Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержание1-я книга Моисеева. Бытие2-я книга Моисеева. Исход3-я книга Моисеева. Левит4-я книга Моисеева. Числа5-я книга Моисеева. ВторозакониеИисус НавинСудьиРуфь1-я Книга Царств2-я книга Царств 3-я книга Царств4-я книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесня ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровениесловари

ЭКСЭЙЛЫКЪЁСЛЭН НЫРЫСЕТӤ КНИГАЗЫ

5-тӥ ЛЮКЕТ

1Нош филистим пиос Инмар ковчегез басьтӥзы но Авен-Езерысь Азотэ вайизы.2Филистим пиос Инмар ковчегез басьтӥзы но Дагонлы сӥзем курбон сётон корка пыртӥзы, Дагонлэн сульдэреныз артэ пуктӥзы.3Мукетаз нуналэ ӵукна вазь ик Азотын улӥсьёс султӥзы но, тани: Кузё-Инмарлэн ковчег азяз Дагон ымнырыныз сюй вылын кылле. Соос Дагонэз ӝутӥзы но ас интыяз пуктӥзы.4Мукетаз нуналэ ӵукна вазь ик соос султӥзы но, тани: Кузё-Инмарлэн ковчег азяз Дагон ымнырыныз сюй вылын кылле; Дагонлэн йырыз, [кык пыдыз но], кык киыз но ӵогыса уретэмын, ӧс выжыын нимаз-нимаз кыллё, Дагонлэн мугорыз гинэ кылем.5Со дырысен Дагонлэн вӧсясьёсыз, Дагонлы сӥзем Азотысь куалаяз лыктӥсьёс Дагон куалалэн ӧс янак бордаз уг лёгисько, [со вамен вамыштыса пыро].

6Кузё-Инмарлэн киыз зӥбыса возиз Азотын улӥсьёсты, соосты Со вӧсь карылӥз, курадӟытӥсь пыктосъёс ыстылӥз, Азотын но солэн котыраз, [та кунын шыръёс йылӥзы, соин сэрен городын улӥсьёс туж кышкаса улӥзы].7Азотын улӥсьёс тае адӟыса шуизы: «Израиль Инмарлэн ковчегез асьме дорын медаз ни возиськы, уго Солэн киыз асьмемыз но, Дагон инмармес зӥбыса возе».

8Вань филистим кивалтӥсьёсты ӧтьыны ыстӥзы, соосты ваньзэс огазе, асьсэ доры люкаса шуизы: «Израиль Инмарлэн ковчегеныз асьмелы мар кароно?» [Гефын улӥсьёс] шуизы: «Израиль Инмарлэсь ковчегзэ [ми доры], Гефе, ваёно». Соку Израиль Инмарлэсь ковчегзэ Гефе келязы.

9Сое отчы вуттэм бере Кузё-Инмарлэн киыз город вылын улӥз – шимес куалекъян вуиз, пичиез бордысен кутскыса бадӟымез дорозь – городын вань улӥсьёс вылэ Кузё-Инмар пыктос висёнъёс лэзиз.10Соку соос Инмарлэсь ковчегзэ Аскалонэ келязы. Инмар ковчег Аскалонэ вуэм бере отын улӥсьёс тазьы шуыса кесяськизы: «Милемды, калыкмес быдтон понна Израиль Инмарлэсь ковчегзэ ми доры вайизы».11Вань филистим кивалтӥсьёсты ӧтьыны ыстӥзы, соосты ваньзэс огазе люкаса шуизы: «Израиль Инмарлэсь ковчегзэ ас интыяз берыктоно, ми но, калыкмы но медам быре шуыса». Городысь вань калык кулоно кадь кышкаса улӥз: [Израиль Инмарлэн ковчегез отчы вуэм бере] Инмарлэн киыз соосты юн зӥбыса возиз.12Кинъёс ӧз кулэ, соос вылэ пыктосъёс потӥзы – городлэн ӝуштэмез инмозь вуиз.

 Глава 5