Выбрать язык
Книги Ветхого Завета
Книги Нового Завета
с русским текстом1Левий выжыысь кивалтӥсьёс Елеазар священник доры, Навинлэн Иисус пиез доры, израиль пиослэн выжыоссылэн кивалтӥсьёссы доры лыктӥзы,2Ханаан музъемысь Сӥлом карын соослы тазьы шуыса веразы: «Кузё-Инмар Моисей пыр милемлы улыны городъёс, соос котырысь пудо возьман интыосын ӵош сётыны косӥз».3Израиль пиос левитъёслы Кузё-Инмарлэн косэмезъя ас люкет музъем вылысьтызы таӵе городъёсты котырысьтызы музъеменызы валче сётӥзы.
4Кааф улы-бечеослы пус усиз; пус чӧлтыса, Аарон священниклэн пиосызлы, левитъёслы, Иуда выжылэсь, Симеон выжылэсь, Вениамин выжылэсь дас куинь городъёс сюризы;5Каафлэн нош мукет пиосызлы Ефрем выжылэн улы-бечеосызлэсь, Дан выжылэсь, Манассия выжылэн ӝыны люкетэзлэсь, пус чӧлтыса, дас городъёс сюризы;6Гирсон пиослы – Иссахар выжылэн улы-бечеосызлэсь, Асир выжылэсь, Неффалим выжылэсь, Манассия выжылэн Васанысь ӝыны люкетэзлэсь, пус чӧлтыса, дас куинь городъёс сюризы;7Мерар пиослэн выжыоссылы Рувим выжылэсь, Гад выжылэсь, Завулон выжылэсь дас кык городъёс сюризы.8Израиль пиос левитъёслы та городъёсты котырысьтызы музъеменызы валче сётӥзы, кызьы Кузё-Инмар Моисей пыр пус чӧлтыса сётыны косӥз.
9Иуда пиослэн выжызылэсь, Симеон пиослэн выжызылэсь, [Вениамин пиослэн выжызылэсь] нимын-нимын верам та городъёссэс сётӥзы:10Ааронлэн пиосызлы, Кааф улы-бечеос пӧлысь, Левийлэн пиосыз пӧлысь, уго таослэн пуссы нырысез вал,11Иудея гурезьысь Кириаф-Арбаез, Енаклэн атаезлэсь городзэ, мукет нимыз Хеврон, но со котырысь музъемез сётӥзы;12нош та городлэсь бусызэ, гуртъёссэ Иефоннийлэн Халев пиезлы сётӥзы.
13Адями виисьёслы ватӥськон-пегӟон городзэс, Хевронэз, котырысьтыз музъеменыз валче, нош озьы ик Ливнаез котырысьтыз музъеменыз валче Аарон священниклэн пиосызлы сётӥзы,14Иаттирез котырысьтыз музъеменыз валче, Ештемоез котырысьтыз музъеменыз валче,15Холонэз котырысьтыз музъеменыз валче, Давирез котырысьтыз музъеменыз валче,16Аинэз котырысьтыз музъеменыз валче, Юттаез котырысьтыз музъеменыз валче, Беф-Шемешез котырысьтыз музъеменыз валче – озьы та кык выжыослэсь укмыс городэз Аарон священниклэн пиосызлы сётӥзы;17нош Вениамин выжылэсь: Гаваонэз котырысьтыз музъеменыз валче, Геваез котырысьтыз музъеменыз валче,18Анафофез котырысьтыз музъеменыз валче, Алмонэз котырысьтыз музъеменыз валче – ньыль город сётӥзы.
19Аарон священниклэн пиосызлы котырысьтызы музъеменызы валче ваньмыз-ӧвӧлэз дас куинь город сюриз.
20Кааф пиослэн улы-бечеоссылы, левитъёслы, Каафлэн мукет пиосызлы, пус чӧлтыса, Ефрем выжылэн городъёсыз сюризы;21соослы Ефрем гурезьысь Сӥхемез, адями виисьлы ватӥськон-пегӟон городэз, котырысьтыз музъеменыз ӵош, Гезерез котырысьтыз музъеменыз ӵош сётӥзы,22Кивцаимез котырысьтыз музъеменыз валче, Беф-Оронэз котырысьтыз музъеменыз валче – ньыль город сётӥзы;23Дан выжылэсь: Елфекеез котырысьтыз музъеменыз валче, Гиввефонэз котырысьтыз музъеменыз валче,24Аиалонэз котырысьтыз музъеменыз валче, Гаф-Риммонэз котырысьтыз музъеменыз валче – ньыль город сётӥзы;25Манассиялэн ӝыны выжыезлэсь: Фаанахез котырысьтыз музъеменыз валче, Гаф-Риммонэз котырысьтыз музъеменыз валче – кык город сётӥзы.
26Кааф пиослэн мукет улы-бечеоссылы котырысьтызы музъеменызы валче ваньзэ-ӧвӧлзэ дас городъёс сюризы.27Нош левит улы-бечеос пӧлысь Гирсон пиослы сётӥзы: адями виисьлы ватӥськыны-пегӟыны Манассиялэн ӝыны выжыезлэсь городзэ – Васанысь Голанэз котырысьтыз музъеменыз валче, Беештераез котырысьтыз музъеменыз валче – кык городэз сётӥзы;28Иссахар выжылэсь: Кишионэз котырысьтыз музъеменыз валче, Даврафез котырысьтыз музъеменыз валче,29Иармуфез котырысьтыз музъеменыз валче, Ен-Ганнимез котырысьтыз музъеменыз валче – ньыль город сётӥзы;30Асир выжылэсь: Мишалэз котырысьтыз музъеменыз валче, Авдонэз котырысьтыз музъеменыз валче,31Хелкафез котырысьтыз музъеменыз валче, Реховез котырысьтыз музъеменыз валче – ньыль город сётӥзы;32адями виисьлы ватӥськыны-пегӟыны сётэмын Неффалим выжылэсь Галилеяысь Кедес городэз котырысьтыз музъеменыз валче, Хамоф-Дорез котырысьтыз музъеменыз валче, Карфанэз котырысьтыз музъеменыз валче – куинь город сётӥзы.
33Гирсон пиослэн улы-бечеоссылы котырысьтызы музъеменызы валче ваньмыз-ӧвӧлэз дас куинь город сюриз.34Мерарилэн пиосызлэн улы-бечеоссылы, кылемъёсызлы левитъёслы, сётӥзы: Завулон выжылэсь Иокнеамез котырысьтыз музъеменыз валче, Каффаез котырысьтыз музъеменыз валче,35Димнаез котырысьтыз музъеменыз валче, Нагалалэз котырысьтыз музъеменыз валче – ньыль город сётӥзы;36[Иордан тупалась, Иерихонлы ваче беринысь] Рувим выжылэсь [адями виисьлы ватӥськыны-пегӟыны сётэмын] Бецер город [со Мисор луоё кыр дуннеын] котырысьтыз музъеменыз валче, Иааца котырысьтыз музъеменыз валче,37Кедемоф котырысьтыз музъеменыз валче, Мефааф котырысьтыз музъеменыз валче – ньыль город сётэмын;38Гад выжылэсь: адями виисьлы ватӥськон-пегӟон городъёс – Галаадысь Рамоф котырысьтыз музъеменыз валче, Маханаим котырысьтыз музъеменыз валче,39Есевон котырысьтыз музъеменыз валче, Иазер котырысьтыз музъеменыз валче – ваньмыз ньыль город сётэмын.
40Мерарилэн пиосызлэн улы-бечеоссылы, левитъёслэн мукет выжыоссылы, пус чӧлтыса, дас кык городъёс сюризы.
41Израиль пиос пӧлын левитъёслэн котырысьтызы музъеменызы валче ваньмыз-ӧвӧлэз ньыльдон тямыс городъёссы вал.42Та городъёс бордын котькудӥзлэн городлэн котыраз музъемъёсыз вал, озьы та вань городъёс бордын вал, [люкет-музъемез люкылонэз Иисус йылпумъям бере израиль пиос Кузё-Инмарлэн косэмезъя Иисуслы люкет сётӥзы, куроно городзэ сётӥзы – Ефрем гурезьысь Фимнаф-Сараез; Иисус куроно городзэ пуктӥз но отын улӥз. Иисус из пуртъёс басьтӥз, соосын со кыр дуннеетӥ ветлон дыръя вордскем израиль пиослы вандӥськон сямез ортчытӥз, уго луоё кыр дуннеын соослы вандӥськон сям ортчытэмын ӧй вал; из пуртъёсты Фимнаф-Сарае понӥз.]
43Таӵе амалэн атайёссылы сӥзьыса верам вань музъемез Кузё-Инмар Израильлы сётӥз, сое соос люкетлы басьтӥзы но отчы улыны интыяськизы.44Котыр ласянь Кузё-Инмар соослы каньыллык сётӥз, кызьы соослэн атайёссылы сӥзьыса вераз вал; вань тушмонъёссы пӧлысь одӥгез но соослы пумитъяськыны ӧз чида; вань тушмонъёссэс Кузё-Инмар соослэн киулазы сётӥз.45Кузё-Инмарлэн израиль калыклы верам ӟеч кылъёсыз пӧлысь одӥгез но быдэсмытэк ӧз кыльы; ваньмыз быдэсмиз.
Глава 21