Выбрать язык
Книги Ветхого Завета
Книги Нового Завета
с русским текстом1Наватлэн Иеровоам пиез дас тямысэтӥ арзэ эксэйын пукыку, иудейёслы эксэе Авия пуксиз.2Куинь ар ӵоже со Иерусалимын эксэйын пукиз; анаезлэн нимыз Мааха, со Авессаломлэн нылыз вал.3Солэсь азьвыл атаезлэсь вань лэсьтылэм сьӧлыкъёссэ лэсьтылыса со улӥз; Давид атаезлэн кадь солэн сюлмыз Инмарезлы Кузё-Инмарлы сётэмын ӧй вал.4Но Давидлы луыса солэн Инмарез Кузё-Инмар Иерусалиме солы лампада сётӥз: со интые пизэ пуктӥз но Иерусалимез юнматӥз.5Давид Кузё-Инмарлэн син азяз ярамон ужъёс лэсьтыса улӥз уго, Инмарлэн солы сётэм курон-косонъёсызлэсь вань улон нуналъёсыз ӵоже ӧз палэнскылы, хеттей пиен Урияен луэм учырез вератэк.6Ровоамен Иеровоам куспазы вань улытозязы ожмаськыса улӥзы.
7Авиялэн мукет ужъёсыз, мар со лэсьтӥз – ваньмыз Иудей эксэйёслэн книгаязы гожтэмын. Авияен Иеровоам куспын ожмаськон вал.8Авия кулӥз но, атайёсыныз огазе сое Давидлэн городаз ватӥзы. Со интые солэн Аса пиез эксэе пуксиз.
9Израильын Иеровоам кызетӥ арзэ эксэйын пукыку, Иудеяын Аса эксэе пуксиз.10Иерусалимын со ньыльдон одӥг ар ӵоже эксэй вал; анаезлэн нимыз Ана, со Авессаломлэн нылыз вал.11Давид атаез кадь ик Аса Кузё-Инмар азьын ярамон ужъёс лэсьтыса улӥз.12Та музъемысь азыса-калгыса улӥсьёсты улляз, атайёсызлэсь лэсьтэм сульдэръёссэс кулэтэм кариз.13Астарталэсь сульдэрзэ лэсьтэмез понна аслэсьтыз анайзэ эксэй кышномурт нимез нуллонлэсь люкиз; Астарталэсь сульдэрзэ кораз но Кедрон ӧр дорын сутӥз.14Нош гурезь йылъёсысь вӧсяськонъёс быдтэмын ӧй вал. Асалэн сюлмыз вань улон нуналъёсыз ӵоже Кузё-Инмар палан улӥз.15Кузё-Инмарлэн корказ атаезлэсь но, аслэсьтыз но сӥзем арбериоссэс пыртӥз: азвесь, зарни, сосудъёсты.
16Асаен Израильлэн Вааса эксэез куспын вань нуналъёссы ӵоже ожмаськонъёс мынӥзы.17Израильлэн Вааса эксэез Иудеялы пумит урдскиз, со Рама карез лэсьтыны кутскиз – нокин но медаз поты, медаз кошкы Иудеялэн Аса эксэез доры.18Кузё-Инмарлэн коркаезлэн ваньбур возён шыкысъёсаз, эксэй юртлэн ваньбур возён шыкысъёсаз кылем азвесез, зарниез Аса аслыз басьтӥз, соосты со медоосызлэн киязы сётӥз но Дамаскын улӥсь Сириялэн эксэез доры, Хезионлэн Тавримон пиезлэн Венадад пиез доры, ыстӥз, солы вераны косӥз:19«Мынам атаеным тынад атаед вискын кадь ик асьме вискын но кусып мед кылдоз; тани, мон тыныд кузьымлы азвесь, зарни лэзисько; мон дорысь мед кошкоз шуыса, Израильлэн Вааса эксэеныз кусып воземысь дугды».20Аса эксэйлэсь верамзэ Венадад санэ понӥз но Израильлэн городъёсызлы пумит ож ужен кивалтӥсьёссэ ыстӥз – соос Аинэз, Данэз, Авел-Беф-Маахаез, быдэс Киннерефез, быдэс Неффалим музъемысь городъёсты куашкатӥзы.21Та сярысь кылыса, Вааса Рама карез лэсьтэмысь дугдӥз но Фирца каре берыктӥськиз.22Нош Аса эксэй, огзэ но кельтытэк, Иудеяын вань улӥсьёсты огазе ӧтиз, соос Рама карысь Ваасалэсь лэсьтӥськон изъёссэ, коръёссэ поттӥзы но соослэсь Аса эксэй Вениамин музъеме Гива но Мицпа каръёс пуктӥз.23Асалэн вань мукет ужъёсыз, вылӥ ужъёсыз, ваньзэ, мар со лэсьтӥз, пуктылэм городъёсыз сярысь Иудей эксэйёслэн книгаязы гожтэмын; пересьмон даураз пыдъёсыз висьыны кутскизы.24Аса кулӥз но, атайёсыныз огазе, Давид атаезлэн городаз, сое ватӥзы. Солэн интыяз эксэе Иосафат пиез пуксиз.
25Нош Иеровоамлэн Нават пиез Израильын эксэе пуксиз но кык ар ӵоже Израильлэн эксэез луыса пукиз, – со вал Аса эксэйлэн, Иудеяен кыкетӥ арзэ кивалтыкуз.26Кузё-Инмарлэн син азяз со ярантэм ужъёс лэсьтӥз, атаезлэн сюрес вылтӥз, сьӧлыкъёс пӧлтӥ ветлӥз, аслаз сьӧлыкъёсыныз со быдэс Израилез сьӧлык пӧлы пыртӥз.
27Иссахар выжыысь Ахиялэн Вааса пиез лушкемен солы пумит урод уж лэсьтӥз: Нават вань израиль пиосын ӵош Филистим музъемысь Гавафонэз котыртыса возьыку, Вааса сое Гавафон кар вӧзы вииз.28Иудей эксэй, Аса, куинетӥ арзэ кивалтыку, Вааса Наватэз вииз но солэн интыяз эксэе пуксиз.29Эксэе пуксем бераз Иеровоамлэсь вань семьязэ вииз; Иеровоам дорысь одӥг лулэз но улэп ӧз кельты, кызьы вераз вал Кузё-Инмар Сӥломысь Ахия ляльчиез пыр, –30Иеровоамлэн аслаз лэсьтэм сьӧлыкъёсыз понна, кудъёсыныз со Израилез сьӧлыке пыртӥз, – Израильлэн Инмарезлэсь Кузё-Инмарлэсь вожзэ поттэм понназ, ӝоже уськытэмез понна.31Наватлэн мукет ужъёсыз, ваньзэ, мар со лэсьтӥз, Израиль эксэйёслэн книгаязы гожтэмын.32Израильлэн Вааса эксэез но Аса куспын вань улон нуналъёссы ӵоже ожмаськон мынӥз.
33Аса Иудеяын куинетӥ арзэ эксэйын пукыку, Фирца карын Ахиялэн Вааса пиез быдэс Израильлы эксэе пуксиз, со кызь ньыль ар ӵоже эксэй луыса кивалтӥз.34Кузё-Инмарлэн син азяз ярантэм ужъёс лэсьтыса улӥз, Иеровоамлэн сюрес кузяз ветлӥз, сьӧлыкъёсыз пӧлын улӥз, озьы со быдэс Израилез сьӧлыке пыртӥз.
Глава 15