Выбрать язык
Книги Ветхого Завета
Книги Нового Завета
с русским текстом1Кузё-Инмар, тазьы шуыса, Иисуслы вазиськиз:2«Израиль пиослы тазьы шу: ”Асьтэ доры ватӥськон-пегӟон городъёс лэсьтэ, та сярысь Мон тӥледлы Моисей пыр верай,3отчы янгышен, малпаськытэк адямиез виись мурт пегӟыны мед быгатоз; [та городъёс] тӥледлы ватӥськон-пегӟон инты мед луозы, [адями виись кулоно медаз луы], вир понна пунэм берыктӥсьлэсь [калык азе судэ султытозяз].4Кин одӥгаз та городъёс пӧлы пегӟиз ке, кар капка азе мед султоз но городлэн тӧроосызлы аслаз та ужез сярысь кылӥськымон мед вералоз; соку соос сое городазы улыны басьтозы, отчы солы улыны инты сётозы;5вир понна пунэмзэ берыктӥсь со сьӧры уйиськыса лыктӥз ке, городын улӥсьёс солэн кияз адями виисез медаз сётэ, малы ке шуоно со малпаськытэк, янгышен матысь муртсэ вииз, толон но, толон валлян но солэн со вылэ йыркурез пӧзьыса ӧз улы;6калык азе судэ султытозяз, собере со нуналъёсы быдӟым священник кулон дырозь та городын со мед улоз. Нош собере адями виись аслаз пегӟыса кошкем городаз, аслаз дораз, мед бертоз”».
7Таӵе учырлы висъязы: Галилеяысь Неффалим гурезьысь Кадесэз, Ефрем гурезьысь Сӥхемез, Иуда гурезьысь Кириаф-Арбаез, мукет нимыз Хеврон;8Иордан шурлэн шундыӝужан палаз, Иерихонлы ваче беринысь луоё кыр дуннеысь ӵошкыт интыысь Бецерез висъязы – Рувим выжылэсь городзэ, Галаадысь Рамофез – Гад выжылэсь городзэ, Васанысь Голанэз – Манассия выжылэсь городзэ – висъязы;9янгышен адями вием мурт калык азе судэ султэмезлэсь азьло, вир понна пунэм берыктӥсь сое медаз виы, отчы пегӟыны мед быгатоз шуыса, та городъёс вань израиль пиослы, соос доры улыны лыктэм калыклы сётыны дасямын.
Глава 20