мынэ – мед тододы, кудтӥз сюрестӥ тӥледлы мыныны кулэ луоз; уго та сюрес кузя тӥляд толон но, толон валлян но ветлэмды ӧй вал».
5Иисус калыклы шуиз: «[Ӵукналы] дун-чылкытатӥське, уго ӵуказе тӥ пӧлын Кузё-Инмар паймымон ужъёс возьматоз».6Нош священникъёслы Иисус шуиз: «[Кузё-Инмарлэсь] сӥзён-косонэн ковчегзэ басьтэ но калыклэн азьпалтӥз мынэ». [Священникъёс Кузё-Инмарлэсь] сӥзён-косонэн ковчегзэ басьтӥзы но калыклэн азьпалтӥз мынӥзы.
7Соку Кузё-Инмар Иисуслы шуиз: «Та нуналысен Мон кутско тонэ вань израиль [пиос] азьын данъяса вылэ ӝутыны, соос мед тодозы: кызьы Мон Моисеен огазьын вал, озьы ик тонэн ӵош луо;8нош тон сӥзён-косонэн ковчегез нуись священникъёсты тазьы кос: ”Иордан вуэ пыриды ке, соку ик отчы дугдэ”».
9Иисус израиль пиослы шуиз: «Татчы лыктэ но Инмардылэсь Кузё-Инмарлэсь верам кылъёссэ кылзэ».10Иисус шуиз: «Тӥ пӧлын улэп Инмар вань но Со тӥ дорысь хананейёсты, хеттейёсты, евейёсты, ферезейёсты, гергесейёсты, аморрейёсты, иевусейёсты уллялоз шуыса, та бордысь тододы:11тани, быдэс музъемлэн Кузё-Инмарезлэн сӥзён-косонэн ковчегез тӥляд азьтӥды Иордан вамен потоз;12Израиль выжыос пӧлысь асьтэ борды дас кык адямиез басьтэ, котькуд выжыысь одӥг муртэ;13быдэс музъемлэн Кузёезлэсь, Кузё-Инмарлэсь, ковчегзэ нуись священникъёс пыдтышкынызы Иордан ву вылэ лёгиськизы ке, Иорданысь ву быроз, вылӥ палтӥз бызись ву борддор кадь султоз».
14Калык, балаганъёсысьтыз потыса, Иордан вамен выжыны султэм бере священникъёс [Кузё-Инмарлэсь] сӥзён-косонэн ковчегзэ калыклэн азьпалтӥз нуизы.15[Кузё-Инмарлэсь сӥзён-косонэн] ковчегзэ нуисьёс Иорданэ пыризы гинэ, ковчег нуись священникъёслэн пыдъёссы Иордан вуэ колӥськыса гинэ вуизы, – чабей аран вакытлэн вань нуналъёсаз Иорданлэн вуэз ӧрысьтыз ярдуре ӝутске, –16Иорданлэн потон палысьтыз лыктӥсь ву дугдӥз: со туж кыдёке, Цартан вӧзысь Адам городозь, кыстӥськиз, борддор кадь султӥз, нош нёжал зарезе, Сылало зарезе, бызись ву кошкиз, быриз.
17Калык Иерихонлы ваче беринтӥ выжиз; Кузё-Инмарлэсь сӥзён-косонэн ковчегзэ нуись священникъёс Иордан шорын сюй вылын пыд вылазы йыг-йыг сылӥзы. Вань израиль [пиос], вань калык Иордан вамен сюй вылтӥ выжизы.
Глава 3