Выбрать язык
Книги Ветхого Завета
Книги Нового Завета
с русским текстом1Соку Кузё-Инмар Иисуслы шуиз: «Тани, Мон тынад киулад Иерихонэз сётӥсько, солэсь эксэйзэ но, [отын улӥсь] кужмо адямиосты но;2ваньды ожмаськыны быгатоно муртъёс город котыртӥ мынэ, [нуналлы быдэ] город котыртӥ одӥг пол ортче; тазьы куать нунал ӵоже лэсьты;3сизьым священникъёс ковчеглэн азьтӥз юбилей арын пелляно сизьым гумыосты мед нуозы; нош сизьыметӥ нуналэ городлэн котыртӥз сизьым пол ортче, священникъёс гумыоссэс мед пеллялозы;4юбилейлы сӥзем сюрен пелляны кутскизы ке, гумыослэсь куараоссэс кылӥды ке, вань калык бадӟым куараен мед кеськоз, соку кар борддор выжыозяз ик куашкалоз но, [вань] калык [бызьыса город пушкы] пыроз, котькудӥз ас паласеныз пыроз».
5Навинлэн пиез Иисус [Израиль] священникъёсты дораз ӧтьыса шуиз: «Сӥзён-косонэн ковчегез вае; нош сизьым священникъёс юбилейлы сӥзем сизьым гумыосты Кузё-Инмарлэн ковчегезлэн азьтӥз мед нуозы».
6Калыклы [та кылъёсты вераны] косӥз: «Мынэлэ, город котыртӥ ортче; ожмаськон тӥрлыкъёсын адямиос Кузё-Инмарлэн ковчегезлэн азьпалтӥз мед мынозы».
7Иисус калыклы верам бере ик Кузё-Инмарлэн азьтӥз юбилейлы сӥзем сизьым гумыосты нуись сизьым священникъёс интыысьтызы вырӟизы, [бадӟым куара поттыса,] гумыоссэс пелляны кутскизы, Кузё-Инмарлэн сӥзён-косонэныз ковчег соос бӧрсьы мынӥз;8нош ожмаськон тӥрлыкъёсын адямиос гумы пеллясь священникъёслэн азязы мынӥзы; нош бераз мынӥсьёс [Кузё-Инмарлэн сӥзён-косонэн] ковчегез бӧрсьын мынӥзы, мыныкузы гумыосын пеллязы.
9Калыклы косон сётыса, Иисус шуиз: «Эн кесяське, куарадэс медаз кылэ, мон тӥледлы ”кеське!” шуон нунал вуытозь, тӥляд ымысьтыды куара-ланга медаз поты, со нунал вуиз ке, кеськоды».10Таӵе амалэн Кузё-Инмарлэн [сӥзён-косонэн] ковчегез город котыртӥ мынӥз, одӥг пол ортчиз; станэ вуизы но отын кӧлӥзы.
11[Мукетаз нуналэ] Иисус ӵукна вазь ик султӥз, священникъёс Кузё-Инмарлэсь [сӥзён-косонэн] ковчегзэ нуизы;12Кузё-Инмарлэн ковчегезлэн азьпалтӥз юбилейлы сӥзем гумыос нуыса мынӥсь сизьым священникъёс вамышъязы но гумыоссэс пеллязы; ожмаськон тӥрлыкенъёс соослэн азьпалазы мынӥзы, нош соослэн беразы интыяськемъёс Кузё-Инмарлэн [сӥзён-косонэн] ковчегез бере мынӥзы но гумыоссэс пеллязы.13Тазьы ик мукетаз нуналэ но город котыртӥ одӥг пол ортчизы, собере станэ лыктӥзы. Тазьы куать нунал ӵоже лэсьтӥзы.
14Сизьыметӥяз нуналэ ӵукна вазь ик, сактыны кутскыку ик, султӥзы но тазьы соос городлэн котыртӥз сизьым пол ортчизы; одӥг та нуналэ гинэ город котыртӥ сизьым пол ортчизы.
15Священникъёс сизьыметӥ ползэ гумыен пелляны кутскем бере Иисус калыклы шуиз: «Бадӟым куарадэс поттыса кеське, Кузё-Инмар городэз тӥ киулэ сётӥз!16Город каргаса быдтэмын луоз, маиз со пушкын вань – ваньзэ [кужымъёслэн] Кузё-Инмарзылы сӥзьыса быдтыны кулэ; одӥг Раав гинэ, калгись кышномурт, улэп мед кылёз, со но соин валче солэн корказ вань учырамъёс; уго со милесьтым ыстэм муртъёсмес ватыса возиз;17нош тӥ каргаса быдтон улэ сюронлэсь утиське: каргаса быдтоноос пӧлысь мае ке басьтӥды ке, соин асьтэос но каргаса быдтон улэ сюроды но израиль [пиослэсь] станзэс каргаса быдтон улэ вуттоды, озьы со доры курадӟон ваёды;18вань азвесь, зарни, озьы ик ыргон, корт сосудъёс Кузё-Инмарлы сӥзьыса сётэмын мед луозы, Кузё-Инмарлы ваньбур тырон интые понэмын мед луозы».
19Калык черектӥськиз но, священникъёс гумыоссэс пелляны кутскизы. Гумы куараез кылэм бераз ик калык [ваньзы ӵош] бадӟым, [кужмо] куараен черектӥськиз но, соку [быдэс кар] борддор выжыозяз куашказ, [вань] калык город пушкы пыриз, котькудӥз ас паласеныз пыриз, – городэз киултӥзы.20Мар вал городын, ваньзэ быдтӥзы, пиосмуртъёсты но кышномуртъёсты, егитъёсты но пересьёсты, ошъёсты но ыжъёсты, ишакъёсты – [ваньзэ] мечен виылӥзы.
21Нош музъемез учкыны-чакланы ветлэм кык егит пиослы Иисус шуиз: «Мынэлэ со калгись кышномуртлэн корказ, со дорын вань пукисьёсты, сое ассэ но отысь поттэ, уго тӥ со азьын кыл сётӥды».22[Городэз] учкыны-чакланы ветлэм егит пиос [кышномуртлэн корказ] мынӥзы но Раавез, [калгись кышномуртэз], солэсь атайзэ, анайзэ, агай-вынъёссэ, ас дораз люкам вань адямиосты, вань ӵыжы-выжыоссэ отысь поттӥзы но Израильлэн стан сьӧраз соосты интыязы.
23Нош городэз но мар со пушкын вал, ваньзэ тылын сутӥзы; азвесез, зарниез, ыргон но корт сосудъёсты сётӥзы Кузё-Инмарлэн коркасьтыз ваньбур тыронэ [Кузё-Инмарлы сётон понна].24Раавез, калгись кышномуртэз, солэн атаезлэсь семьязэ, со дорысь вань адямиосты Иисус улэп кельтӥз, израиль калык пӧлын со та дырозь улэ, малы ке шуоно Иисуслэсь Иерихонэз учкыны-чакланы ыстэм муртъёссэ со ватӥз.
25Со виын Иисус кыл сётыса шуиз: «Кин та Иерихон городэз пуктоз, выльдоз, Кузё-Инмар азьын каргамын луоз; нырысь вордскем пиез вылэ со инъетсэ пуктоз, покчиез вылэ капкаоссэ пуктоз». [Тазьы ик лэсьтӥз Вефильысь потэм Азан: нырысь вордскем Авирон пиез вылэ сое со кылдытӥз, покчиез вылэ, утиськемез вылэ, солэсь капкаоссэ пуктӥз.]
26Кузё-Инмар Иисусэн огазьын вал, солэн данэз быдэс музъем вылтӥ ветлӥз.
Глава 6