Выбрать язык
Книги Ветхого Завета
Книги Нового Завета
с русским текстом1Кыкетӥез пус Симеонлы, Симеонлэн выжыысь пиослэн улы-бечеоссылы усиз; соослэн люкет музъемзы Иуда пиослэн люкетлы сюрем музъемзы пушкын вал.2Соослэн люкет музъем вылазы таӵе городъёс сюризы: Вирсавия яке Шева, Молада,3Хацар-Шуал, Вала но Ацем,4Елтолад, Вефул но Хорма,5Циклаг, Беф-Маркавоф но Хацар-Суса,6Беф-Леваоф но Шарухен – дас куинь городъёс гуртъёсынызы валче,7Аин, Риммон, Ефер но Ашан – ньыль городъёс гуртъёсынызы валче,8та городъёс котырысь вань гуртъёс Ваалаф-Беер яке лымшор Рама дорозь ик кыстӥсько. Тӥни сыӵе со Симеон выжыысь пиослэн улы-бечеоссылы люкетлы сюрем музъем.9Иуда пиослэн люкет музъемзы бордысь Симеон [выжыысь] пиослы люкетлы музъем висъямын. Иуда пиослэн люкетлы сюрем музъемзы соос понна укыр бадӟым вал бере, соин ик Симеон пиос соослэн люкетлы сюрем музъемзы пушкысь люкет музъем басьтӥзы.
10Куинетӥез пус Завулон пиослэн улы-бечеоссылы усиз, люкет музъемзылэн кунгожез Саридозь кыстӥськиз;11кунгожзы ӝутске зарезь пала, Марала пала, Дабешеф доры вуэ, Иокнеам вӧзысь ӧр борды донгиське;12Сарид дорысен берлане мынэ, шундыӝужан пала, шундылэн ӝужан палаз, Кислоф-Фавор музъемозь; отысен Давраф доры мынэ но Иафиа доры ӝутске;13отысен шундыӝужан пала, Геф-Хефер, Итта-Кацин пала, отысен мынэ Риммон, Мифоар но Нея пала мынэ;14уйпаласен кунгож Ханнафон пала коже но Ифтах-Ел нёжалысен йылпумъяське;15собере: Каттаф, Нагалал, Шимрон, Идеала но Вифлеем – дас кык городъёс гуртъёсынызы валче.16Тӥни сыӵе Завулон пиослэн улы-бечеоссылэн басьтэм люкет музъемзы; тани городъёссы но гуртъёссы.
17Ньылетӥ пус усиз Иссахарлы, Иссахар пиослэн улы-бечеоссылы;18соослэн люкетазы пыро вал Изреель, Кесуллоф но Сунем,19Хафараим, Шион но Анахараф,20Раввиф, Кишион но Авец,21Ремеф, Ен-Ганним, Ен-Хадда но Беф-Пацец;22кунгож вуэ Фавор доры, Шагацима, Вефсамис доры, кунгожзы йылпумъяське Иордан дурын, дас куать городъёс гуртъёсынызы валче соослы сюризы.23Тани таӵе луэ Иссахар выжыысь пиослэн улы-бечеоссылэн люкетлы басьтэм музъемзы; тани та соослэн городъёссы но гуртъёссы.
24Витетӥез пус усиз Асир выжыысь пиослэн улы-бечеоссылы;25соослэн люкет музъемазы пыро вал: Хелкаф, Хали, Ветен но Ахсаф,26Аламелех, Амад но Мишал; кунгожзы вуэ Кармил дорозь шундыпуксёнпал ласянь но Шихор-Ливнаф дорозь;27отысен берлань шундылэн ӝужан палаз Беф-Дагон доры мынэ, вуэ Завулон доры, уйпал ласянь – Ифтах-Ел нёжал дорозь, [вуэ Асафлэн люкет музъемез доры] Беф-Емеке, Неиелэ, собере мынэ Кавул вӧзтӥ, паллян палтӥз;28собере: Еврон, Рехов, Хаммон но Кана, быдӟым Сӥдон дорозь;29собере кунгож Рама пала берытске, юнматэм Тир город дорозь вуэ, собере кунгож кожытске Хосса пала, зарезь дурысь Ахзив гурт дорын йылпумъяське;30собере: Умма, Афек, Рехов – кызь кык городъёс гуртъёсынызы валче соослы сюризы.31Тӥни сыӵе Асир выжыысь пиослэн улы-бечеоссылэн басьтэм люкет музъемзы; тани соослэн городъёссы, гуртъёссы.
32Куатетӥез пус усиз Неффалим пиослы, Неффалим пиослэн улы-бечеоссылы;33соослэн кунгожзы мынӥз Хелеф дорысен, Цананним тыпы сурд дорысен Адами-Некевен Иавнеил пала, Лаккум дорозь, Иордан дурын со йылпумъяське;34татысен кунгож шундыпуксён пала, Азноф-Фавор доры, берытске но отысен Хуккок доры мынэ, лымшор палтӥз Завулон музъем борды пыкиське, шундыпуксён палтӥз Асир музъем борды пыкиське, шундылэн ӝужан палтӥз, Иордан дурысен, Иуда музъем борды пыкиське.35Таӵе юнматэм городъёссы вань: Циддим, Цер, Хамаф, Раккаф но Киннереф,36Адама, Рама но Асор,37Кедес, Едрея но Ен-Гацор,38Иреон, Мигдал-Ел, Хорем, Беф-Анаф но Вефсамис – дас укмыс городъёс гуртъёсынызы валче соослы сюризы.39Тани таӵе Неффалим выжыысь пиослэн улы-бечеоссылэн басьтэм люкет музъемзы; тани соослэн городъёссы, гуртъёссы.
40Дан пиослэн выжызылы, соослэн улы-бечеоссылы сизьыметӥез пус усиз;41люкет музъемазы пыро вал: Цора, Ештаол но Ир-Шемеш,42Шаалаввин, Аиалон но Ифла,43Елон, Фимнафа но Екрон,44Елтеке, Гиввефон но Ваалаф,45Игуд, Бене-Верак но Гаф-Риммон,46Ме-Иаркон но Ракон – Иоппия вӧзысь город. Дан пиослы люкетлы басьтэм музъемзы туж пичи луиз.
47Дан пиос Ласеме ожмаськыны мынӥзы, киултӥзы сое, мечен коразы, сое асьсэлы люкетлы басьтӥзы, отчы улыны интыяськизы, Ласемез Дан шуыса нимазы – атайзылэн, Данлэн, нимызъя. [Аморрейёс Еломе но Саламинэ улыны кылизы, нош Ефремлэн киыз соосты вормиз, Ефрем выжылы соос выт тырись луизы].48Тани таӵе Дан выжыысь пиослэн улы-бечеоссылэн люкетлы басьтэм музъемзы; тани соослэн городъёссы но гуртъёссы. [Гурезьын ӝикатыса возись аморрейёсты Дан пиос ӧз виылэ, аморрейёс соослы нёжалэ потыны луонлык ӧз сётэ, люкетлы сюрем музъемзылэсь оглюкетсэ талазы.]
49Музъем люкылонэз йылпумъямзы бере, кунгожъёс тодмо луэм бере израиль пиос асьсэ пӧлы Навинлэн Иисус пиезлы люкет музъем сётӥзы:50Кузё-Инмарлэн косэмезъя, аслаз куремезъя солы Ефрем гурезьысь Фамнаф-Сараи городэз сётӥзы, со город пуктӥз но отын улӥз.
51Тани тазьы Елеазар священник, Навинлэн Иисус пиез, выжыослэн кивалтӥсьёссы, пус чӧлтыса, израиль пиослэн выжыоссылы люкетлы музъемъёс люкылӥзы; та уж ортчиз Сӥломын, Кузё-Инмарлэн син азяз, вӧсяськон скинияе пырон дорын. Табере музъем люкылон йылпумъяськиз.
Глава 19