Выбрать язык
Книги Ветхого Завета
Книги Нового Завета
с русским текстом1Израиль пиос асьсэлы Иордан шурлэн тупалысьтыз, шундылэн ӝужан палысьтыз, люкетлы музъем басьтӥзы. Та вал израиль пиослэн виылэм эксэйёссылэн музъемзы. Со Арнон ӧр дурысен кутске но шурлэн шундыӝужан палысьтыз ӵошкыт интытӥ Ермон гурезь дорозь кыстӥське вал.
2Есевонын кивалтыса улӥз аморрейёслэн Сӥгон эксэйзы. Солэн музъемез Арнон ӧрлэн ярдураз сылӥсь Ароерысен, Арнон ӧрлэн шор люкетысеныз кутскыса Галаадлэн ӝыны люкеттӥз Иавок ӧр дорозь, аммон калыклэн улон интыозяз, кыстӥськиз.3Иордан нёжаллэн шундыӝужан палась музъем но солэн киулаз вал: со Киннереф зарезь дурысь ӵошалысен Сылало зарезь дорозь, солэн шундыӝужан палысьтыз Беф-Иешимофозь кыстӥськиз, нош лымшор паласез Фасги гурезьлэн выжыозяз кыстӥськиз.
4Сӥгон эксэйлэн музъемез вӧзын Васанлэн Ог эксэезлэн музъемез вал. Ог – со рефаимъёс пӧлысь кылем берпуметӥез адями. Со ку Астарофын, ку Едреяын улӥз.5Солэн музъемаз пыро вал Ермон гурезь, Салха кар – быдэс Васан шаер. Со гессурен мааха калыкъёслэн улон интыоссы дорозь кыстӥськиз. Галаадлэсь ӝыны люкетсэ но со киулаз возиз, со Есевонлэн Сӥгон эксэезлэн музъемез дорозь кыстӥськиз.
6Кузё-Инмарлэн Моисей ляльчиез, израиль пиос Сӥгонэн Огез виизы, Кузё-Инмарлэн Моисей ляльчиез сое Рувимен Гад выжыослы, Манассия выжылэн ӝыны палызлы люкетлы сётӥз.
7Иисус израиль пиосын Иорданлэн шундыпуксён палысьтыз, Ливан нёжалысь Ваал-Гад дорысен Сеир пала кыстӥськись Халак гурезь дорозь, [Аморрей] музъемысь эксэйёсты виылӥзы. Соослэсь музъемзэс Иисус израиль выжыослы люкетлы сётъяз, котькуд выжылы сюроно люкетсэ сётӥз.8Гурезьёсын, улыго интыосын, ӵошалын, гурезь бамалъёсын, кыр дуннеын, лымшорын улӥсь хеттейёслэсь, аморрейёслэсь, хананейёслэсь, ферезейёслэсь, евейёслэсь, иевусейёслэсь музъемзэс сётъяз.
9Тани погыртэм эксэйёс: одӥгез Иерихонлэн эксэез, одӥгез Вефиль вӧзысь Гай городлэн эксэез,
10одӥгез Иерусалимлэн эксэез, одӥгез Хевронлэн эксэез,
11одӥгез Иармуфлэн эксэез, одӥгез Лахислэн эксэез,
12одӥгез Еглонлэн эксэез, одӥгез Газерлэн эксэез,
13одӥгез Давирлэн эксэез, одӥгез Гадерлэн эксэез,
14одӥгез Хормалэн эксэез, одӥгез Арадлэн эксэез,
15одӥгез Ливналэн эксэез, одӥгез Одолламлэн эксэез,
16одӥгез Македлэн эксэез, одӥгез Вефильлэн эксэез,
17одӥгез Таппуахлэн эксэез, одӥгез Хеферлэн эксэез,
18одӥгез Афеклэн эксэез, одӥгез Шаронлэн эксэез,
19одӥгез Мадонлэн эксэез, одӥгез Асорлэн эксэез,
20одӥгез Шимрон-Меронлэн эксэез, одӥгез Ахсафлэн эксэез,
21одӥгез Фаанахлэн эксэез, одӥгез Мегиддонлэн эксэез,
22одӥгез Кедеслэн эксэез, одӥгез Кармил вӧзысь Иокнеамлэн эксэез,
23одӥгез Нафаф-Дор вӧзысь Дорлэн эксэез, одӥгез Галгалысь Гоимлэн эксэез,
24одӥгез Фирцалэн эксэез. Ваньмыз куамын одӥг эксэй.
Глава 12