Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержание1-я книга Моисеева. Бытие2-я книга Моисеева. Исход3-я книга Моисеева. Левит4-я книга Моисеева. Числа5-я книга Моисеева. ВторозакониеИисус НавинСудьиРуфь1-я Книга Царств2-я книга Царств 3-я книга Царств4-я книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесня ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровениесловари

ЭКСЭЙЛЫКЪЁСЛЭН НЫРЫСЕТӤ КНИГАЗЫ

3-тӥ ЛЮКЕТ

1Егит пи Самуил Илий бордын Кузё-Инмарлы ужаз-тыршиз; со виын Кузё-Инмар дорысь потӥсь кылэз шер луэ вал кылыны, адӟонъёс но ӵем ӧз луылэ.2Илийлэн синъёсыз лябӟыны кутскизы, со адӟемысь дугдӥз; со вакытэ со ас интыяз выдыса кылле вал,3Инмарлэн лампадаез ӧз на кысы вал, – Кузё-Инмарлэн храмаз Самуил выдыса кыллён дыръя отын Инмарлэн ковчегез сылӥз,4Кузё-Инмар Самуиллы вазиськиз: [«Самуил, Самуил!»] Нош Самуил шуиз: «Мон татын!»5Илий доры со бызьыса лыктӥз но шуиз: «Тани, мон татын! Тон монэ ӧтид-а?» Илий шуиз: «Мон тонэ ӧй ӧтьы; мын берен, изьыны выд». Со кошкиз, изьыны выдӥз.

6Мукетъят Кузё-Инмар нош ик Самуиллы вазиськиз: [«Самуил, Самуил!»] Со султӥз но кыкетӥ ползэ ини Илий доры лыктыса шуиз: «Тани, мон татын! Тон монэ ӧтид-а?» Нош соиз шуиз: «Мон тонэ ӧй ӧтьы, пие; мын, бертыса изьыны выд».7Самуил соку уг на тодма вал Кузё-Инмарлэсь куаразэ, та дырозь Кузё-Инмарлэн верам кылыз со доры ӧз на вуылы на вал.

8Кузё-Инмар куинетӥ ползэ Самуиллы вазиськиз. Со султӥз но Илий доры лыктыса шуиз: «Тани, мон татын! Тон монэ ӧтид-а?» Соку Илий валаз, егит пиез Кузё-Инмар ӧте шуыса.9Соку Илий Самуиллы шуиз: «Мын, берт, изьыны выд, нош [Ӧтись] тыныд вазиськиз ке, тон шу: ”Вера, Кузё-Инмаре, ляльчиед Тонэ кылзэ”». Самуил кошкиз, со аслаз интыяз выдӥз.

10Кузё-Инмар лыктӥз но, азьвыл радъёсаз кадь ик, султыса солы вазиськиз: «Самуил, Самуил!» Соку Самуил шуиз: «Вера, [Кузё-Инмаре], ляльчиед Тонэ кылзэ».11Кузё-Инмар Самуиллы шуиз: «Тани, Мон Израильын сыӵе уж лэсьто, кин со сярысь кылоз, со муртлэн кыкез ик пельыз жонгетоз.12Со нуналэ, Илийлы но семьяезлы мар лэсьто шуи, ваньзэ быдэсто; Мон кутско, Мон ик йылпумъяло.13Мон солы ялӥ: пумтэм вапумъёс ӵожелы выжыдэ вӧсь каро, уго тон пиосыдлэсь йӧнтэм ужъёсын выремзэс тодӥд ке но, соосты ӧд алы.14Со понна ик Илийлэн семьяезлы кыл сётыса верасько: дауръёс ӵоже но Илий юртлэн сьӧлыкъёсыз курбон сётыса но, саламъёс вайыса но уз ӵушиське».

15Самуил ӵукнаозь изиз, [вазь ик султӥз], собере Кузё-Инмарлэн коркаезлэсь ӧсъёссэ усьяз; аслэсьтыз адӟемзэ Илийлы вераны Самуил кышказ.16Илий Самуилэз дораз ӧтьыса шуиз: «Пие, Самуил!» – «Мон кылзӥсько!» – соиз шуиз.17Илий шуиз: «Мар тыныд верамын вал? Мынэсьтым сое эн ваты; сое но сое тыныд Инмар лэсьтоз, эшшо троссэгес лэсьтоз, тыныд верам пӧлысь марзэ ке созэ мынэсьтым ватӥд ке».18Самуил солы ваньзэ вераз, номырзэ но ӧз ваты. Соку [Илий] шуиз: «Со – Кузё-Инмар; мар Солы кулэ, сое ик мед лэсьтоз».

19Самуил быдэ вуиз, Кузё-Инмар соин валче вал; одӥг кылыз но быдэсмытэк ӧз кыльы.20Быдэс Израиль, Дан дорысен кутскыса Вирсавияозь, тодӥз, Самуил Кузё-Инмарлэн пророкез луыны дэлет басьтӥз шуыса.21Кузё-Инмар верам кылыз пыр Ассэ Самуиллы Сӥломысен возьматэмез бере Кузё-Инмар Сӥломын ялан возьматскылӥз на. [Быдэс Израильын, музъемлэн пумысеныз пумозяз, ваньмыз оскыны кутскизы, Самуил Кузё-Инмарлэн пророкез луэ шуыса. Илий туж пересьмиз ини, нош пиосыз Кузё-Инмар азьын ялан законлы пумит ужъёс лэсьтыса улӥзы на.]

 Глава 3